كل المتان يدشووووووون فش خلئك معانااااتنا اهني راح تنكتب وانا اول وحده

انا محتاجه انزل 10 كيلو بس ماني قادره

مسك العجمي هلا فيج يا الغاليه بس ماذكرتيلي شعورج وانتي متينه؟؟ ولا الموضوع ماعجبج المهم هذا موضوعي شلون نزلت 17 كيلوا ويمكن اكثر واتمنى يفيدج انا برد مثل اول وبنزل لمه يوصل وزني 60 بأذن الله

https://www.q8yat.net/showthread.php?t=55917

ويابنات وينكم نبي نواسي بعض ونشجع بعض ونبي نعرف شعوركم شنو عن الكبت الزايد

يالله انشالله توصلين حق هدفج وخلال شهرين بالكثيييير انشالله يارب

والله انا بعد وديييييييي انزل بس ماكو اراده بسسس

لازم انشالله ادعوليييييييييييي بعد

واااي انتي نفسي ..ونفس عمري تقريبا ونفس وزني ..

انا ناوية على نفسي نية ان شاء الله ..بصير منيكااااان لووول واحارب السمنة

لاني مليييييت من نفسي كل من يشوفني يعطيني اكبر من عمري ب8 او 9 سنين اهني اتحطمممممممممم

وجهي فقط اللى يدل على اني صغيرة لآني بيبي فيس اسماا الله على….بس دبدوبة بدي.

وبالنسبة للبس بالعكس البس اللى اشتهي وكل الألوان بس xlلآني بصراحة شفت وحده بسوق شرق امتن مني دبلالالالات ومع ذلك مو حاقرة عمرها ولابسة بنطرون جنز ولو ويست بعد …فليش احقر عمري ؟؟؟

وان اشاااااااء الله بروح لدكتورة تغذيه امشي معاها على نظام انزل فيه …والله ينول كل متينه اللى ببالها ياارب

ومشكورة على فشت الخلق

شوفو شوفو بقولكم شي

انا كان وزني 75 كيلو وكنت قبله عصله عصله قبل الزواج والحمل والولاده كان وزني 58 وطولي 160سم

ونزلت 10 كيلو ب3 شهور تقريبا والله تدرون يوم كان وزني75 كرهت نفسي يعني 20 كيلو مو اشويه وشكلي كاني اكثر بس والله كنت اروح السوق ابي اشتري هدوووم ادخل القياس اقيس ما يدش فيني شي والله اقعد ابجي بالغرفه وابجي وامسح دومعي واطلع وانا قبل الزواج اخذ سمول صار حتى الاكس لارج يتقلقص غصب طييب فيني ويفشل

ومره كنت رااايحه عرس وكاااشخه والا انصدمت الكل يقولي لا حرااام وين جسمج ورشاقتج

قلت خلاااااااااااااااااااااااااص من هاللحظه رجيم وحرمان بديت اول اسبوع حرمان لكن بعدين والله خففت اكل وتركت العيش والخبز وخففت عشا وصرت الحمدلله انزل وما اخربط الا يوم بالاسبوع وبدون خبز او عيش واذا كلش كلش مره بالاسبوع عيش او خبز

وفادتني خلطة اعشاب ورجمي شوفوه في توقيعي ومواضيعي

صرت كل ما طرا علي اكل اروح اتسبح واتسنفر واهتم في جسمي واصد عن الاكل والا اغصب نفسي على قلاصين ماي وبعدين صلطه وروب ودياي تشبعين بس بعد شنو نبي

والله صار عندي ثقه ما شاء الله والكل يقول اي هذي اللي نعرفها مع اني للحين امتن من قبل الزواج بس همن للحين ضيعيفه ما ينقالي متينه ابد

بسسسس هااااا مستمره على هالاكل وما اغير لان جسمي قااابل للسمنه من اخربط 3 ايام والله تلاقين وزني زااايد 3 كيلو فانا ان شاء الله بستمر بالتخفيف ولاني حاارمه نفسي ابد

ودي الحين انزل جم كيلو بس يبببيله رجيم اكثر ادعولي وشجعوا بعضكم ودااايم طالعي التلفزيون وشوفي البنات هاللي اجسامهم تجيييييييييييييييب العااافيه وقارني نفسج عشان تحطمين هالشهيه المفتوووحه للاكل انا اسوي جذيه والله اطالع شكلي وشكل البنات والحريم الضعاف والحمدلله صار لي حافز
وتعقدت وسويت رجيم

مع تحياتي يا حياتي

مزيونه وشقره

انشالله الله يوفق الجميع في رحلة العذاب قصدي رحلة الريجيم اما انا فمليت اوووووووووووووف مليت من احساس المتن وانا توني والده فالموضوع خربان حده وكلما يقولي ريلي خلنطلع أأجل الطلعه لاني ماله من نفسي بس شسوي الله كريم الحين بجرب اعشاب دكتور الطيب والله كريم

والله انا عمري 18
وطولي 153
وأقصى وزن وصلت له اهو 65 .. هني حسيت اني بنفجر و بنبط
وأبوي كله قاضب علي يالمتينة ويالبطة… اهو على غشمرة .. بس انا تشوفوني أغلي أغلي من داخل .. وساعات ازعل وأطنقر عليه

اشكثر حاولت بالرجيم بس مافاد معاي الا رجيم أتكنز مال د. حسين دشتي
نزلت وايد فيه .. بس الصراحة تعذيب .. لأني ماأصبر على العيش والخبز ولا الحلو

وهدّيته ورحت حق اشكثر غيره بس مافادوني

بس من دشيت الجامعة .. ومع لوية الدراسة والامتحانات .. وبعد انا بهندسة ولازم ناخذ مواد علوم مشترك فكنت امشي يوميا من الهندسة ليي العلوم ومن العلوم ليي الهندسة .. طردييي الله وكيلكم .. يعني تقريبا كنت امشي نص ساعة باليوم ..

وضعفت وخقيت .. وكل ما احد يشوفني يقول لي الله اشحلاتج ضعفانة
وآنا حدي مستانسة

بس

الحين بهالكورس ماعندي الا ثلاث مواد لأني بحوّل و2 منهم اختياري وماخذتهم بكيفان و ظهر بعد… فتشوفوني مالي خلق حتى اصعد الدري وسيدة ركضة على الأصنصير

وقبل كنت لاهية مع الدراسة والفيزيا وحكرة الدار اللي تلّهيني عن الأكل
بس الحين ماعندي شي ادرسه وكله قاعدة بالصالة مجابلة التلفزيون ولا النت وحيييييييييييل بهالخرابيط اللي تضر ولا تنفع

وشكلي الحين رديت متنت .. مع ان الميزان يقول لي اني زايدة كيلو ونص .. بس شكلي يقول لي زايدة أكثر

ضاق خلقي قولولي شسوي
لاتقولون رجيم لأني ماحب اتقيد بنظام معين وأنحرم من الأكل

بس ابي اضعف .. شو الحل؟؟؟

السلام عليكم

اول شي بقولكم اني انا مثلكم مشكلتي السمنه

الطول 152 والوزن يالله من فضلك 79 تخيلو عاد
كل شي سويته رجيمات دكاتره اعشاب ادويه
بلاوي زرقه وماكو فايده خل نكون صريحين مع بعض
ما اطول بالرجيم يومين وافجه
عندكم مثلا امس بديت برجيم 12 ×12 عشتو مشيت زين ليما الساعه 11 بالليل وبعدين توجهت الى الثلاجه وكأني منومه مغناطيسيا وبديت بالاكل
بنات مشكلتي مو بس بالرجيم مشكلتي اني عقب ما افج الرجيم انتقم من نفسي اكل بهبل الهبل
يعني اليوم بدعت بالاكل لان امس كان رجيم
انا مو صغيره عمري 35 ومسؤوله بشغلي بس ما اقدر اقضب نفسي كلش

بصراحه صاير تفكيري كله بالاكل شسوي بعمري
على قولتكم الهدوم تقول قطيني تكفين

بنات اذا عندكم حل لشهيتي قولولي بس لا تقولون حبوب سد الشهيه لانها تسببلي رقعه بالقلب واخاف

آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآه
ضحكتووووووووووووني والله
كلكم تهونون عني
انا وزني فوق الـــــ 100 كيلو
قولوا شسوي وربي مليت
ما خليت ولا شي إلا سويته حتى السفر سافرت حق اطباء بس ماكو فايدة
الارادة تهرب مني الصوب الثاني بوقت الريجيم
حتى مرة سكرت اسناني بسلك عن دكتور اسنان لمدة 10 ايام وما كنت اكل ولا شي بس سوائل
بس همن ماكو فايدة ولا نزلت ولا كيلو وصارت النفسية ااااكس
وجربت دكتور اعشاب بالامارات ولبنان
همن ماكو فايدة
وربي ساعات تصك فيني الدنيا مادري شسوي وووووين أرووووووووووح

وحاليا صارلي 3 اسابيع ماشية على ريجيم اهو مو ريجيم بالضبط لان ان قلت اسوي ريجيم ادري ما أكمل بس اهو حرمان ساعات اكل وجبتين باليوم وقاطعة الخبز والعيش والمعجنااااااااااااااااااااااااات وآآآآآه يالمعجنات كل متني منهم مو اقدر اقاومهم وقبل جم يوم كانوا الاهل يتاكلون معجنات جان اطب معاهم وهم ما قصرت اكلت …

قولولي شسوي بعمري فكرت بالعمليات بس امي حالفة علي اني ما اسويهم تخاف اني اموووت واخليها —>> بسم الله علي ويخليها لي يااااااارب)
وحاليا استخدم خلطة اعشاب والله يابنات شنو تنظف البطن بس ترى تروحون (تكرمون) الحمام يعني اسهاااال
مستخدمتها وحدة اعرفها وربي ماصدقت عيوني والله العظيم واهي حاليا قاعدة تشجعني وتبيني اضعف نفسها وان شاءالله تنفع معاي هالخلطة ياااارب
وسووووري عالهذرة هذي

انتوا قلتوا تعالوا فشواااا الخلق اهني …. وتحملوووونا

الاراده والدعاء لااازم عشان تتشجعين حق الرجيم

تونه الكويت شنو خلطة الاعشاب ؟؟

مع تحياتي يا حياتي

مزيونه وشقره

مزيونه وشقرة والله احب دايما اقرأ مواضيعج مادري ليش
احسج مرة سنعة ماشاءالله عليج

الخلطة حبيبتي عبارة عن:
قفشة ميرامية
قفشة بابونج
قفشة حبة حلوة
قفشة اكليل الجبل ( روزماري ) مطحونة شوي
قفشة بذرة الكتان مطحونه شوي

وتحطينهم بمطارة ماي مغلي ويخلينهم ينقعون ربع ساعة او اكثر
طبعا كل هذا عقب الغدا خليها يمج وكل شوي تشربين منها استكانه
والله انا اخلصها بثلاث ساعات —->>> ابي اضعف بسرعة شسوي

مزيونه والله العظيم انا ماصدقت يوم شفتها ماشاءالله عليها تقول لما البس ملابسي القديمة يدشون معاي 3 اشخاص عاد انا اعرفها من زمان لما كانت بططططططططة
وبعد اهي تدهن بطنها وزنودها والاماكن اللي تبي تضعفها بخل التفاح مال معجزة الشفاء تقول والله من ثالث مرة تبين نتيجة الخل
وان شاءالله اكون فدتكم حبيباتي

يا بعد قلبي يشرفني انج تحبين مواضيعي وشكره عالمدح ياااقمر

والخلطه انا استخدمها بس بدون اكليل الجبل
وبذر الكتان

مع تحياتي يا حياتي

مزيونه وشقره

امين يارب والفال لنا كلنا نوصل الوزن اللي نبيه وانتي بعد شدي حيلج وربنا يسهل

امبييييييييييييييه مثلي انتي هم يعطوني عمر اكبر من عمري بس ويهي حيل بيبي فيس وانا ناويه على ميري اللي بالعوضي سنتر حيل يمدحونها وانا شايفه حالات مستعصيه وودي اراجع والتزم لمه احس وراي ميزان وموعد اقيس فيه وزني راح التزم اعرف روحي واقدر امسك نفسي دعواتج ويالله شدي حيلج