|
|
الســلام عليكم ورحمة الله وبركاته
..
ادري ازعجتكم بكثر الاسئله بس مالكم الا الاجـــــر 
..
حبيباتي بغيت اسألكم عن كليه العلوم الصحيه تخصص علوم الاغذيه والتغذيه
..
قالوا لي انها دبلوم
..
انزين اقدر اكمل بكلريوس بجامعه الكويت بعد الدبلوم ولا لا؟؟
واذا فيه مكافئه جم راح تكون؟؟
وشنو مجالات العمل بعد التخرج ان شاء الله؟؟
وهل لااااازم اخلص سنتين عشان اقدر احول لجامعه الكويت ولا عادي من اول سنه؟؟
.
ومشكورييييين
انا بالكلية بس مختبرات ..
اي تقدرين تكلمين عقب ما تخلصين بالجامعة بس يبيلها معدل 3.5
و ماكو تحويل من التطبيقي حق الجامعة خلال سنة و الا جان الكل حول
مجالات العمل وايد طبعا بالمستشفيات و جذي بالضبط ماادري وين
مكافأة اذا قصدج الاعانة 100 ما غيرها بس ماظنتي يعتبر تخصص نادر ..
يقولولج البنات ان شا ء الله
..
انزين المكافئه اللي بـ 100 دينار هذي شهرياً ولا شلون؟؟
والكويتين والغير كويتيين كلهم 100؟
..
ووين مكان العلوم الصحيه ؟ يعني باي منطقه؟؟
..
وناس شكثر قالوا لي ما يصير تحولين من التطبيقي لي جامعه الكويت؟؟ صج هالخبر؟
..
واذا يصير احول يعادلون موادي؟؟ ولا يضيع من عمري سنتين؟؟
..
ومشكووووره
.
جزاج الله الف خير
و الغير كويتيين و الله مادري بس جنه اقل او شي جذي سألي فيها ..
و العلوم الصحية بشويخ بالتطبيقي مجابل الجامعة ..
و ما تحولين .. لا تكملين لمن تتخرجين تقدمين ع الجامعة بس تخصصات معينة و الله جنه يصير تكملين بالعلوم و كلية البنات
و الحين الجامعات الخاصة على ما تتخرجين يبطلون تخصصات علمية ممكن تكلمين عندهم
و غالبا يعادلولج مواد جامعة الكويت بس مو وايد
..
ومشكوووره مره ثانيه حبوبه
..
لازم تسألين الكلية نفسها الجامعة قصدي .. اذا رحتي شويخ حق الكلية نفسها لفي الدوار نفسه الجامعة دشي عند العمادة و سأليهم
عشان يتطمن قلبج بس و لو قالولج لا نطري لا تستعيلين على ما تتخرجين في اماكن تكملين فيها ان شاء الله
انا بنطر Aum يبطلون كلية الطب
..
كفيتي ووفيتي
..
جزاج الله الف خير
..
موفقه
اذا عندكم اي معلومه لا تبخلون فيها
..
وقليل عندنا من التطبيقي !!
في حريم كبار اعمارهم 30 تقريبا كانوا فنيات تغذية موظفات يعني وقاعدين يكملون عندنا وعددهم 3 بس !
ودرسوا حالهم حالنا صارلهم 5 سنين تقريبا .. يعني مافادهم سنتين الدبلوم