|
|
السلام عليكم ورحمة الله وبركاته
حبيت اقول كلمة حق أ.المليفي تقرقع بقلبي من زمآآآن
بقوله كلمتين لا ثآلث لهمأ..
جربت احساس المظلوم ؟
جربت تبجي كل يوم وعلى خدك دمعة على شي لا يمكن تغييره ومالك ذنب فيه ؟
جربت تشوف الدمعة على عيون الطلبة يوم اهلهم يقولون لهم " الله يوفقكم وتييبون امتياز وانشوف النسب العالية ؟
جربت تبجي قهرر كل يوم على بنتك الي ماقدمت بالامتحان زين مع انها درستله بالثواني والساعات وحرمت نفسها من اشياء تحبها وعلى حساب نفسها و وناستها ؟
جربت تشوف امك تبجي قهر كل ما قتلها " الامتحان صعب " مع انها شافتك دافن نفسك بين الكتب ؟
يا أستاذي صدقني لا احنا حاقدين ولا احنا متمننين ولا اي شي
احنا بس نبي شي واحد ما يكلفك كثير
نبي البنت ترفع راس اهلها..
نبي اليتيم يفرح أبوه بقبره..
نبي الفقير يكبر ويتشغل بشهادة ويصرف على اهله..
نبي الشاب يكبر ويحقق كل طموحاته ويصير مثل امه دكتور ولا مثل ابوه مهندس ولا مثل اخوه طيار .. الخ..
معقولة بقرار حطيته بتحرم كل انسان من فرحته
معقولة تبي تحرم كل ام بشوف السعادة على بنتها
معقولة تبي تحرم عيالك الكوييتيين من تحقيق الطموحات؟
معقولة تبي تدفن مواهب ومهارات عيال الكويت عشان جآمعة !
مو من طبعي ادعي على انسان مادري شنو في نيته
ولا طبعا اتحسب على انسان ماعرف شنو مقصده
بس كل بقوله حسبي الله ونعم الوكيل بإلي تعمد وظلمنا
وان كل هذا بغير تعمد فاتمنى تتفادون هالاغلاط الكورس الثاني
استآذي احنا ما نبي الامتحانات تكون اسهل
نبي وقت كافي.. نبي امتحان بمستوى طلبة الكويت..عالاقل نبي امتحان الي مدرسينا يعرفون يحلونه..!
مانبي نندقر وانحس مستقبلنا الي نحلم فيه من زمان ينهدم جدام عيونآ
مانبي نحس ان احنا مقصرن بحق نفسنا مع ان الكل خاف علينا من الينون واهما يشوفونا ندرس .gif "Eh S(2)")
فترة الامتحانات كآنت فترة " صعب – شقى – بجي – قهر "
انت وصلت وذقت طعم الوصول ذقت طعم النجاح
استاذي مانبيك تحرمنا من هالفرحة ماني توقف مستقبلنا
.gif "Eh S(16)")
وقال سبحانه وتعالى:
"إنا لا نضيع أجر من أحسن عملاً"
صدق الله العظيم
وشكرا.gif "Eh S(7)")
" جني قلت اني بقول كلمتين !
"~
كلامج اثر فيني حيل واسلووووووبج راقي الله يحفظج
وماعندي شي اقدر اقوله بعد كلامج بس والله خايفه على امي اكثر شي
والحق عند ربج مايضيع
الله يوفقنا وينصرنا على كل الي ظلمنآ
وانا اختج القهر كل شي يسوي
كنت ادرس وادرس ولمن ادش الامتحان ادش واثقة بالامتياز وطالع منه بس ابي النجاح
الحمدلله على كل حال الله يعوضنا
|
المشاركة الأصلية كتبت بواسطة الإسراء
 صح لسانچ ..
|
صح بدنج حبيبتي
شرفتيناآ
الله يهديه ويعدل قراراته وتييبون المعدلات اللي ترفع راس اهلكم وتحققون احلامكم
|
المشاركة الأصلية كتبت بواسطة أحلى البشر
خنقتني العبره
الله يهديه ويعدل قراراته وتييبون المعدلات اللي ترفع راس اهلكم وتحققون احلامكم |
بعد عمري على هالدعوة الطيبة
والله يهدي الجميع 
و فوق هذأإ قريت كلآلآمج
الله يوسعهـإأ عليكم
و يفرحنأإ بآإلنسب
حسبي الله ونعم الوكيل
بس بيدنا شي نقدر نسسويه ؟؟ مانقدر
بس بسألج سؤال الحين معقوله في 100 الف طالب بالكويت ولا واحد منهم جاب نسسبه حلوه ؟؟ واذا جاب نسبه حلوه ليه حنا مانجيب مثلــه ؟!! ماعندنا عقل ولا ششنو ؟ الله عطانا وعطاه عقـل واذا انتي دارسه عدل تطمني حقج بتآخذينــه ..
وبعدين القانون هذا محطوط حق البششر وانتي بششر يعني تقدرين تنجحين ..
بهالكلام مابي وحده تقولي انه انتي تدافعين عنه ومادري ششنو هذي وجهة نظظري وعلى فكره ترا المليفي ششالوهـ ..
ششكـرا
انا الحمدلله ناجحة ومتآملة بتقدير الامتياز ان شاء الله
وطبعا الكل يقدر ينجح ويجتهد ويدرس وبالمقابل يلقى ثمرة تعبه…وانا اعترف ان الي ياب درجة كاملة مو احسن مني
وانا كل ماحد سآلني عن الرياضيات قلت ينحل لكن الوقت مايكفي
اهما ماراعوا الطالب البطيئ ! ماراعوا الطالب الي درس وتعب ايام وسهر اخرتها من الصعوبة ينصدم
ترا النفسية تلعب دور كبير بالحل والتثبيت اثناء الامتحانات
وصح الشي فات لكن انا بطلع حرة قلبي…كنت متآملة اني اييب فوق الـ94 والحين يمكن حتى الـ90 ما اطولها !
والي يابوا درجات زينة مابي اظلمهم كلهم..منهم الي شرا الامتحانات من البدون الي صادوه
ومنهم الي غش اثناء الامتحان ومنهم الذكي والسريع بالحلول
لكن ماراعوا الطالب البطيء..! ماراعوا قدرة الاستيعاب !
بسألج واتمنى تجاوبيني بصراحة
السنة الي فاتت نسبة النجاح بالثانوية العامة 94% وفوق
هالسنة نسبة النجاح صارت اقل ووصلت 60 % وتحت " اتكلم عن المواد الصعبة _ فلسفة رياضيات فيزيا كيميا_ "
تتوقعين دفعتنا مادرست ؟ هل الـ 40% اهلموا دراستهم مع انها اخر سنة لهم ؟
سؤال اخير السنة الي فاتت توزيع الدرجات كان غير كان الامتحان اسألته اقل من الحين وكانوا يستغرقون الوقت كله عشان يحلونه .. هالسنة زادوا كمية الامتحان لان الامتحان صار عليه اكثر بس مازادوا الوقت !!! ما تتوقعين هذا ظلم ؟
والمليفي ما شالوه اهوا موجود مؤقتا وامس طالع بجرريدة الوطن (=
على ما يكونون حكومة يديدة بعد المجلس
كلامج صح الوقت ما ساعد بس همن المشكلة طريقة الأسئلة ماكانت شاملة كل الكتاب اكثر التركيز و الدوس على اللوغاريتمات انا اتكلم عن رياضيات 11 اما احصاء 11 فنفس المشكلة جايبين كم سؤال و التركيز على المتتاليات الحسابية زين يا وزارة التربية ان كنتي بتسوين شذي شان قلصتي كمية الكتاب اللي قاعدين ندرسة مو معقولة ندرس كتابين فيهم اكثر من 1000 مسئلة و نركز عليهم كلهم
انا المشكلة اللي صارت معاي انه راس السؤال مو مفهوم المفروض فوق السؤال يكتبون عنوان الفصل اللي درسناه حتى ما نتوه و احنا نحل مثل ما يسوون بالفيزيا اكو نص مسئلة تقرينها تستوعبين اللي جدامج و تحلين اما لما يجي سؤال سين تربيع زائد 25 يساوي صفر و بقدرة قادر يتحول من معادلة من الدرجة الأولى إلى لوغارتم معتاد إلى لوغاريتم طبيعي @@ انا شدراني
بعدين امتحانات السنين اللي طافت كانت كلها شاملة و متنوعه شمعنه هل سنة غير ابي افهم