كشط اللسان – ضروري للقضاء على رائحة الفم الكريهة!

طبعا الكل يفرش اسنانه والمفروووووووووووض الكل يستخدم الخيط والمضمضة وتنظيف الاسنان بالعياده! لكن اليوم بتحجى عن شي مهم اللي اهو كشط اللسان! تفرش الاسنان مو كافي يمكن ما يحس فيها الشخص بس اللي يجابله راح يختنق!

نصيحتي لكم التركيز على نظافة الفم لان الوحده تستخدمه بالكلام معظم الوقت ومو حلوه تنوخذ عنها ان ريحة حلجها خايسه حتى لو اهي حبوبه! صج في ناس فيهم امراض داخليه بس كل شي له علاج والاهم ان الوحده تحافظ على نظافة هالمنطقه! انا عن نفسي اعاني اذا وحده كلمتني وقامت تفح على ريحه لا تطاق! يا اقمت انسمي يا اتصدد بس الشكوى لله

فيا خواتي ركزو على هالشي لا تقولون واي اكشط الساني تلوع جبدي! ابرك من ما تلوع جبد الشخص اللي جدامج .. اللسان مرتع للبكتيريا فلابد من تنظيفه يوميا والتنظيف يكون من فوق لي تحت باتجاه واحد مثل اللي بالموقع:
https://www.freshdental.com/tonguescraper.html

وهذي طريقتي:
– افرش اسناني واغسل حلجي
– الخييييييييييييييط اللي يطلع البلاوي
– افرش مره ثانيه واخلي بقايا المعحون بحلجي
– اكشط الساني واغسل حلجي
– اسوي مضمضه في انواع وايد زينه

لا تتعيييزوون راح تتعودون

اكو انواع منه وما انصح باللي بظهر الفرشه خربوطه.. هذيل احسن: