كرهت نفسي وكرهت الناس والسبب ؟؟

انا نفسج صارلي سنتين ودايم يسألوني او يسألون امي ولا خالتي بس لما يسألوني اقولهم لا طبعا يقولون ليش

ماليش مارحتو طبيب اقول مافينا شي من الله وتو الناس علينا جذي يسكتون

مريت بنفس شعورج الله يعينج
عليج بالالحاح بالدعاء و الصدقة حتي يفرج الله عليج همج

عادي حبيبتي الله يرزقج 000انشالله

اناقبل نفسج كنت اتضايق بس الحين الحمدلله كل اللي يسالج 00قولي الله كريم000وخليج ريلاكس لان هذاياثرعالهرمونات

حبيبيتي انا لمن يقولولي اقولهم الله يكتب الي فيه الخير ااو متى مابعي يجي بيجي ودايما الله كريم واسكتهم
ردي لا تستكتين

‘،

لي سنيين واهم نفس الحاله كل ماشافوني ها بشري << يعني بكون حامل وبسكت مثلآ

مايرحموون حالنا

..

انتي ماعليج قولي انا وزوجي متفقين واللي كاتبه ربي بيصير

خلي جوابج رسمي لاقالو تعالجي وجذي ..

الله كريم وابتسمي

،‘

والله يااختي انا زوجي عنده انعدام بالحيوانات المنويه ومع هذا صابره وبظل صابره

شنسوي هذا ارادة ربي وماعليها اعتراض الله يرزقنا

واذا عن الناس الحين المشكله ماسارت بالناس العاديين حتى الناس اللي قبل كانت لهم تجربه بتأخر الحمل ساروا اول مايشوفون احد متأخر يقولون شنو السبب يوبااا انتي مريتي بالتجربه حسي باللي قبالج كلش سارت ناس بدون احساس الا من رحم ربي

لا يبه

لا تحكرين عمرج

شنو انتي مسويه عيب والا جريمه انج ما حملتي

شسالفه

حريم عقب سنتين و3 سنين يالله احملوا وجابوا جهال ورا بعض

عيني خير

قولي لهم اراجع وان شاء الله خير

بالعكس قولي الله كريم مافيها شي والله

كثري من الاستغفار و الصلاه و الصدقه .. ريلج سمعت عن عسل الفايز للرجل والله حيل يمدحونه !!
وانتي بعد حبوبه كل بين فتره و فتره فحصي نفسج عشان كلكم تصيرون اوكي و ربج يفرجها عليكم .. بعدين بسم الله توكم ما شاء الله سنه يعني ماعريس شهالناس المطافيق !!

انتي حللي للغدد و الهرمونات مثل هرمون الحليب .. و تقدرين اتسوين اشعه الصبغه عن سدد لا سمح الله .. موفقه يااااارب

كلام الناس وايد و ملاقيف طوفي عادي انا مريت باللي مريتي فيه و أخس و عيشي حياتج انتي وريلج و لا تكدرون حالكم قد ما تقدرون لانه هالشي يأثر عالحمال و يأخره حبيبتي انتي وصدقيني متى الله ماكتب راح يكون وانشالله نفرح فيج قريب

اب اب

حبيبتي وسعي صدرج خلي اذونج من طين

حمدي ربج انتي سنه ونص شاقول عن نفسي 6 سنوات والحمدلله على كل حااال

والله يرزق كل محرووومه يأأأرب

عادي ياقلبي قولي الله كريم ربج كريم الله يرزقج ويرزق كل محرومه وفرح قلوبكم ااامين

أنا الحين داخلة في السنة الثالثة و عادي – الناس اقولهم ادعولي – و بس ما يضيق خلقي و لا شي – اللي قصده الرحمة فالله ارحم فيني منه و اللي قصده الشماتة فمثل ما يقولون العياب عند الباب " لا تظهر الشماتة على اخيك فيعافيه الله و يبتليك "

هذا حكم ربنا علينا – اهو أخرنا لحكمة و اهو اللي راح يرزقنا

قولي آمين – ان شاالله ما تكملين سنتين إلا و أنت يا حامل يا عندك بيبي- اللهم آمين

الله ما يضيع عبده المؤمن – س خلي ايمانك قوي

الله يرزقك وان شاءالله تبشرينا
بس سنه شويه توك عروس
انا صارلي خمس سنوات بس الحمدلله ماعندي ناس مطافيق
الكل يدعيلي
لان لو صار حمل اكيد بقول ماراح اسكت لان الكل يحاتينا وبيفرح فينا

اصبري وادعي وتوكلي على الله