كحه بلاعيم انفلونزا وحامل بالثالث ممنوعه شنو اخذ ؟؟؟

السلام عليكم

كاتبتلكم بنات التفاصيل بالعنوان علشان لا تدخلون وتطنشون وتطلعون

بليز فيدوني انا خلصت الثالث وتوني دشيت الرابع وحاشتني من 3 ايام انفلونزا وبلاعيم وصوتي رااااااااايح ماكو كلش

والصبح اتفزز من النوم لاني مختنقه كلشي مسدود

الطبيب ما يبي يعطيني شي يقول موزين انتي بالبدايه

البرتقال والليمون والسواخن ماكو فايده

الصبح شربت حليب زنجبيل وارتحت شوي بس بطني ذبحني وامي زفتني تقول موزين علي

خبرات وحوامل شنو الحل بليز فيدوني انا حدي تعبانه + النساة

امبيه مو قادره اتحمل

جزاها الجنه اللي تساعدني

حبيبتي لا تاخذين ولا شي لانج بالاشهر الاولى الله يكون ابعونج تحملي وتقومين بالسلامه انشالله

لا تشربين زنجبيل خطر

اذكر اني كليت البندول العادي الازرق بحملي بس مادري بأي شهر نسيت

و شربي لومي حق البلعوم وايد زين ، اخذي حبة لومي كسريها و اغليها و شربي مايها حطي عليه شكر اذا تبين

و شربي فوار فيتامين سي

خدامتي الاثيوبية سوتلي طريقة تريح شوي لمة كنت حامل

تييبين جدر تحطين فيه ماي مغلي اهم شي يطلع منه بخار و خلي ويهج على الجدر من بعيد شوي و حطي على راسج فوطة
استنشقي الهوى وايد مريحة للخشم هالحركة بس لا تكثرين منها بس شوي

و الله يعينج استحملي شتسوين بعد

مــــر حـــبــ✋ـــا انـmeٓٓٓــا لما كنت حامل بشهر الرابع صارت فيني حراره وتعبت ورحت للهادي ودخلت علي دكتور نسا وحوامل وعطاني علاج وسويت سونار عادي الحامل تاخذ علاج والله يقومج بسلامه

انا كنت نفسج بالرابع انفلونزا قويه

عطوني فوار فيتامين سي وحبوب ما اذكر شنو اسمها وشراب بس ما ارتحت عليهم كلش

شنو الي ريحني امي حبيبتي سوتلي ماي حار وحطت فيه نبات (السكر) تلقينه عند الحواي قوليله ابي نبات سكر

وكنت اشرب باليوم ثلاث مرات واخذ بندول والحمد الله صرت زينه بس الحكه طلع معاي ربوو والحين اخذ بخاخ

حبيبتي البندول الازرق العادي آمن في فترة الحمل بس ما راح يفيدج للبلاعيم وما تقدرين تاخذين مضاد
حطي لج عسل عليه رشة ليمون بالمايكرويف وشربيه عالريج
ماتشوفين شر

يزاكم الله خير حبيباتي صج ماتقصرون

بتم على الليمون وباخذ عسل بس مو الطبيعي لأن امس ريلي يابلي اياه قلبت جبدي من طعمه

up up

حبيبتي انا بدايه حملي كنت نفسج وتعبت وقالتلي
امي اخذي فص ثوم وقصيه صغار وحطيه مع الروب واكله
او مع لبن واشربي بلع والله وحده بوحده ثاني يوم مافيني شي
لان معروف الثوم مضاد حيوي طبيعي انا كنت احطه مع لبن واشربه 3 مرات باليوم
وثاني يوم الحمدالله صحيت مافيني الا العافيه
حبيت افيدج وادري طولت جربيها وادعيلي ان الله يقومني بالسلامه

الله يشافيج يارب 
بس البندول سمعت مو زين ،،،
انا من حملت واطيح مريضه  وعادي اذا رحت
المستشفى يعطوني علاج مضاد بس مضاد مايضر
امن للحمل ما اعرف اسمه ،،
حتا قالي الدكتور اساسا مو زين المرض والحراره للبيبي ….
غريبه ليش ما عطوج علاج ؟!

حبيبتي انا تنسيت عالاسكريم ابي كل يوم وصارلي مثلج بالضبظ عشت عالبندول اخذه حسب الحاجه وطبعا عصير البرتقال الفرش كل يوم والفكس كنت احطه علي بلاعيمي وخشمي وللكحه دوا شعبي من يدتي وبس الحمدلله لا تحاتين بالكثير اسبوع اذا تهتمين بنفسج وترتاحين وماراح يرجعلج

عاد من بعدها تعلمت اخفف عالمكيف وكل يوم عصير برتقال فرش عالريوق ما اهمل نفسي ولا اترك فيتاميناتي والله يسهل علينا اجمعين يارب

حبيبتي انا الدكتوره اكتبتلي بندول وقالتلي عادي مايضر بس حدج ست حبات باليوم يعني ثلاث مرات بس انا ماكنت اخد اكثر من حبتين او ثلاث بس فيتامين سي ماكتبتلي وقالت لان فيه مواد حافضه اخديه من البرتقال الطبيعي احسن

اي وطبعا للاحتقان غرغره ماي وملح وااايد يريح اخذيها مني

تقدرين تاخذين حبه وحده البندول الازرق باليوم انا صار فيني نفسج واختفي صوتي

كل يوم عصري ليمونه بالجاي وقطعه زبده صغيره اطري واتلين واتروح الالتهاب وحطي نبات مع ماي دافي وشربي

وسويلج مضمضه عباره عن جاي وليمون وملح. وانشالله ما عليج شر

يزاكم الله خير