|
|
هل في من ضرر من كثرت السونارات في الا شهر الاولي علي البيبي
عندي مرت اخوو مو صاحية صايرة كل اسبوع تروح الدكتور سونار في نبض اكيد وترجع
وترجع الاسبوع الي وراه تروح ونفس الحالة … جننتني .
بسألكم عاد عشان اخرعهاااا وتقعد
يعني لا سمح الله اذا بيوقف النبض بيوقف بثانيه ليش تعذب عمرها .. توكل امرها لله وتداوم على مراجعاتها اللي تعطيها الدكتوره ..
اول الشهور يصير السونار كل شهر .. مو كل اسبوع ..
مثل ماقالو البنات في دراسات انه السونار خطر بس للحين ماتحققوا من النتايج
الله يطمنها ويطمن قلبي ونصحية اتروح كل شهر بروحه الشهر يمر بسرعة سبحان الله
يعني موزين
في جهاز بس تسمع نبضات القلب
خل تقول للدكتوره بسمع النبض بس
الله يكون بعونها مسكينه
انا اكثر وحده سوت سونار ابسبت اني اخاف اجهض انشاء الله مافي ضرر لأن السونار عباره عن موجات صوتيه تنعكس على شكل صووره ايهي مو أشعه و الله يتمم حملها يا رب
وكله موجات تنعكس على الاحشاء الداخليه
ومالها اي اشعه
انه اشتغل ابامراض نسا وولاده وانه متاكده من كلامي
واذا مرت اخوج فيها هوس اتسوي سونار الله اعينها هذا ابحد ذاته اللي لازم اتخوفينها منه
لان الخوف وكثرة الفزه والروحه والييه ممكن انها اتقبس على روحها واتفاول على اللي ابطنها
والله ايتمم عليها يارب
ان شاء الله مافي مضار انا قبل كنت كل ما احمل يوقف النبظ فجأه بالشهر الثاني او الثالث وساعات اكبر الي الرابع
وبعدها اجهضت صارت لي 4 مرات وكنت بكل حمله كل اسبوع الدكتوره تسوي لي سونار نشوف وضع الياهل ونبظه
وبعدها الحمد الله الله رزقني بالحمل السليم ويبت بنتي وهما كنا كل سبوع نسوي سونار داخلي بعد علشان نسمع نبظه ونشوف التطورات الاسبوعيه للبابي والبشيمه والمشاكل
والحمد الله كاهي يمي تبارك الرحمن ما ضرها شي
وحاليا انا حامل يالشهر الثامن ومن بداية هالحمل هذا الي شهر الرابع منه وانا كل اسبوع اسوي سونار داخلي علشان يشوفون النبظ وبالبشيمه
من بعد الرابع خفينى قمنى نسوي سونار العادي
ودكتور يقول ما يضر الياهل العلم تطور والسونار مو مثل قبل بالعكس يفيد ان نكتشف اشياء اول بول ونتلاحق عليها
الي ربج كاتب له النجاة والعافيه والنور بشوفه
والي ربج مو كاتب له عمر ماراح يكون وشوف النور لو حفظنا عليه وحفناه كثر ما نقدر
واسفه للاطاله
والله يمسح على قلبها وطمنها وتقوم يالسلامه وتفرحون فيه بصحه وعافيه
ماضرها والحمدلله بس طلعت عسمه يعني تستخدم يدها اليسار وانا قريت ان هالشي من مضار السونار فالاشهر الاولى
يعني بسيطه والحمدلله
الشي اللي يخوف هو الضغط اللي يضغطونه بالجهاز على البطن مب من الاشعه نفسها
قولي لها خل تتوكل على الله
خليها تتطمن كلنا كان فينا هوس وخوف ان يوقف النبض بالاشهر الاولى وانا كانت مواعيدي كل اسبوعين اسوي سونار عادي ما صار فيني شي