|
|
بنات انا قاعدة مع حمولتي مع خالتي وبناتها وخالة ريلي مطلقة عمي متوفيبة لهم ملكة جمال الموضوع وامفي بنات طول هالسنين الكل يقولي بكل موقف اشتكي منه لهم يقولولي انتي السبب وانتي ليش ساكته انتي ماعندج شخصية صح انا كل هذا انا ماعندي شخصية بنات حساسة حيل اخاف اتكلم انحرج ما احب اتهاوش هم ما احب احد يحقد علي معن حمولتي اهم جذي خلقة مايحبوني بنات مو غرور الكل يقول اني احلا منهم انا بالنسبة لهم ملكة جمال هذا مو هامني مع ان يحترون اذا شريت اي شي ويقلدون بكل شي انا عايشة معاهم من تزوجت ودايما كافة خيري وشري عنهم وعقب المشاكل باول زواجي وتشيش علي والتشمت فيني دايما اذا تهاوشت مع ريلي بحكم اني صغيرة تزوجت وما افهم…ماعلينا من القهر قمت اتكلم بغير الموضوع موضوعي يابنات انا الحين شوي شوي قمت اواجهم في بعض المواقف بس الي يقهر قامو يمسكون عيالي اذا نزلو عندهم يخربونهم علي ولا يقطون حجي عشان يوصلولي يعني انتو طالعين على امكم انتو خايسين انتو نحيسين!!! وانا الي بيدي مولي اذا طلبو شي عطيتهم وانا اذا بغيت شغلة ردهم ماعندنا وانا عارفة عندهم بس الموقف الاخير ولدي طاق خدامتهم
وانا ما ادري نازل عندهم يصرخون عليه عمره4 سنين يقولوله ليش اطق الخدامة روح طق امك ياي يبجي واخته تقولي نفس الحجي اي يقولون روحو طقو امكم جدام حتى عيال عمتهم والكل قاعد!!1انقهرت دقيت على ريلي وقلتله كل قلتله ليش لي هني وبس كافي انت عارف اني ما احتك وطول زواجي ماتهوشت مع احد مع اني اسمع وايد حجي علي ويغلطون بحقي وانا اسكت وحجي وايد تفهم الموضوع قالي خلاص انا احل الموضوع مع ان عارفة ماراح يسوي شي مادري ودي اتكلم ودي لو اقط نقزة على الحجي الي سمعته ودي احرقهم مثل ماحرقوني ماني عارفة شلون اتصرف ودي افهمهم لي هني بس راح ارد عليكم قولولي شسوي الله يخليكم!!!!
بس المفروض ان ريلج يحط حد مايصير جذي تنقلب حياتكم
بسبت قهر وحسد
وثاني شي..ليش ليلحين قاعدين عندهم
نصيحتي لج اشتري راحت البال والاستقرار لآن كل هل مشاكل بتأثر عليج وعلى عيالج
اجرولكم شقة احسن
وبالنسبة لأهل ريلج حقريهم و عطيهم طاف بحترون وبنقهرون بدام انج صاده عنهم ماراح يمسكون عليج ابشي
ولا تكثرين معاهم صيري رسمية وبالنسبة لعيالج مالهم غنا عن أهلهم ورحمهم لا تقطعينهم بس بنفس الوقت
لازم تحطوووووووووون حدود
والله المستعان
وبعدين انا احس ان سكوتج اهوا اللي حارقهم
المهم انا طلعت الي بقلبي كله من الي شايفته وسامعته منهم وهو مايدري ساكت يسمعني المهم نزلو عيالي والله يابنات صراخ عليهم انتو جذابين انتو انتو ماخلو كلمة وانا عيالي ثانية روضة واوالى ابتدائي طبعا انا مثل الحمارة اسمع ماسويت شي الي يقهر بنات هذا البيت بيت ريلي لان هو وحيد امه وابوه متوفى حتى انا ماشفته بس الي ساكن خواته وخالته المطلقة ماتبي تروح عند اهلها واهي امشيه كل شي بكيفها وبصراحة اهي الي قالت حق عيالي هالحجي يعني بعد مو امه هذا الي يحر بنات انا ما اقدر اطلع لان ريلي يقول هذا بيتي!!! تخيلو 9 سنين بغرفة وحدة مع عيالي!!! اهم ماخذين البيت كله امه اخته خالته!!!!!! توة الحين خذيتلي غرفة ثانيةّّ!!!! كل هذا وساكته انطر متى نبني فوق دور ثالث حقنا بنات انا تعبت ولا بعد يعني زعلو ليش ريلي ماحاجيهم انا للحين ماشفتهم عقب الي صار لان طلعو يتمشون!!!!
وخلي زوجج يحط حد لهم
نزلي وعطيهم وصلة ردح اللي تبرّد قلبج ماني عارفه ليش البني آدم مفروض يكون طوفه عشان يعجب خلق الله نزلي وغسلي شراعهم باللي يقدرج ربي عليه بيمشون عالسراط المستقيم ومثل مانكورا انهم قايلين هالشي لي شكوا عند ريلج نكري والعين بالعين والسن بالسن وحرب حتى يعرفون يثمنون كلامهم …………….حدّي تنبط جبدي من هالسوااالف
عالعموم مبين سكوتج حارقهم ولاتحرقين اعصابج
صدقيني راح يعرفون غلطتهم وراح تكبرين بعيونهم وعيون ريلج (اذا يستاهل ) وراح يتحسفون وربي عيالج عدل وترى الحجي ما يسوى يتعب القلب ويقصر العنر ويشغل البال … ادعي ربج بنيه صادقه
وصدقيني ما راح يتجرؤون عليج عقبها لانهم ما قدروا يثيرونج … تاكدوا الحين لنج ما تهتمين لسوالفهم
و هم راح يفهمون
لا تحتكين فيهم ابد
يعني اذا تبين تنزلين نزلي لما يكون ريلج موجود و نزلي عيالج معاج و اذا صعدتي صعديهم