كارثة ميداني رياض الاطفال

طبعا اكيد كلكم يا ميداني رياض الاطفال (تربيه اساسيه ) داومتم بالرياض

واكيد التقيتوا كلكم بمشرفاااااااااااااااااتكم وسمعتم شنو اللي بيصير فينا

مصير مجهول متخبط واللي صار انه كل مشرفه اول ما تدخل تقول ما ادري شنو ابي منكم ولا عارفه شنو تبون تسوون

طبعا علشان ما نكون فاضين طلبوا مننا طلبات مالها خص بتقييم الميداني ويبون يقيموننا عليها

طلبات مختلفه كليا بكل روضه من حضور ورش عمل واعداد ورش عمل مع اننا بعدنا مو عارفين شلون نشرح ونشتغل

او عمل حلقه حق زميلاتي مع اننا مطلوب مننا التعامل مع الاطفال وزميلاتي مو اطفال ولا يمثلون

او تحضير دروس واحنا مو عارفين شنو البنود الاساسيه لكل هذا

او عمل درس نموذجي مثل ما سمعت ببعض الرياض
دررررررررس نموذجي قال والبنت مو عارفه شنو الموضوع ولا شنو مكونات الدرس اصلا ولا عمرها جربت تشرحه غير مره وحده ومو كلنا وكلنا قدمناه بالمقلوب

فما بالك يبوننا نشرح جدام معلمات لهم سنين خبره يعني حتى نستحي اصلا و نشرح حق منو حق الكراسي !!

هذا كلـــــــــــــــــــــــــــــــنا حاليا شايفينه وعارفينه

لا والمصيبـــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــه الكبرى

انا في احتمالات كارثيـــــــــــــــه قاعدين يفكرون فيها :

واللي منها الآتي

احتمال يكنسلون الميداني حقنا هالكورس ونداوم الكورس الياي هذا اذا تحسن الوضع يعني لو تأزم وضع المرض أكثر فممكن ما نداوم كلـــــــــــــــش ولا حتى السنه اليايه !!

احتمال يخلوننا نرجع نداوم بس بالكليه مو بالروضه لانه ماله داعي ولما يداومون الاطفال نرجع نداوم بالروضه

طبعا بالكليه بنتكدش بس بطلبات المشرفه ( وهذا ما اعارضه ولا اوافقه )

في احتمال أخر وهو انه يتم دمج كل روضتين اذا كان عدد الاطفال اللي مداومين قليل

وبالتالي راح تصير بهذله وين بيروحون ال 4 معلمات الاساسيات حق الصفين !!!!

وشلون بيتقسم العمل حيث بيصير بكل صف 6 معلمات 4 اساسيات و2 ميداني يا حلاااااااااااااااااااااااااااااااااااااااااوه

او انه يخلون البنتين الميداني هم يمسكونه ويقعدون ال 4
زين من منو بنتعلم الطريقه والشرح اثنينا ما ندري شالسالفه !!

لا هذا غير انه ممكن يتمشكلون معلمات الصف كل وحده بتتحكم بصفها وشكلنا بنتطمش على تكمش الشعور

بنات الحلول اللي قاعدين يقترحونها حلول متخبطه كل حل وراه الف مشكله ومشكله

والمساله قاعده تتعقد اكثر واكثر

والادهى من هذا كله انه اللي بيقرر القرار مو بس وزارة التربيه لا

يقولون مشترك بين وزارة التربيه + وزارة الصحه

ووزارة الصحه تنطر الخبر من هيئة الصحه العالميه

وهيئه الصحه العالميه تنطر نتايج تحاليل المصل

وهذا المصل قاعد يسويه الدكتور

والدكتور معرض للخطــــــــــا

لانه الدكتور انـــــــــــــسان

والانسان خلقة الله

ولا الـــــــــــــــــه إلا الله ————————– نفس قصة الخروف يبي حشيش والحشيش يبي مطر والمطر عند الله لا اله الا الله

هذا باختصار وضعنا لو بشرح ما بخلص ابداااااااااااا واكيد انتم عارفين

لكـــــــــــــــــــــــــــن في اقتراح بسيط يعني لو فكرتوا فيه معاي وحاولنا نتفق ونطوره

طبعا الاحتمال المرجح هو اننا بنداوم مع الاطفال شهر 12
والمشرفات رافضات لانه بس بنستلم خبرتين وبتقليص وبتضيع حقوقنا في التدريب
يعني بنتقيم على طووووووووووول

لكن لو داوموا الاطفال ومانزل اي قرار بايقاف دراستهم بشهر 12

ممكــــــــــــــــــــــن نتفق اننا نداوم لنهايه شهر 1

يعني يصير دوامنا مع الاطفال شهر 12 + 1

وتكون اختباراتنا بفتره العصر عقب ما نرجع من الريــــــــاض

طبعا هالشي بيخلينا نتدرب عدل وما ننظلم بالتقدير
وبعد بيسكت المشرفات اللي رافضين اننا نداوم بس حق خبرتين خلال 4 اسابيع

يعني نعطي نفسنا فرصه + نعطي المشرفات فرصه اكبر للتقييم

لكـــــــــــــــــــــــــــــــــن

هالقرار معتمد علينا يعني كلنا عندنا ظروف
اللي تبي تسحب الميداني تسحبه اذا ما تقدر تداوم

احسن من انهم يسحبوننا كلــــــــــــــــنا !

انا واثقه انه حوالي 90بالميه من البنات موافقين على هالشي

نداووم شهر زياده احسن من اننا نداوم سنه زياده

بنات حبيباتي كل اللي قلته مجرد اقتراح لا اكثر يعني فكره بتوفر لنا مجال ننجو فيه من اللي بيصير فيننا

وبنحاول فيها نرضي كل الاطراف لاننا ما نضمن شنو بيصير من تطورات بالمرض الكورس الياي

والمطلوب مننا انه كل بنت تقرا الموضوع تجتمع مع زميلاتها ويقترحونه على المشرفه العامه مالت الكليه

اذا طبعا اتخذوا قرار فيننا يعني نبي نحط خطه بديله مقترحه وتكون حل وسط للمشكله

واذا صار هالشي اكيد في بنات معارضين

وبنحاول نتصرف بوقتها عن طريق الموافقه بالتوقيع وبنفكر فيها ان شاء الله

لكـــــــــن الحين ابيكم تشاركوني وابي الموضوع يتثبت ينرفع المهم يكون بمكان رئيسي لانه والله احنا عايشين مشكله مو قادرين نطلع منها

نحس اننا بدوامه مو راضيه توقف

واسفه على اطالتي لكن كل كلمه فيها مصلحتنا