|
|
السلام عليكم
كيفكم ياحلوات وياعسولات
طبعا اعتقد اغلبكم عرف قصتي ع العموم بكتبلكم اخر تطوراتي اللي صايره بس الله يخليكم اللي تحس بروحها بتدخل تجريح ماله داعي لاتكتب شي
انا ماقلت عطوني رايكم الا لاني وثقت فيكم وبرايكم
وتاكدو مانزلت هالموضوع الا بعد طلب من بعض العضوات اني اخذ راي الاغلبيه
وهذا موضوعي
https://www.q8yat.net/showthread.php?…ght=%E6%C7%E1%
عالعموم بختصرلكم اللي صار رديت الرياض انا وزوجي وكنت حاطه براسي الطلاق وبس
وبالرغم من جذي كل 3 ايام اصلي استخاره وادعي ربي يبين لي قراري ويدلني ع الصح
طبعا لما رديت الرياض اخوي الكبير وخالتي دقروني كانو رافضين طلاقي نهائيا ويقولون فيه امل يتعدل اما اخواني الثلاثه رافضينه نهائيا ويبوني اطلب الطلاق
المهم طلبت الطلاق بس زوجي اخذ شلايله وراح الكويت يومين ورد وياب وياه يدي ويدتي تناقشنا بالموضوع وجلست وياه مع اهلي اخر شي ياب القران وحط ايدينه وحلف قدام اهلي انه يتغير ويعوضني عن كل اللي صار
وانه مازل شاريني ويبيني زوجته وام عياله
بصراحه انا احس اني عفته مدري ليه ؟؟ بس بعد ماصليت الاستخاره حسيت ان عندي قابليه ارجع بس خايفه انه مايتغير ومااعود بنت
والله راسي صدع حده ومو عارفه شنو اسوي فقلت اخذ رايكم
وللمعلوميه يدي ويدتي زعلانين منه وايد ودقروه باللي سواه فيني لكنهم بعد ماحلف قالو ردي حقه وان شاء الله بيتغير بس الشور شورج ان تبين الطلاق مابنقولج لا يكفي صبرتي وياه سنه ماقصرتي
الله يخليكم شورو علي وش اسوي
الله يسخره لج وتكملون حياكم بأحسن مايكون
ودامج استخرتي ..وارتحتي هذ اهم شي ..
والله يسخر لج زوجج ومايشوف غيرج يارب
والله لايفرقكم يارب
الله يعينج على بلواج – حبيبتي انتي حياتج مو قصة علشان نتحكم بنهايتها انتي انسانه عايشه بهالدنيا لازم تأخذين القرار اللي يريحج
عشتي مع هالزوج سنة كاملة ما لمسج ولا درى عن هوى بالج واللحين يبيج على أي اساس يبي يبدي من جديد حسيتي انه يحبج أو بينكم ود
أو مجرد يبي يأخذ منج شي علشان محد يعايره بعدين – بعد سنة انتي اللي تحكمين على طريقة تفكيره
اذا بتردين نصيحه حاولي انج تأجيل الحمل سنة كاملة لين توثقين فيه
والله يصبرج ويعينج وتأخذين الطريج اللي يريحج
الله يهدي الحال بينكم وينورلج بصيرتج
انا احسج طالما شرتينااااا…انتي بخاطرج تردين له..؟؟؟؟؟
شووفي انتي احسج انكسررتي من داخلج…..لاتضغطين على عمرج اكثر ….. اذا حاسه انتي بتتقبلينه….
ومن داخلج مانكسررتي منه ….. ردي!!!!! بس اذا حسيت ان الموضوع فيه ضغط ع اعصابج….. او جرح لج؟؟..
خلااااااااص اخذي موقف حاسم……. كافي عذبتي نفسج……لاتردين لأحد ….شوفي انتي من داخل شنو تبين…؟؟؟
الإنسان ابدى ماعليه نفسه…..ولاتنسين الإستخاره وماخاب من رجى ربه…..موووووفقه يالغلااااا
وطمنينا دووووووووووووووووم عنج..
شوفي الغاليه اانتي ااستمري بالصلاة بعد زياده لان ربج اادرى بحالج
بس انتي تقولين حلف ع المصحف وهالشي مب شويه
والله اعلم من جي اقولج استمري بالصلاه لين يستقر قراارج وترتاحين للقرار الي بتأخذينه
والله يييسر لج يـــــــــــــــــــــــــــــــــارب ويكتب لج الي فيه خير لج
وعسى الله يسخركم حق بعض ويهنيكم
بس الاختيار الاول والاخير لج وانا اشوف انج تسامحينه وترحمينه لان الرحمه زينه
والله يوفقج حبيبتي وبصراحه انا مقدره وضعج وحاسه فيج