قوه ياحلوين استفسار عن جهاز التغليف الحراري

قوه يا ابلات انا وايد استخدم التغليف الحراري يعني دايم اغلف بطاقاتي ف قلت ليش ما اوفر على نفسي واشتري الجهاز نفسه … بس قبلها قلت خن اسالكم هني احسن …
1. وين ينباع الجهاز
2. جم سعره
3. شنو احسن نوع وماركه
4. هل استخدامه سهل ومريح وهل هو كبير …
بلييييييييييييييييييز بنات لا تبخلون علي باي معلومه عنه

شوفيه بمحلات الالكترونيات او الهايبرماركت الكبار
ما ادري عن احسن الماركات
بس سعره ما يتجاوز الاربعين
والاستخدام في البيت سهل ومريح…ويوفر عليج الوقت والحوسة

مشكوره حبيبتي حكستار والله يعوضج خير عن اللي شفتيه يارب ……….. والباجي بنات معقوله محد يعرف

شوفي حبيبتي أنا إنشاء الله بروح بكره مكتبة العجيري في حولى وبشتري واحد
سعره رخيص في حدود 15 دينار بس
وفي أحجام مختلفه a4 مناسب جدا
وحجمه صغير وحلو
توكلي على الله وروحي أشتريه يمكن نتقابل في المكتبه

مشكوره كل شي عادي الله يروقج ماتتمنين يارب

السلام عليكم …
أنا اشتريت الجهاز من مكتبة العجيري روعه خفيف وسهل الاستعمال وحجمه صغير ( a4 ) جنه ب 39 دينار ( هذا كان قبل 4 سنوات ) …

انا اشتريته من مكتبة السنافر
سعره 30 دينار
ممتاز وحجمه مناسب

مرايم مشكوره ياقلبي وايد استفدت منج ..

Gluum حياتي مشكوره وماتقصرين

بس بنات بسألكم ليش الاختلاف بالاسعار فيه له مميزات ولا الكل نفس الشي ؟؟؟؟؟

توني شاريه واحد من أوفيس ديبو اللي بالافنيو بـ 36 ماركة gbc >> بس جنه غالي و مقصوص علي

انا عندي واحد ب 25 من المكتبات الي بالبلوكات a4 بس ودي بحجم a3

البنا ما قصروا ..

اختلاف الاسعار .. على حسب الماركه شنو ؟؟ والحجم

انا توني شاريته من مكتبة جمعية العديليه

اهو والنايلون ماله 15 دينار

يبيعونه جمعية مكتبة العديليه الي بالجمعيه اقل من عشرين جنه 15 وشي او اكثر بس مايزيد عن 20 روحي شوفي

اختي عندي جهاز تغليف حراري للبيع ماركة cubic ( مستعمل )
ماخذته بسعر 36 دينار
عارضته للبيع بسعر 18 دينار
( استعمال نظيف )
اذا بغيته راسليني قبل ما ينباع

مشكوريييييييييييييييييييييييين بنات وماقصرتوا