قولولي اشرايكم في المرة هذي

شلونكم بنات شخباركم
اليوم خالتي قالت الي سالفه حدها قويه ارفيجتها بالدوام معاها في نفس المكتب ريلها متزوج عليها صارله 7 سنوات

ويحسب انها ما تدري واهيا عندها خبر بزواجه 6 سنوات ولا قالتله ولا حتى واجهته في زواجه
تدرون ليش ما تواجهه ، عشان لا ينام يوم عندها ويوم عند شريجتها ‘ و عشان مو كل ما تطلب منه شي وقول ما عندي انا اصرف على بيتين ، عندها وجهت نظر حلو عشان لا ينقص عليها شي من مصروفها ومصروف عيالها
و مو بس جذيه كل بين فتره وفتره تسافر وتاخذه وياها وما تخليه يسافر بروحه كلش عشان لا ياخذ ام اربع واربعين وياه
بس الي محيرني بسالفه هذي المره اذا صارت اي مشاده كلاميه ويا ريلها ما تبط الجربه وتقوله عن زواجه
والله اذا انا انفجر واحرقه بالحمام بعد لين يموت من القهر
وهيا مادري من وين لها بروده في الاعصاب قوه ايمان ما دري شلون صابره 6سنوات من الصمت

وااااااااي عليهااا طولت بال
بس بصراحه عفيه عليها ما قالت له على الاساس
لا يتعذر …
صج ما لهم اماااان

ما شاء الله عليها صابره بس صج عرفت تفكر وتتصرف صح.
ن كيدهن عظيم

صراحه اعجبتني

قلت شحادك عالمر ..قال اللي امر منه..
الله يحفظ رياييلنا و يعلق قليباتهم فينا امين..واللي عندها شريجه الله يطمن بالها و يهدي سرها ويقذف الطمأنينه والرضى بقلبها قذف عشان ترتاح اميييييييييييييييين يا رب العالمين

ذكييييييييييييية..بس انا يستحيييييييل اسويها

صج السالفة تقهر
بس والله شاااااااااااااااااااااااااااااطرة وذكية وتعرف تتعامل معاه

ما شاء الله عليها ، صج ذكيه
وصح كلامها، آنا أعرف وحده لما صارحت ريلها انها تعرف، قام ينام ليله عندها وليله عند الثانيه، وكل ماتقوله عطني، يقولها ماعندي

@@

لو انا منها جان تكلمت وفضحت الدنيا ( من القهر )
ماعرف اسكت الصراحة !!!!!

ماشاءالله عليها ( بس تصرفها حلو ) مو كل وحده تقدر تسوي مثلها ( يمكن ولا وحده تقدر )

الصراحة السالفة قويه حييييييييييييييييييييييييل وماتصير اللا بالافلام…….

ما شاء الله عليها
الله يوفقها ويرده لها

احسن مني أنا اللي فضحت الدنيا لما دريت عنه
اخخخخخخخ عورتي قلبي بموضوع احاول انسااااااااااااااااه

الله يصبرها

ما شاء الله عليها

ذكييييييييييييييييه تعجبني

شاااطره

اذا تزوج علي وانا مو امقصرة معاه ويايبتله عيال بس ماله عذر اصلا ما اقعد عنده اتطلق ابرك ليش المذله

مادري حده تصرفها غلط