|
|
قمصان النوم اسئله واستفسااارات
وايد منكم يحاتون سالفة قمصان النوم !!
وتسأل الوحده عمرها :*
شنو اشتري؟*
طويل ولا قصير ؟
متى البسه ؟
جم واحد اشتري ؟
شلون ارتبهم ؟
شلون اغسلهم ؟
شنو اشتري لاول ليله ؟
شنو البس ثاني ليله ؟
معقول كل ليله قميص نوم ؟
لازم اخذ غالي ؟ والا عادي رخيص ؟
كل هالاسئله واكثر تدور في بال
اي عروس ….*
والحين ني نجاوب عليها :
*
• شنو البس اول يوم ؟؟
اول يوم حبوبه تختارين قميص نوم
قطعتين ناعم وطويل مثل هالصورا*
*
او قطعه وحده مثل هالصورا
بتسالين لازم فخم ؟ والا ناعم ؟
هذا انتي براحتج بس الافضل عندي
يكون ناعم خصوصا اذا كان قطعتين !
يعني اذا تبين فخم خل يكون الروب بس فخم
اما اللي داخل خل يكون ناعم ! واذا تم الزواج على خير بتعرفين ليش !
بتسالين عمرج متى بتلبسينه !
طبعا لج الخيار انتي واللي معاج …!
اما انج تظلين لابسته ويدخل عليج ابو الشباب
يسولف معاج شوي ويحط ايده على راسج
ويدعي ان الله يبارك لكم ، ويقولج بدلي هدومج واهوا طبعا بيطلع برا او يروح الحمام لي ماتخلصين !
او ان المرافقه مالتج من البدايه تدخل معاج
وتبدل لج وتلبسين قميص النوم وتعطرج وتطلع اهيا ويدخل عليج ابو الشباب !
• طبعا سالفة اشيل مكياجي والتسريحه واحط ناعم او اخلي المكياج هذا انتي براحتج …
لاحد يقص عليج ، يصير تخلين التسريحه والمكياج ويصير تشيلينهم .
• وسالفه اخذ شور سريع قبل لايدخل علي من عدمه ، فالافضل خصوصا اذا حسيتي انج معرقه شوي انج عالاقل تغسلين جسمج *
وتحطين لوشنج وتلبسين قميص النوم المبخر والمعطر .
والافضل لاي عروس انها تسوي كل هذا قبل لاتدخل عش الزوجيه وماتحتاج اي سبوح وغيره .
• تعطير قميص اول ليله ؟
طبعا لازم اول ليله يكون كل شي غير
والافضل تضلين غير في كل مرا .*
– تشترين احسن عود مو بخور ويكون اصلي
وارشحلج عود من القرشي او من الشايع او امل الكويت ،*كلهم حلوين …
وتاخذين لج اي عطر تبينه عربي او فرنسي
والافضل يكون عطرج على قميص النوم نفس اللوشن اللي حاطته على جسمج*
يعني تاخذين مجموعه كامله من العطر*
بدي شور ولوشن والعطر نفسه !!
واذا حابه عطور عربيه ارشحلج عطور الجزيره …*
ونصيحه لاتاخذين عطور من حريم اول رشه يكون العطر حلو بعدين تحسين ان الريحه مو شي ….
لازم يكون عندج مسك العروس تحطين منه على رقبتج ورا اذونج وعلى صدرج وبين فخوذج وعلى خط الخلفيه من ورا .
لحد اهني اوكي !!!
في شغله حبوبه لازم تكونين مجهزتها اول ليله واللي اهيا بعد ماتخلصون الاحم احم يكون عندج روب ستان تلبسينه اما تطلبين منه يطلعه لج من الكبت او تكونين مجهزته قريب منج عشان تقدرين تروحين الحمام على راحتج .
الحين ني لقميص ثاني يوم والايام اللي بعدهااا ..
بتسالين عمرج شنو البس ثاني يوم ! وهل البس قمصان نوم قويه ! او البس ناعمين !
انصحج اول اسبوع بس ، بالكثير تلبسين الناعمين !!! وعقب فصخي الحياااا !!!!
واقصد بالناعمين اللي يبون نظام قميص علاق مثل هالصورا :
ولاتفكرين نهائيا نهائيا تشترين قمصان نوم طويله !
بتقولين ليش ؟ لانهم باختصار ماراح ينفعونج !
وسئلي كل المتزوجات قلبج !
بتقولين مااقدر صعبه او استحي !
اذا تستحين كلش كلش البسي عليه روب !
ولي دخلتي الفراش فصخيه ! مثل هالصورا :
• انزين والايام اللي عقب شنو بتلبسين ؟؟
طبعا كل شي بالتدريج بس مو تطولين عساس كل شي بالتدريج …*
لبسي قمصان نوم قويه شوي ، فتحه صوب الصدر او البطن او نظام ريولج كلها مبينه والاندر وير واضح*
هذا غير الالوان الملفته*
هذا غير انج من باب التغيير تلبسين اندروير " طقم ستيان وكلوته " يكون دانتيل وشكله ذرب مع روب حلو مثل هالصورا :
xxxxxxxxxxxxxxxxxxxxxxx
وتقدرين تلبسين دلاغات شفافه عليها نقشات وانصحج لاتكثرين هيلاهوبات وخلج على الدلاغات الشفافه اللي عليها نقشات وواصله لي الفخذ ، بعدين تعرفين ليش *:
• انزين شنو سالفة الشخصيات ! السستر والشرطيه وغيرهم !!*
طبعا ماانصحج تكثرين منهم ! بعضهم حلو
وبعضهم يفشلونج فلا تتهورين وتاخذينهم ويضحك عليج ابو الشبااااب .
يعني اخذي الناعم منهم واذا ماتاخذين منهم شي يكون افضل .
• كل يوم البس قميص نوم ؟؟؟
لاحبوبه طبعا مو كل يوم !
• شنو البس يعني ؟؟
من باب التغيير تقدرين تلبسين بجايم حلوه
عندج نظام اللي خامتهم ستان
او اقطان
او نظام شورتات
• جم قميص نوم اشتري ؟
انصحج اقل شي بين 8 لي 10 قمصان
بما فيهم قميص اول ليله ، واذا حسيتي في شي قاصرج السوق قريب ، ومو شرط غاليين اهم شي الذوق !
• شلون ارتبهم ؟؟؟؟
كاول مرا انصحج تاخذين جيس شفاف انا لقيته بالبلوكات عند ملوت الكلف حطيت كل قميص بجيس شفاف جني توني شاريته يديد وطلبت من اهلي يحطونهم بدرج خاص بروحهم .
وفي بسنتر بوينت وبايكيا صناديق حلوه تقدرين تاخذين واحد لقمصان النوم
وواحد للاندر ويرات وترتبينهم وتحطينهم بالكبت كل واحد برف بروح !
وطبعا الارواب ملوت قمصان النوم يكونون معلقين .
اشلون اغسلهم ؟؟ واشلون اعطرهم ؟؟
في البدايه قبل لاتودين جهازج
تكونين مغسلتهم بماي ومسك وصندل*
او
بس كومفرت النوع اللي تبينه
تنقعينهم بتب ( طشت ) خاص وبعدين تنشفينهم كل قطعه بروح بعدين تكوينهم بكوايه البخار .
واذا دخلتي عش الزوجيه ومالقيتي تب (طشت )
اشتري جيس دانتيل تلقينه بمحلات قمصان النوم وارشح لج محل ( لاسنزا )
طلبي منهم جيس الدانتيل اهما يعرفونه وخلي واحد او اثنيتن لقمصان النوم وواحد للستيانات وواحد للكلوتات …
وخلي كل غسله بروح …
– اذا غسالتج عاديه حطي جيس الدانتيل داخل الغساله مع شوي صابون لاتكثرين لان القميص مايحتاج ذاك الغسيل وضبطي الوقت بين خمس وسبع دقايق كافي ، واخر دوران ضيفي كوفرت اذا تبين ، بعدين نشفيهم .
– واذا غسالتج اوتوماتيك خلي الغسيل على ( hand wash ) *اللي اهوا الغسيل اليدوي
وتقدرين تحطين بس كومفورت او شويه صابون مع كومفورت .
– في بنات يضيفون كلونيا وانا شخصيا اشوف ريحتها حيل قويه ، وكل وحده براحتها.
– وبالنسبه للتعطير افضل شخصيا اذا ماغسلتهم بمسك وصندل اني استخدم مع كل قميص عطر بروح كل ليله غير سواء عربي او فرنسي ، واستانس وايد على العطور الفرنسيه اللي ييون مجموعه كامله من بدي شور ولوشن وعطر ، وسوالف بدي شوب وباث اند بدي ووركس وزهور الريف …
ان شاء الله مااكون قصرت ،،،
وبالتوفيق لكل عروس
نفس تطبيقي الي سويته ..
.gif "Eh S(15)")
مشكوووووووره ي الغاليه
فديتج
ملاحظه – تم ازاله الصور المخالفه لقوانين المنتدى والقسم
لاتعب ولا شي حبوبه
هذا اقتراح بالقمصان اللي تكون عندج ! وخيكون عندج تشكيله حلوه !
بالنسبه للصناديق وترتيب القمصان فمو شرط صناديق ، فانتي رتبي قمصانج بصندوق واحد !
او بالكثير صندوقين وخيكون تصفيطج للقمصان علي وسع الصندوق او على شكل رولات !
وتقدرين ترتبينهم بالارفف بالطريقه اللي تبينهم من دون مايتعفسون !
ومن تدخلين عش الزوجيه تعلقينهم كلهم على راحتج !
وشرط اذا رتبتيهم اوكي ماراح يتعفسون واذا تعفسوا اكويهم بكواية البخار وعلقيهم !
بالنسبه لغسيل القمصان ..
ركزي معاي اخذي لج تب وحطي فيه مسك وصندل او بس كومفورت ونقعيهم فيه ليما تتشرب القمصان الريحه
ووبعدين كتي الماي وعطيهم غسله عالسريع بالماي !
وبعد ماتروحين بيتج ! وبما ان اغلب العرايس مالهم خلق لسالفة التنقع والطواله هذي كلها !
فراح تغسلينهم بالغساله مثل ماذكرت اما بشويه صابون مع كومفورت او كومفورت بروحه او مثل بعض البنات
بعد مايغسلونهم بالصابون ينقعونهم بكلونيا او مسك مع صندل !
ودورة الغسيل ماتطول لان الخام خفيف ومو ذيك الوساخه اللي لازم تطول بالغساله !!
وبالتوفيق حياتي …
واي سؤال انا حاضره
.gif "Eh S(7)")
جد تشكرين ع الموضوع لرد ع استفسارتي و استفسارات خواتي عرايس كويتيات
بس سؤال القمصان و عرفنا عددهم
بس جم اخذ بجايم سواء ستان او قطن او حرير ؟؟؟؟
و شكرتج .gif "Eh S(8)")
و تقبلي مروري
كثيييير استفدت منك
الله يعطيك العافيه يارب