قله الاكل والتعب :(

حبيبتي الحل بيدك محد راح يساعدك لازم أنتي تساعدين حالك

مشكلتك واضحه ومعروفه أنيميا أنت الان ما تقدرين تأكلين ، تشربين عندك أسهل بعطيك حلول تساعدك لين تجتازين هل مرحله بعدين لازم تجبرين نفسك شوي شوي علي الاكل المفيد
أولا كثري من عصير العنب الاسود من كي دي دي والعنب وإذا عندك عنب أسود مجفف ( زبيب ) من السعوديه أواليمن يتسوي منه عصير مركز وبسرعة يعدل الدم روووعة عجيب تلقينة عند مطاحن القهوه في الشويخ والفحيحيل ومدري
ثانيا كلي البقدونس أو شربي عصيره مع برتقال ممتاز // بنجر في خلاط الكاس مع عصير برتقال // فليفله وطماطم مع نص ليمونه // اشربي عصير الطماطم والافضل من البيت أفيد لك
دائما قبل أخذ هذي الاشياء وبعد أخذها ما تأكلين أو تشربين شي فبه كالسيوم مثل الحليب والجبن والروب و…..لأنه يمنع أمتصاص الحديد
ثالثا خذي شعير تلقينه بالجمعيه في أكياس صغار صوب البهارات والحبوب أطحنيه ناعم حيل وخذي منه ملعقة وحطيه علي كاس حليب علي النار حركي الحليب مع سكر والافضل عسل أصلي لين يثقل شوي هذا راح يساعدك أذا تحسين بوهن في جسمك في الشعير مادة المغنيسيوم ممتازة لعظلات الجسم إذا ماتقدرين تشلين حالك أو تمشين حتي (من سنة الرسول صلي الله عليه وسلم أسمها التلبينه )

أرجو أن أكون قد ساعدتك بالمعلومات وعليك التطبيق

وتذكري ما حك جلدك مثل ظفرك
وبالشفاء والعافية ,,,,,