قطوتي صارفيه نزله معويه وشوفو الدكتوره ام كشه شسوت فيييه !!!

السلام عليكم جميعا
شلونكم شمسوين حبيباتي انا ابي اقولكم شصار معاي لما وديت قطوي للعياده …….
اول شي القطو مالي ذكر اسمه سيمبا بس اندلعه >>شمشوم <<< بس لحد يقول شلون المهم اهو عمره 6 شهور ويهبل شيرازي مو فيس جنه الماني المهم انه قطوه بالنهايه همن ماعلينا اول شي كان بليلشمشوم مو عوايده ما يي يلعب بميزي وطيح الاغراض الي علييه خو هذي لعبته قل النوم ادوره ادوره اخيرا لقيته قاعد تحت الدري وشكله تعبان وعيونه ذبلانه والحاله كسيفه وحتا مو قادر ينسدح ولا ينبطح
ابيه ينام مايبي ينام ابييه ياكل ماياكل كلش واذاممسكته قام يصاااارخ ويعض قلت لا ابد الحاله ماينسكت عنها من ثاني يوم خذيته للعياده بيت الحيوان الي اقبال سيتي سنتر السالمييه دخلته عالدكتور ولا يفحص حرارته الا حرارته والله العضيم 41

انا تعبت نفسيا لما قال الدكتور نزله معويه المهم عطاه ثلاث ابر بنفس الوقت هذا يوم الخميس وتعالي يوم الجمعه والاحد ياخذ باجي الابر قلت اوكي بعد مارديت البيت لقيته لا احسن اكل ولعب وتمشا والحاله تمام يوم الجمعه وديته خذا الابر نفس الشي ماكو شي يوم الاحد لما خذه اخر الابر ويكمل الكورس طبعا تغير الدكتور ويت دكتوره اهيا وكشتها ولا تعطيه الابره الفيتامين ما تكلم ولا حس فيها لما عطته الانتيبايوتكالابره الثانيه الحقيره طقته الابره غلط ولا يصرخ صرخه شلع قلبي وعطها شي ابيض بحلجه مال الدود وسوت اذونه المهم يوم رديت البيت الا يعري من ريله ومايقدر يمشي ولاياكل بس يشرب كل دايخ والله حاله حيل خايفه عليه اخاف انه يصير فيه شي ولا ادوس بطنها لي صار في شي فمادري شسوي الحيييييييييين ؟؟؟؟؟؟؟؟؟؟

الله اعينج حبيبتى ……بس مو جنه قويه عليه 3 ابر باليوم وهو عمرة 6 شهور …..؟؟؟

الله اشافيه ان شاء الله

هلاعمريي

فعلا الحراره تقريبا اربع جرعات ولي خذاها يحوشه خمول امر طبعييي

بس الظاهر الدكتورة ايدها ثقيله وعورته عشان جذي نبهذل المسكين

بس لا تحاتين يصير زيين ات شاءالله

والحين اشصار بشمشووم <<< مندمجهـ مع القصه

كملي قووليلنـاا باجي القصهـ الحين اهـوو شصار فيه

تسلموووووووووووم حبيباتي وماقصرتو بس الحين شمشومي مادري شفيه موقادر يحرك ايده وريله بعد ولا تعبت نفسيا متا يرد نشاطه ولعبه و شطانته فيني بجييه دقيقه وارد بس ابرد قلبي

امبيييييه انتي حدج غلطانه احنا محذرين البنات عن هالعياده … ذبحت قطو رفيجة سكارف جنه

وغير جذي انا وبنات ثانييين جربناها وماعجبتنا ..

انا انصحج تودينه مكان ثاني تجيكين عليه احسن

لا يروح القطو عليج

يقلبي <<< وديهـ عيااده ثاانيهـ <<<
لحقي عليهـ لايصير فيه شي

وقووليلنـاا شصار

هههههههههههههههههههههه

امبيه من صجج
ماقريتي موضوعي عنه هالمستشفى العوي

الله يخزيها هالدكتورة الغبية

أشوى إنها مو دكتورة بشر كان ماتو نص الناس

أنا وديت عصفوري كناري والله يابنات الجيران كلهم كانو يسألوني عن تغريدة

وكانت عينه شوي حمرة

أعطته قطرة وشرب

والله ما أعد يومين إلا هوي ميت

بنصحك روحي لعيادة تانية هاي الدكتورة فاشلة

بنات شوفو الهبله امس شسوت لما رحت لها مره ثانيه دشيت عليها مع امي امي كانت موصله وكان ثلاث الدكاتره بنفس الغرفه قاعدين دشيت عليها وقلت دكتورره انتي شعطيتي القطوه الي صارت حالته كسيفه جذي جان تقولي انا ماعطيته الا العلاج الازم قتله اخاف انج زدتي الجرعه جان تقول انا قبل لا اجي الكويت كنت امبطله عياده عشر سنين بمصر وام كشه تقول انا مو عم ادرس عقطوتك وكلام وااايد بس والله امي ما خلتها ورحت للدكتور بس الدكتور يفهم احسن منها وعطاه ابر ولف ايده

ويييييييي

الله يعينج حبيبتي ..

لاتودينه عند هالزفوت هذيل استغفرالله انا كم سمعت سالفة قطوة رفيجة سكارف وانا ودي اروح ازنطها الخايسه هذي

حسبي الله عليها

وديها مستشفى رويال اللي بالري قبال سوق الجمعه … شي مرتب و الدكتوره انجليزيه حتى مسكتها للقطو تحسين محترفه والله فحصت قطوة بنتي لندن و عطتها اول تطعيم و الله و لا تحركت القطوه …

و نظافه و عنايه و تحسين انهم خبره اللي كل اللي يراجعون فيها اجانب

و الحلو شمشووم … بس خليه يرتاااح و لا تلاعبينه بكثره عشضان ما يجهد نفسه و عطيه دراي فود و انشالله بيتحسن