|
|
الشاعلر ناصر البكر
قصيدة لي نشرت اليوم الخميس 2/2/2006 م بجريدة الراية القطرية
قال التميمي من جزيل المثايـل
قصيده اللي من ضميره ذكرها
اجسادنا تبلـى وكلـه زوايـل
تبقى علـومٍ بالقيامـه خبرهـا
عزي لشخصٍ في حياته فشايل
انشهد انّه عبرةٍ مـن عبرهـا
شريعـة الله عزنـا و النوايـل
منبوذ يا شخص لخيره نكرهـا
حقٍّ علينا يوم شفنـا الهوايـل
نرسي كما ترسي بواخر بحرها
ياما و ياما من سنين المحايـل
لاهوبةٍ يقدح بعينـك شررهـا
تضيق بالمسلم ويصبح مخايـل
ابروقها اللي مورقاتٍ شجرهـا
نكره امورٍ لكـن انـه جمايـل
خيره خفيّه نادر اللـي سبرهـا
سبوا رسول الله من غير طايل
في رسمةٍ شينه جانـي قهرهـا
مثل البهيمه يوم تبحـث قوايـل
عن موسها اللي ساطيٍ به اثرها
واجبنا حنا بالعلـوم الصمايـل
نقاطع الدولـة نقطـع نحرهـا
بنفوسنـا و اموالنـا و القبايـل
هذا الذخر للّي بقولـه ذخرهـا
نرد كيـده لـو قليـل القلايـل
عقيدة الله حظ منهـو نصرهـا
صلاة ربي عدّ ذيـك المسايـل
على رسولٍ كل بيضا نشرهـا