قصه ولادتي باحلى ليلى يوم الخميس ٤-٦

السلام عليكم
اقولكم
الله يسلمكم انا يوم الاربعه اللي طافت قمت من النوم وصليت الفير وعقب الصلاه عوار مو قادره انام قلت عادي مرات يصير جذي واغفي شوي وارد ولا عوار نفس عوار الدوره وحسيت انه فيني شي قلت لا عادي وقعدت ريلي حق الدوام واستاذن قعد وياي لي الساعه ١٠ لا زاد العوار ويذبحني قلت حق امي قالت شربي دارسين ونزلت تحت وخالتي الله يحفظها سوتلي دارسين وشربته بعدها هم عوار بس قاعده احاول اتحمله وراح ريلي الدوام وشبكت المنتدى ومشيت بالشقه وكل ما ايي عوار امشي وحالتي حاله بعدها دشيت تمكرمون الحمام ولا نازل شوي دم اخترعت دقيت على خالتي صعدتلي قالت لي ايي عادي بس توه الناس عالولاده لاتحاتين قلت اوكي
وشبكت وقلت حق البنات قالو اروح الطبيب قلت لا ابي اروح اللي حدي اكون موصله بس ما قدرت ومره ثانيه وثالثه هم نزل دم مني اخترعت اربع مرات وامي اتصروعت قالت تعالي بيتنا ونروح الطبيب ولا العياده قلت انزين ولبست وييت بيت امي وشربت جف مريم وانا عوار يذبحني وميته خوف من الدم نزل بس قاعده ودقيت عالعياده كلمت الدكتوره لانه كانت قايلتلي اول بتولدني الخميس طلق صناعي بعدين قالت تنطر اذا انا ابي لي الاحد عادي قلت اوكي ودقيت قلتلهم انه نزل دم وشسوي هالكلام الساعه ٤ العصر ولا تقول قعدي لي ٨ وروحي الطبيب اذا زاد العوار
والعوار يزيد ويذبحني وانا مو قادره اتحمل وامي تحن خنروح الطبيب قلتلها لا ما ابي ننطر لي ٨ ولا ٩ ابي اروح سيده ولاده واكون موصله وقاعد استحمل وياو خالاتي كلهم وخالتي ام ريلي ويحاتون يالله نروح قلت لا والعوار يزيد ليمن الساعه ٩ ونص قلت لا خلاص ما اقدر ورحنا رويال حياه وزحمه وصلنا عشر وانا امشي وماسكه روحي من العوار قلت لا ما ابي ادش الحين خنشوف الغرفه اللي ابيها وريلي يقول لي من صجج قلت ايي خل اشوف لووول ولا انشوف انا بغيت جناح الياسمين لقيت ثنتين فاضين جان سيده نحجز وحده فيهم وبعدها قلت لا نطرو قالولي يالله روحي ورحت سويت تحليل وجذي ولا يفحصوني كل هاللويه وماسكه روحي بس ٣ سانتي تخيلوو وانا اعاني وعوار وماكو قعدوني بالغرفه الثانيه ولبست لبس المستشفى وبطو الماي ولوييه وبعدين قالو تبين ابره الظهر قلت لا وماسكه روحي شجاعه ليمن رحت حق الولاده الصجيه الساعه ١٢ قلت الحين ساعه ولا ساعتين والده قالو لا لي انشالله الفير اوولد
قلت يالله والطلق يزيد ويذبحني واعاني وافرفر من العوار وليمن الساعه ٤ وانا توني موصله اربعه سانتي ووقفت وميته خوف يحولوني قيصريه ولا طلق صناعي بس الحمدلله لا نطرو علي ودكاترتهم ملوت الطوارىد يهبلون وحده لبنانيه ووحده مصريه شزينهم كل شوي وياي
وبعدين قعدت وطوولت ماقمت افتح بسرعه معنه يوسعوني بس ماكو جان اخر شي يقول ريلي بروحه خل يطقوني ابره الظهر لاني طولت وماقدرت اتحمل معنه من اول كنا نقول مانبي بس عالكمام اهوا الكمام حلو بس انا مانفع وياي وماعرفتله وبعد ابره الظهر ارتتحتتت وقمت اسولف واضحك ويا اهلي الطلق يزيد وانا ولا احس فيه ليمن يات الدكتوره الساعه ٦ قالت ٧ سانتي يالله انشالله تولد الساعه ٩ ولا ١٠ وبعدها الحمدلله قام يزيد الطلق بسسرعه ويات دكتورتي نجيبه القطان وقالت سبع ونص ولا ثمان انشالله والده الساعه ٧ونص وخمس ولدت ويبت احلى ليلى الله يخليها حقي وحق ابوها
والحمدلله بعدها سويت استقبالي الخميس واليمعه
وانشالله بنزل صور استقبالي بس لمن افضي شوي
والله يسهل على كل وحده حامل وتولد بالسلامه يارب
واي استفسار لاتترددون

اقتباس:

المشاركة الأصلية كتبت بواسطة ipink السلام عليكم اقولكم الله يسلمكم انا يوم الاربعه اللي طافت قمت من النوم وصليت الفير وعقب الصلاه عوار مو قادره انام قلت عادي مرات يصير جذي واغفي شوي وارد ولا عوار نفس عوار الدوره وحسيت انه فيني شي قلت لا عادي وقعدت ريلي حق الدوام واستاذن قعد وياي لي الساعه ١٠ لا زاد العوار ويذبحني قلت حق امي قالت شربي دارسين ونزلت تحت وخالتي الله يحفظها سوتلي دارسين وشربته بعدها هم عوار بس قاعده احاول اتحمله وراح ريلي الدوام وشبكت المنتدى ومشيت بالشقه وكل ما ايي عوار امشي وحالتي حاله بعدها دشيت تمكرمون الحمام ولا نازل شوي دم اخترعت دقيت على خالتي صعدتلي قالت لي ايي عادي بس توه الناس عالولاده لاتحاتين قلت اوكي وشبكت وقلت حق البنات قالو اروح الطبيب قلت لا ابي اروح اللي حدي اكون موصله بس ما قدرت ومره ثانيه وثالثه هم نزل دم مني اخترعت اربع مرات وامي اتصروعت قالت تعالي بيتنا ونروح الطبيب ولا العياده قلت انزين ولبست وييت بيت امي وشربت جف مريم وانا عوار يذبحني وميته خوف من الدم نزل بس قاعده ودقيت عالعياده كلمت الدكتوره لانه كانت قايلتلي اول بتولدني الخميس طلق صناعي بعدين قالت تنطر اذا انا ابي لي الاحد عادي قلت اوكي ودقيت قلتلهم انه نزل دم وشسوي هالكلام الساعه ٤ العصر ولا تقول قعدي لي ٨ وروحي الطبيب اذا زاد العوار والعوار يزيد ويذبحني وانا مو قادره اتحمل وامي تحن خنروح الطبيب قلتلها لا ما ابي ننطر لي ٨ ولا ٩ ابي اروح سيده ولاده واكون موصله وقاعد استحمل وياو خالاتي كلهم وخالتي ام ريلي ويحاتون يالله نروح قلت لا والعوار يزيد ليمن الساعه ٩ ونص قلت لا خلاص ما اقدر ورحنا رويال حياه وزحمه وصلنا عشر وانا امشي وماسكه روحي من العوار قلت لا ما ابي ادش الحين خنشوف الغرفه اللي ابيها وريلي يقول لي من صجج قلت ايي خل اشوف لووول ولا انشوف انا بغيت جناح الياسمين لقيت ثنتين فاضين جان سيده نحجز وحده فيهم وبعدها قلت لا نطرو قالولي يالله روحي ورحت سويت تحليل وجذي ولا يفحصوني كل هاللويه وماسكه روحي بس ٣ سانتي تخيلوو وانا اعاني وعوار وماكو قعدوني بالغرفه الثانيه ولبست لبس المستشفى وبطو الماي ولوييه وبعدين قالو تبين ابره الظهر قلت لا وماسكه روحي شجاعه ليمن رحت حق الولاده الصجيه الساعه ١٢ قلت الحين ساعه ولا ساعتين والده قالو لا لي انشالله الفير اوولد قلت يالله والطلق يزيد ويذبحني واعاني وافرفر من العوار وليمن الساعه ٤ وانا توني موصله اربعه سانتي ووقفت وميته خوف يحولوني قيصريه ولا طلق صناعي بس الحمدلله لا نطرو علي ودكاترتهم ملوت الطوارىد يهبلون وحده لبنانيه ووحده مصريه شزينهم كل شوي وياي وبعدين قعدت وطوولت ماقمت افتح بسرعه معنه يوسعوني بس ماكو جان اخر شي يقول ريلي بروحه خل يطقوني ابره الظهر لاني طولت وماقدرت اتحمل معنه من اول كنا نقول مانبي بس عالكمام اهوا الكمام حلو بس انا مانفع وياي وماعرفتله وبعد ابره الظهر ارتتحتتت وقمت اسولف واضحك ويا اهلي الطلق يزيد وانا ولا احس فيه ليمن يات الدكتوره الساعه ٦ قالت ٧ سانتي يالله انشالله تولد الساعه ٩ ولا ١٠ وبعدها الحمدلله قام يزيد الطلق بسسرعه ويات دكتورتي نجيبه القطان وقالت سبع ونص ولا ثمان انشالله والده الساعه ٧ونص وخمس ولدت ويبت احلى ليلى الله يخليها حقي وحق ابوها والحمدلله بعدها سويت استقبالي الخميس واليمعه وانشالله بنزل صور استقبالي بس لمن افضي شوي والله يسهل على كل وحده حامل وتولد بالسلامه يارب واي استفسار لاتترددون

الحمدلله عالسلامه ومبرووووووووووووك ماجبتى حبيبتى

والله يجعلها من الذريه الصالحه ياااااااااااااااارب