|
|
السلام عليكم بنات قصه ولادتي الحمدالله ربي لك الحمد ولدت بتاريخ 28-7-2012
الله رزقني بنوته وكان يوم السبت عندي مراجعه تخطيط الصبح ساعه 10 وكان يوم الاربعه هم عندي موعد وعطتني خروع الدكتوره اشرب راجعتها ثاني يوم قالت في طلق خفيف مفتوح 2 سانتي روحي البيت شربي دارسين وامشي اذا في ألم رجعي بليل رديت البيت وشربت دارسين ومشيت بليل بس ماكان في اعراض ولاده راح الطلق اختفى فجأه حتى دكتوره فالت وين الطلق راح قبلها بيوم احسن كان الطلق عندج قالت رجعي البيت وامشي وشربي دارسين وكثري تمر وصج سويت الي قالته ورحت موعدي يوم السبت حق التخطيط جان اتقول احسن من قبل نازل الراس حيل تحت في طلق خفيف حيل قالت مااقدر انطر لازم ادخلج تولدين تبين احط تحميله وطلق صناعي قتله مادري انتي شنو اتشوفين جان اتقول احسن. تولدين لان انتي بنت صغيره والبيبي قعد يكبر وانا مابي تولدين عمليه ولاابي تتعبين بالولاده جان تفحص وتحط نص تحميله قالت حق السستر عطيني نص تحميله وبعدين اذا احتاجت طلق صناعي انحطلها وقالت روحي امشي شوي وانا خذيتها فرصه قلت حق ريلي كان معاي قتله بشوف الغرف وصج قعدت اشوف الغرف ولقيت غرفه الي ابيها وقعدت امشي وبعدها رحت الغرفه مالتي ودقيت على اهلي قتلهم انا بدخلوني الولاده امي مسكينه اخترعت ويت بسرعه وقتلها ابي دارسين يبي معاج وقعد صج امشي وشربت دارسين ولا انا امشي طلعت بوهي دكتورتي جان ها في ألم قتلها خفيف اي ماما احسن امشي وشربي دارسين هذا الحجي كان ساعه1 ظهر جان اتقول راح يبدي الطلق معاج يحمي على ساعه 3 العصر وراح اندخلج الولاده وصج رحت الغرفه وقريت آيات تسهيل الولاده وصليت الظهر ودعيت ربي وقريت الادعيه جان تيي السستر تلبسني وحطت الحقنه الشرجيه عزكم الله وكل شوي اروح الحمام ارد وقعد امشي بالغرفه جان اتقول السستر يله ماما الحين راح يصعدونج الولاده وصج ودوني فوق وحطولي التخطيط ولدرب ويت للدكتوره بطت ماي البيبي جان يبده معاي الطلق جان شوي تسأل امي سستر انتي حطيتي طلق صناعي جان اتقول لا ماما الحمدالله دكتوره بطت الماي الطلق حمى عندها قعد ايي كل 5 دقايق وبعدها كل دقيقتين وانا قتلهم يله وين حبيبي الكمام ههههه عطونياوقعد اشفط وخذوا تحاليل وبعدها يت الدكتوره تفحص وتطمن علي جان اتقول 6 سانتي بعد يبيلها احتمال تولد ساعه 6 انشالله والسسترات على راسي ماخلوني وامي وزوجي حبيبي ماخلاني ودمعته بعينه وماسك ايدي ويقره علي ويروح الطلق وايي كل مايي الطلق اقعد ابجي واتألم واحوس جني مينونه بابسرير وكل شوي يقلبوني على جنب علشان يحمي زياده الطلق وماحسيت ولافجأه يرفعون ريلي ولا اتقول يله ولاده ماما يله ولا دكتورتي بسرعه تركض يايه وقطت انعالها بسرعه ودشت علي بس اشوه ما وخرت الكمام بولادتي الي طافت قالت شيلوه ابيها تدفع هذي ولادتي خلته لان ساعدتها حيل بس شفتها قمت ادفع ادفع علشان ما اتشيل الكمام بس اسمع اتقول الدكتوره اي ماما شاطره بعد بوش بوش وخالتي ام ريلي وامي ما خلوني عند راسي اسمع اي يمه دزي والحمدالله اطلعت بنوتي ولدت ساعه 8 بليل وماحسيت الا طلعتها وحطتها على بطني وبعدها غزتني ابره ونمت ونظفتوخيطتني ونظفتني وانا طالبه تجميلي وبعدها قعدتني امي وريلي على راسي قالي الحمدالله على السلامه ولدتي والحين بينزلونج جناحج واسفه قرقت وايد وهذي قصتي بولادتي وكنت والده اب مستشفي الهادي وصج ما قصروا معاي وعنايه واهتمام وانشالله بس يحصلي فرصه راح انزل صور استقبالي*
بغيت اسالج. منو دكتورتج؟؟
وبجم سعر التجميلي؟؟؟
،مبروك ماياج
والفال حق كل الحوامل يولدون بالسلامة إن شاء الله..
ومبروك ماياج
منو دكتورتج
الله يخليكم لبعض ويجعلكم قرة عين لبعضكم
عاد انا بجر وبروح ابروحي مابي احد معاي كيفهم