|
|
السلام عليكم اشلونكم؟
اول شي بسلم على حباااااااايبي تجمع شهر 7 و 8 و9 واقولهم وحشتوني و محد صبرني غيركم
بسم الله الرحمن الرحيم
طبعا كالعاده كل يوم كنت ادش اتحلطم متى اول ومتى اولد وادور امية طريقه
بتاريخ 8-7
قمت الصبح وخواتي اذوني شربي خروع و شربي خروع
وانا من قبل من بدى الاسبوع ال38 وانا شربت كل يوم قلاص لي اثنين دارسين مع زعفران
و مره وحده بس شربت كف مريم
و بعد جم يوم وبعد حنه خواتي قررت اشرب خروع شوي مع عصير برتقال تاريخ 8-7 شربته وماكملته الله لا يوريكم وييييييييييييع وكتبت من شربته حق خواتي بالتجمع مالنا وقلتلهم ما سوالي شي الا تكرمون روحه الحمام رايحه وراده
وتعبت منه صجججججججججججج
وليلتها بنت خالتي نايمه عندي وكنه سهرانين لي الفير و اخر شي طخينه وقررنا نروح السرير وعقدنا نسولف ليمن ندوخ وطبعا ماكو شخص ما يه ابالنا و ضحكنا على مواقف قديمه جان مره وحده طن طقا طاااااااااااااااا احس شي ينزل جني تكرمون قاعده ابول جان اطالع من خالتي واقولها امبيانبط الماي واهيه مصدومه وخايفه تقول اخاف يتهيا لج قلتلها لا اكيد والله
وقمت وانا اضحك احس شي غريب الي صار و بسرعه رحت تسبحت و لبست ووقعدت امي وقلتلها وطبعا حدي خايفه وللحين مو مصدقه جان ينزل بعد مره ماي وخفت حيل لان وااااااااايد تلفني تقريبا كل شوي ينزل وايد
رحت دار الشفا ودخلوني عند دكتور الطواري اسمه حسين المهم قال بيفحص و ذبحنييييييييييييييييييييي موت وقالي 3 سانتي و انا تقطعت حدي من العوار
الطلق للحين ما بلش بس عقب ما فحص بلش الطلق و مو اي عوار وااي موت عذاب ما توقعته جذي ابدا وانا عالكرسي يدزوني اصرخ وماي ينزل وكل ما ينزل ماي بعدها عوار مو طبيعييي و من العوار والخوف قلت ابي غرفه خاصه للولاده و دخلت امي و بدلوني بسرعه بس بهالوقت كان عوار شوي خفيف و يروح ويرد بفترات بعيييده
بعد شوي حطولي مال نبض البيبي و لاحظوا النبضات ضعيفه فنادوا دكتور حسين مره ثانيه و فحص 
وامي المسكينه تشوفني وتبجي معاي و بس يخف شوي الطلق دعيت حق وايد بنات اعرفهم واهلي و قسم تاخر الانجاب
ووايد ناس
بعدين العوار صار قريب من بعضه و تعذبت موت ليمن يه الدكتور وقالي خلاص بعطيييج و يتلي وحده بلغاريه عجيبه غزتني وماحسيت بشسي الا عوار خفيف وصج حزتها كنت مستعده اتحمل كل شي ولا احس بلي حسيت فيه بعد ما غزتني بعد فتره راح العوار و قبل ما تغز كان كل ساعه يحوشني الطلق و توقف ما تكمل
بعد ما غزتني للحين فيه عوار وكان البنج للحين مو شقال بس اشوي شوي بس حسيت نفسي ما اتنفس عدل من الخوف فحطولي كمام اكسجين عشاني و عشان البيبي وكل شوي تزيد الجرعه ليمن راح العوار كله الحمدلله
وكانت في سستر تينن اسمها عايده وااي يا بنات تينن شوي الي بتولد بدار الشفا تسال عنها نصيحه
وكل ساعه اتيي تفحص و طبعا انا منسدحه ماحسي بعوار ولا شي كل شي مخدر و اهي توسع شوي ومره قالت 5 و 7 ونص لييييييييييييييييييييمن 10 سانتي ودكتوري الله يخليه مصطفى قال بنطر ينزل الراس شوي واولدج عشان ما تضغطين وايد و نطرنه ليمن يه وقت الولاده حطولي شي حق ريلي شي مخيف ههههههه بس ماخفت وايد لان العوار ماكان موجود
وسسترتين وقفوا ييمي وبين مده ومده يقولولي ضغطي لان مادري متى اضغط وكل ما اضغط ماكو شي ما احس عدل فضغطوا شوي عالبطن و طولنا شوي و حاولت كذا مره لي من قالي شفط عشان قلب البيبي تعبان وسولي شفط وطلع و حطوه على صدري حبيبيييييي وكله دم و مسكت جلده بعد عمري ولدي الله يخليه لي ومادري شنو صار فيني بس دموعي تنزل وتنزل حيييييييل و شالوه خذوا و قطيت نفسي وبجيت و طول مده الطلق ريلي عالخط يكلمني من بره الكويت كندا لان يشتغل اهناك وماقدر اييي بوقت ولادتي و انا معاه بجينا عالخط و وحسيت بلحظه غريبه واقوله تعبت حيييل تعبت حييل
واهو يبجي صج لحظه حلوه ومن اتذكرها تدمع عيني
يبت احلى سليمان اب تاريخ 9-7 -2009 الساعه 10 و نص الصبح
وماشاء الله عسلللللل على قلبي
نصيحه حق البنات لا تبدون عمليات انتحاريه امبجر بلشوا من الاسبوع ال38 وطالع و اقروا سوره مريم وزلزله و الملك ويس لان قريتهم قبل لا يفتح الماي والله وبعدها انبط بشوي و الخروع الي بتشربه لازن تكون مفتوحه اقل شي 2 و كميه قليله وقولي للدكتور لان انا سالته بالاول
وابره الظهر ابره رحمه من رب العالمين و يسلم الي اخترعها وانصحكم فيها والله
ومن تطقونها خفيفه
والله يتمم عليكم وتقومون بسلامه ياااااااااارب والفال حق باجي تجمعنا يقوم بسلامه
أحـــــبكم تجمع 7 – 8 -9 ومشكورين عالايام الحلوه الي ساندتوني فيها وانا ريلي بعيد عني
والله يبلغج بوليدج معرس ان شاء الله
اتصدقين عاد دكتور حسين هذا ما احبه لبناني صح ؟؟؟؟
لانه اول حمال لي طرحت رايحه له الفير ميته من الخرعه سوالي سونار يلوع الجبد ماكو شي واضح ويقولي ماكو شي ورجعي البيت وعطاني مثبتات وانا نزيف
بس حمدالله على سلامتج بعد عمري وانشالله الفال حق الباجيين يا رب
وتبلغين فيه باعلى المناصب يارب
والفال لباجب التجمع وكل الحمل
ولله يرزق كل محرومه ان شاء الله
ومبروك ماياج
الله يطرح فيه الخير والبركة انشالله
ويرد ريلج بالسلامة
والحمدالله على سلامتج
والله بطني قام يعورني وحدي ميته خوف تجربتج تخوف
بس الحمدالله ان الله سهل عليج
ربي يخليلج سليمان ويحفظه وتفرحين فيه
ويتربا بعزج ياررب
؛) ويتربى بعزكم انشالله وتفرحين فيه عريس
ويردلج زوجج بسلامه
الفال لي ولبنات تجمعنا وكل الحوامل
ومبرووووووووووووك حبيبتي والله يتمم عليج
انا هاليومين اولد
ادعيلي اقوم بالسلامة
وعسى الله يجعله من الذريه الصالحه يارب
وصج لمن قريت قصتج دمعت عيني ذكرتيني بولادتي