قصـــــة ولادتــــــي الغريبة . ورحمة رب العالمين

واحشتوني بنات واليوم والله ياله صرت أحسن من الخياط قلت أشبك واقولكم ولادتي عشان الكل يدارك الاخطار الي صارت

بسم الله

موضوع ولادتي بدى يوم الأحد الي طاف تاريخ 9/8/2009 كنت رايحة موعدي للدكتور عادي وكنت بالاسبوع 38

المهم دشيت على الدكتور جان يقولي ها مافي عوار قتله دكتور كلش ماحس بشي

جان يقولي تبين أسويلج فحص داخلي جان انفز قتله لأ دكتور يعور جان يقولي كل الولادة تعور والفحص بسوي بسوي

قتله لأ مابي قالي على راحتج الاسبوع الياي

جان يقولي بسوي سونار قتله اوكي

سوى سونار جان يطالع نظرة غرابة انا اهني حسيت بموت مااحب هالحركات

جان يقولي راس البيبي تحت حيل اشلون مافي عوار مستحيل قتله والله دكتور مافي عوار جان يقولي انتي ولادة

اهوا قالي ولادة حسيت قلبي بيوقف ودمعت عيوني جان يقولي لازم افحص اشوف الرحم مفتوح ولا لأ.. وفوق كل هذا ماي البيبي ناقص لازم دخول ولادة ولا تخلين افحصج

اول شي قمت ابجي جان ريلي يقولي خلاص توكلي على الله

وسى الفحص وانا حسيت روحي طلعت من مكانها يعوووووووووور وقمت اصارخ وابجي بجي وريلي مسك ايدي

جان يقولي مفتوح الرحم 1سم

جان يقولي انا بكتبلج دخوول يوم الاربعا 12/8 لانه مااقدر انطر على البيبي اكثر لانة الراس وايد تحت والماي ناقص

قتله اوكي واذا ماياني طلق جان يقولي لا امشي وشربي دارسين واذا ماياج الطلق ليه يوم الاربعا طلق صناعي

وفعلا مشيت مشي وشربت اشكثر ومافي ولا شي

صار يوم الاربعا

قبل بيوم مانمت كنت افكر وابجي ونمت عند اهلي وحسيت هالثلاث ايام جنهم 3 سنين

قعدت من النوم اصلا مانمت الصراحة ورحنا دار الشفا الساعة 9 كنا هناك

دخلت الغرفة العادية مو الولادة الساعة 10:13

اول شي حطولي التخطيط وعقب سحبوا دم وخلوني

بالتخطيط الطلق وايد بارد في بس بارد جان ايبونلي ريوق عشان اكل زاد اشوي بس مااحس بشي عقب جان يقولون لازم درب عشان يحمي الطلق اكثر لانه البيبي نايم

للحين ماحطولي تحميلة الطلق الصناعي هذا بس بشوفون معدل الطلق وقلب البيبي

عقب جان يقولون بنحط الحقنة الشرجية عشان بنحط التحميلة

حطولي اياة شعورها بااااااااااااااااايخ تلوع الجبد .. بس حطوها جان على طول عزكم الله اروح الحمام

صارت الساعة 1 الظهر وانا للحين ولا شي جان اتي دكتور مصرية ماانصحكم فيها كلش مجرمة جان تقولي انا بشووف في الجهاز في طلق انتي ما تحسين بالم قتلها لأ

جان تقولي بشووف جم مفتوحة قبل لا احط التحميلة اذا مفتوحة زين حرام احط التحميلة لانة فيج طلق

قتلها عفية مابي فحص يعور جان تضحك وتقولي يابنتي انتي ولادة يعني رح تنفحصين لين تملين

المهم افحصتني المجرمة قسم بالله دكتوري الريال ايده اخف منها اذبحتني وصراخي وصل ليه اخر المستشفى

جان تقولي 1 سم بحط التحميلة .. حطت التحميلة ما تعور وايد عادي

هالحجي 1:30

ليه الساعة 7 مافي شي بس عقب 7 قام ايني عوار خفيف جنه الدورة بس مو الي يعور يعور لا عادي

جان اي دكتوري ويقولي فحص وانا بس اسمع فحص ابجي لانه والله والله يعور

قلت امري لله بفتك خلاص بديت ازهق ليه متى بكمل 12 ساعة ووللحين ولا شي

قتله افحص الي يقولي 1سم اهوا قال 1سم انهرت بجي

جان يقولي انتي بديتي تتعبين والبيبي عقب جم ساعة هم رح يتعب من الطلق الصناعي خليني اوسعج 2 سم تصيرين 3سم وانزلج ولااااااااادة عشان هناك تحطين الكمام

وترتاحين بدال هالعذاب

قتله لا مابي يعور وقامت امي وريلي يقنعوني لين اقتنعت

ويا دكتوري ووسعني والله يابنات اني بثقلي بقزت مثل الريشة من السرير وصرااااااااااخ من قمت راسي المهم توسعت

جان ايبون الكرسي وينزلوني ولااااااااااااادة

هناك كنت يغرفة خاصة اول شي حطولي الكمام ارتحت عليه اول شي لانة ما كنت حيل متعور ولا طلقي حامي

جان يقولي ببط الماي عشان يحمى الطلق بس مارح تحسين لانه الكمام عليج

وانا جلبت بالكمام وغايبة عن الوعي بس اسمع سوالفهم وحسيت في رفع الشرشف بس كان شعور الخوف اقل لانة تطمنت اني مخدرة

وفعلا بط المااي حسيت بالم بس فعلا مو مثل بدون الكمام

وقمت احس بشي دافي ينزل مني بكثرة

وعلى هالحالة بدى معاي طلق جان الدورة لما اتي قوية شوي وتعور الي اتعصر منها يعني في عوار بس يحتمل

الساعة 1 رجع دكتوري وقالي بفحصج في هالفترة كان نبض البيبي يضعف والبيبي تعب

هالمرة الفحص عورني لانة وية طلق المهم قالي 4 سم

جان يقولهم بنطر عليها ساعة بعد اذا مافتح قيصرية

انا سمعت قيصرية وانهرت قلت حراام عقب كل هالعذااااب اخرتها قيصرية