قصتي

السلام عليكم ورحمه الله وبركاته….الحمدلله والشكر على كل حال ….سمعوا يا بنات قصتي انا متزوجه وكانت عندي بنت والحمدلله حملت عقبها وييبت ولد وبدت اهني قصتي من صار لولدي شهرين بدى ينزل علي قبل الدوره بيومين بني كل شهر عقب زاد وصار قبل الدوره باسبوع ورحت احلل وطلعت الهرمونات طبيعيه كلها بما فيها البروجسترون ووصفتلي الدكتوره دوفاستون حبتين لمده عشر ايام قبل الدوره وفعلا راح بس من اتركها يرد البني مره ثانيه يا بنات رحت تقريبا لاربعه دكاتره كلامهم واحد ان ما فيني شي وكل شي طبيعي قلت خل احمل يمكن يروح وحملت لما صار ولدي عمره سنتين ويبت الحمدلله بنوته حلوه ومن صار لها شهرين رجع لي البني بس بعشر ايام قبل الدوره صراحه تعبت وريلي تعب ولما صار عمر بنتي سنه زاد البني وصار ينزل قبل الدوره باسبوعين تخيلو يعني اقعد نظيفه عشر ايام وسويت تحاليل واكتشفت ان عندي خمول بالغده الدرقيه وانا اتعالج منها صارلي سنه الحين والصيف اللي طاف رحت المانيا وسوولي تحليل قالو كل شي زين وسوولي تنظيفات والرحم زين مافي الحمدلله اي شي وعقب التنظيفات شهرين تقريبا مع الدوفاستون مانزل و مازلت استخدم الدوفاستون الى ان تعود عليه جسمي وما زال هالبني ينزل قبلها باسبوع واكثر تخيلوا بنات صار لي من بدت المشكله معاي خمس سنوات ادعولي ان ربي يشافيني ويفرجها علي جزاكم الله كل خير ولا تبخلون علي براأيكم وشكرا

يا بنات انا الحمدلله راضيه بقضاء الله وارجوه ان يشافيني شفاء تام من عنده لحالتي

مشافيه اختي وان شا الله ربنا يهونها عليك يارب

الله يشفيك ويعافيك والله احس اني تعبت وانا بس اتخيل نفسي مكانك اجل لو اهو صدق الله لايقول ويحفظك لعيالك وزوجك ويريح بالك وبالي ويشاااااااااااااااااااااااااااااااااااااااافيك امين يارب

انا نفسك بالضبط اختي وماعندي اطفال والاطباء يقولون طبيعي البني بس يضايق حيل خصوصا الصلاة بسال انا الغدة طبيعية وينزل زين هو اللي من اعراض الغدة من اكتشف

انا ينزل البني قبل ثلاث سنوات من اصابتي بالغده وعقب ما انتظمت الغده عندي بالعلاج هم ما زال ينزل يا بنات زودوني بخبراتكم ولا تبخلون علي

و الله ما أدري……………………
شربي شاي البردقوش كل يوم كوب
و لعبي رياضة أو امشي بالممشى
و لازم الغدة الدرقية منتظمة و هرمون الحليب طبيعي
سويتي تحليل الغدة النخامية؟؟؟؟

أختي اقري الرقية الشرعية كل يوم و نفثي 3 مرات في كوب ماي و شربيه و اقري سورة البقرة أو سمعيها بالمسجل….
جربي روحي للدكتور محمد قطب – في مركز الصفاة الأمريكي – إن شاءالله يساعدك

الله يشافييج يارب ويفرجها عليج ان شاء الله

اللله يشفيييج

شوفي اختي من ينزل بني عليج اول مايبدي ينزل خلي زوجج يجامعج لمدة يومين وراح تنزل مباشرة اني جربت هالطريقة شفت فرق عليه

دورتي تنزل بموعدها حاولت اسوي من قبل نفس ما قلتي بس ما تنزل الا بموعدها والامر صعب على زوجي وهذا اللي متعبني يا بنات ادعولي بظهر الغيب محتاجه دعاؤكم

غدتي منتظمه واراجع بشكل دوري والحمدلله منتظمه وهرمون الحليب طبيعي

انا من صار ينزل علي هالبني التحاليل ما اخليها شامله كل شهرين بما فيها الغده وكل شي كان طبيعي وقبل سنه صارت فيني الغده ومازال ينزل

السلام عليكم بنات اشلونكم لا تنسوني بدعاؤكم ومشكوووووورين على مشاركتكم لي في مشكلتي وعسى ربي يفرجها عالجميييييع