@@@@ قصتي مع تحوير المعده عند د.سلطان التمياط @@@@

مرحبا حبيبااااتي البطوطااااات

شلوووونكم ؟؟

شخبااااركم ؟؟

انا ودي اذكر قصتي اهني مع تحوير المعدة عشان اللي نفسي اوزانهم فووووووووووووق الــ 100 يستفيدون واللي حياتهم تحطمت من السمنة والشحووووم نفسي

انا والله بقصتي هذي ودي كل وحدة ارادتها ضعيفة نفسي واللي انحرمت من حياتها ومن صحتها بسبب السمنة انها تشوووف نفسها قبل لاتذبحها هالشحووووم والسمنة

انا قسما بالله قبل العملية كل ليلة قبل لا انام اتشهد وانام والله من كثر من كانت رقعة بالقلب ونغزات فضيعة كنت اعيشها كل ليلة والحمدلله والشكر من سويتها وانا بفضل الله راحت هالنغزات وقاعدة اعيش حياتي براحة وثقة ولله الحمد

حتى بشرتي كانت دهنية واااااااااااايد الحين استغرب من نفسي بشرتي صج دهنية بس خفت بوااااايد عن اول

الله يعافيكم ويخليكم ذكروا الله قبل لا تقرووون قصتي لان عانيت شوي من فزة الناس فيني صج ماضعفت الا شوية بس بين علي وفرقت عليهم

ماشاءالله
ماشاءالله
ماشاءالله
تباااارك الرحمن

وهذي قصتي كاملة وان شاءالله تستفيدون منها اصحاب الثلاث ارقام

اول شي الحمدلله خلصت الشهر الاول من العملية وعدى على خير وسهالة

انا احسه يوم ميلادي بصراحة لان احس نفسيتي تغيرت وشكلي شوي تغير ومن داخلي بعد تغيرت حسيت اني اكثر ثقة بنفسي

بصراحة كان ودي من بعد العملية اكتب موضوع لي عنها بس حسيتها صعبة مادري ليش وماعرفت شلون ابدي فيها سبحان الله ..

كتبت مقدمات شكثر بس ما عجبني شي وخاصة اني ماحب ولا اعرف اكتب شي باللغة العربية احب اكتب باللغة العامية وابدع فيها

وابيكم تعذروني حبايبي لان قصتي بكتبها بالعامي واعتقد اسهل جذي لي ولكم

ترى القصة شوي طويلة يعني اللي ماله خلق يقرأ قصة طويلة لايدش خخخخخخخخ

اول شي اذكر اني لما كنت صغيرة ولما بلغت بديت افرش وكل سنة عن سنة يزيد وزني وماكانت عندنا بهذيك الايام سالفة ريجيم ما ريجيم كنت عايشة ومستانسة ومافكرت اني راح اذبح نفسي بطريقتي الغلط

وبعدين اهلي ما كانوا ينبهوني على هذي الشغلة كانت الحياة مستمرة على جذي
من خلصت الثانوية العامة فهمت وحسيت بنفسي اني انفجرت وكان بهالوقت ولد عمي تقدم لخطبتي واهني كنت مجبورة اني اضعف وبدت معاناة الريجيم

..ورجيم شغال مره صاعده ومره نازله والحمدلله اني طويلة فضعفت وبان شكلي زين ومقبول على بدلة العرس

المهم عقب العرس صارت مشاكل ( انا نسيت اقولكم اني انجبرت على ولد عمي يعني بالغصب تزوجت واستسلمت لهالموضوع لاني كنت لاحول لها ولا قوة )
المهم بعد مشااااااااااااكل طووووووووووووووويلة دامت سنتين ونص قدرت اني اخلع نفسي منه بعد زواج دام شهر ونص

ومن هني بديت ارد وارد وارد دبلااااااااااااااااااااااااااااااات وزني كنت اهني نفسي بالانتصار ومادريت اني بجذي اعذب نفسي اكثر واكثر وانا اتوقع هذي ردة فعل غلط مني

جربت كل ادوية التخسيس طبعا من الزنكال والسيبوترم والايزيلاكس وادوية وايد ماتحضرني وكل الى يخطر على بالكم

رحت الامارات عند د. عبدالعال قطيت فلوسي عالفاضي وحملت منه اعشاااااااااب وااااايد بس ماكو فاااايدة مانزلت الا جم كيلو ورديتهم بسرعة

ورحت لبنان حق زين الاتات هم اخذت اعشاب مافادتني بشي وماقدرت اكملهم بصراحة لاعت جبدي من طعم الاعشاب جنهم حنة استغفر الله

ويوم من الايام سمعت عن تسكير الاسنان بالليزر عشان الشخص ماياكل بس يشرب سوائل ورحت طيراااااان لعيادة الاسنان وبنفس اليوم اللي سمعت عنه سكرت اسناني

وبديت بسوائل واستمريت لمدة اسبوعين وتحملت كل شي حتى نفسيتي ومزاجي تغير صرت اعصب واتنرفز بسرعة حتى رفيجاتي بالدوام يقولون لي تونه احنا معاج سنين عمرج ما كنتي بهالنفسية
استغفر الله قلبت انسانه ثانية بهالاسبوعين صج حرمااااااان وتعذيب للنفس وفوق هذا موصيني الدكتور انه لازم اخلي دايما معاي مقص عشان اقص الاسلاك في حاله الغصة او الشرقة عشان لاسمح الله اختنق واموت اذا ماقصيت الاسلاك بسرة ..

وهم ماكو فايدة ولاا كيـــــــــــلو نزلت صج ضاق خلقي وتعبت نفسيتي واذكر بعدها متعت نفسي وسافرت لدبي وهاااات يا اكل محد كان يقولي بس وقفي كانوا يشوفون نفسيتي تعباااانه حيل اصلا اللي يكلمني كنت اهب بويهه وانت شكو <<< هم بطة وملسووونه بسصج صج كانت النفسية زفت ولله الحمد

ومن عقب هالاسلاك وانا من ريجيم لي ريجيم ومريت على اغلب دكاترة الكويت صج انزل معاهم لي 10 او 12 كيلو بشهر ونص او شهرين

بس انا العيب فيني ما عندي ارااااااااادة كلش .. ارادتي حدها شهررررين فقط وعمرها ما استمرت اكثر والله

وقعدت مدة سنتين او سنة ونص وانا هادة شهيتي مفتووووحة عالاخر وما كنت احس بشي صج كنت اتضايق وودي اضعف بس مابيدي شي والله كل شي سويته

اذكر اخر محاولة كانت اني دقيت على عيادة قالولي عن جهاز فيها او ابرة تنحت الجسم او تذيب الدهون وقالولي هذي تنفع بس حق اصحاب الـ80 او 90 كيلو

واهني خلالالالالالاص استسلمت قلت انا لمتى اتعب واقط فلوسي عالفاضي وكله ماكو نتيجة انا شكلي ما راح ينفع معاي شي وراح اعيش طول عمري جذي

اذكر كان عندي صديقات يشجعوووني على عملية الحلقة اللي هي التحزيم انا صج تشجعت اسويها بس امي حلفت علي اني ما اسويها وراح ازعل عليج طول عمري لانها كانت خايفة اموت واخليها بروحها ومن حلف امي نسيت او تناسيت سالفة العمليات

ومرت هالسنتين وانا نفس ما انا كل مالي انتفخ
وبيوم من الايام وانا داخلة منتداي المفضل دشيت منتدى السمنة والنحافة قلت خل اشوف يمكن اكو خلطة يديدة ولا ريجيم حلو .. وبس دخلت لمحت موضوع مثبت اسمه رابطة المتحورات

انا استغربت الاسم بس قلت بدخل اشوف شنو هذا بعد المتحورات

دشيت ولا اشووووف عالم غريب فيه قص ولزق ودبابيس وتلحيم وصبغ هههههههه
المهم قريت عن العملية بس ما فهمتها وكملت اقرا الصفحات كلها لقيت بنات تأيد هالعملية وتمدح بالكتور الفلاني وبنات تذم وتخوف وديري بالج لاتسوين عمليات يعني فيه اختلاف بالاراء

المهم ولا اقرأ مشاركة بإسم عضوة نكها الغنادير من البحرين معانا اهني بالمنتدى جزاها الله الف خير فديتها والله

كاتبة قصتها وانها متحورة وصارلها سنة وماشاءالله عليها نزلت وانها سوتها عند د. سلطان وكانت حاطة موقع الدكتور بمشاركتها

وعلى طول ما صدقت خبر دشيت عليه وربي اول شي سويته سجلت بالمنتدى على طول
وقعدت اقرأ واقرأ واقرأ يمكن قعدت يومين اقرأ كل شي عن التحوير خاصة وما انتبهت للعمليات الثانية والله بدون مبالغة حسيت اني طحت على كنز عظيم

وانبهرت بتجارب الاعضاء واقرأ وانا مو مصدقة وكان اول شي اقراه اهو الوزن قبل وبعد وتاريخ العملية

يااااااااااااااااااااااه تصدقون على طول بأقل من يومين قررت اني اسوي العملية وسبحان الله والله بس قلت لامي عن العملية ما عارضت

وخليت اختي تقرا التجارب وتشوف شنو كانوا وشنو صاروا ولان اختي كانت تأيد امي بالرفض سبحان الله بسرعة وافقوا وقالوا دامها سهلة احنا موافقين بس امي قعدت خايفة ليوم العملية

وبهاليومين حصلتلي فرصة اني اروح الخبر سبحان الله ورحت وقعدت يومين ادق عالعيادة محد يرد او مشغول بس ضاق خلقي كان ودي اقابل د.سلطان بس قلت يمكن خيره

وشبكت ودزيت للدكتور سلطان رسالة خاصة وقلت له كل شي عني واني بالخبر وابي اشوفه
وماصدقت انه رد علي بسرعة وقلت له انا صارلي يومين ادق على العيادة محد يرد او مشغول جان يعطيني رقمه وقالي انا بعد اسبوع رايح للكويت اشوفج هناك

رديت الكويت ودقيت عليه حتى كنت بالدوام يعني كان الوقت الصبح واهو كان شويه مشغول بس ماشاءالله عليه عطاني من وقته وقعد يكلمني

وعرفته بنفسي وقعدت اسإله بخصوص العملية وماشاءالله عليه اسلوبه يجنن ويشجع الواحد ويعطي دافع للحياة وامل جديد

وسبحان الله انا من بعد ما رديت من الخبر قررت اسويها بمستشفى سعد عشان مابي احد يدري بس احترت اختي مدرسة وماتقدر تروح معاي وتقعد 5 ايام ..
يعني بس امي واخوي بيكونون معاي وانا امي حدها خواااااااااااااااااااااااااافة وتحبط حيييييل وبس تبجي

وسبحان الله لقيت حبيبتي العضوة كويتية منزله موضوع تبي احد معاها من الكويت يسوي العملية عشان الدكتور ما يجي على حاله وحدة وقلت لها انا بسويها بالخبر وقعدت تقنعني اهي وحبيبتي صدى الاشواق اني اسويها بالكويت

وقلت حق امي واختي ورفيجاتي الكل قالي سويها بالكويت افضل عالاقل كلنا يمج عشان ما تخافين ونشجعج

والحمدلله اقتنعت اسويها بالكويت وتحدد الموعد بس قبل جم يوم من العملية طلعت نتيجه التحليل وطلع معاي خمول بالغدة الدرقية واشتباه جرثومه بالمعدة

وتأجلت عمليتي واهني عااااد انا بجيت وانهرت صج صج لان خلاص مابقى شي واسوي العملية
وانتظار وحالة تجي سالفة التحاليل وتكسر ظهري بس بعد ما بجيت وبعدين استغفرت ربي وقلت يمكن خيره

وسووها البنات حبايبي ورحت شفتهم والحمدلله كان شكلهم يطمن وهذا يعني ان العملية سهلة
وكلمت د. سلطان قالي عالجي بالاول وبعد العيد باسبوع بجي الكويت اسويها لج بس ابي احد معاج عالاقل لو حاله وحدة عشان ما يتعنى حرام

ونزلت موضوع عن اللي يبي يسوي عملية بعد العيد وسبحان الله صبرت جم يوم صج تضايقت قلت يمكن ماراح اسويها لان مافيه احد بيسويها
بس بأخر ايام رمضان اعتقد جتني بنفسسج تررررررركض تبشرني انه العضوات اريج وشوق بيسوون العملية معاي

واااااااااااو لو تشوفون الفرحة بعيني ما صدقت والله وعلى طول دقيت عالدكتور واقلتله عاللي صار ..

قالي عالترتيبات وكل شي تمام وصار تااااااااااريخ 9/10/2008 هذا التاريخ ماراح انساه طول عمري والله اذكر نمت الساعة 3 بالليل وبعد ازعاج بالمسجات من بنت اخوي
تطلبني اني ما اسويها وانها خايفة علي (على فكرة نسيت اقولكم انه تاريخ 9/10 نفس تاريخ وفاة اختي اللي اكبر مني وهالشي كان مخوف اهلي استغفر الله الا انا ماكنت خايفة سبحان الله قلبي حيل كان متطمن ولله الحمد)

وانا اهديها طول الليل واقولها يابنت خليني انام انا مو خايفة والله وغصب خلتني انام

وقعدت الساعة 6.30 الصبح على صوت اختي : تونه تونه قومي يله عندج عملية انا من سمعت طاري العملية جان افز واقوم وتذكرت انه طافتني صلاة الفجر وقمت صليتها صليت وراها صلاة استخارة والحمدلله الله طمن قلبي زياااادة

ولبست وجذي وقبل لا اطلع من البيت اتفقت مع امي انها ما تروح معاي لانها راح تتعب من الصبح وقلت لها تعالي عالساعة 11 الظهر اكون ان شاءالله خالصة وبصراحة انا مابيها تبجي عندي وبعدين اهون .. بس ماكو فايدة جت المستشفى الساعة 10

وقعدت عندها اهديها واقولها انا والله يمه مو خايفة وودعتها وقعدت تبجي وتصييييح وقلبت البيت عزا استغفر الله وانا اهدي واختي تهدي من صوب

وقلتلها يمة والله لو تقولين الين لاتسوينها والله اكنسل كل شي بس قوليها جان تقولي انا ابيج تضعفين بس خايفة عليج تموتين

بعد قلبي كسرت خاطري تقولي تونه انا من بعدج اموت واضيع من يبقى عندي المهم خليتها واهي تبجي ماقدرت اهديها لان الوقت تأخر

وصلت المستشفى بعد الزحمة 7.30 تقريبا واول ما وصلت خلصت الاجراءات وقلت اي صوب غرفتي جان يعطوني غرفة عادية

انا اهني تضايقت شوية قلت لهم يبا انا حاجزة جونيور مو عادي جان يقولي الموظف انتي ان شاءالله من تخلصين العملية راح تروحين غرفتج اللي حاجزتها

جان اقوله وعد قالي ما اضمن لج بس ان شاءالله قلتله ياسلاااام شلون جذي توهقوني

قالي انتي طلعي بالسلامة وبعدين نشوف اهني طالعته بعيون كلها خوف وقمت اكلم نفسي: انتي ويا هالويه فاضية تجادلينه قومي بالسلامة وبعدين هاوشي على كيفج هههههههههه

المهم دخلت الغرفة ولبست لبس العمليات وقعدت انطر د. سلطان لانه قالي لاتدخلين العمليات الا لما اشوفج

وبهالوقت ولا الباب ينطق ولا اشوف وحدة وطلعت بنفسج حبيبتي جاية تشجعني بعد قلبي وصج جزاها الله كل خير ماقصرت معاي ولا مع اختي قعدت اتهديها
وجتني وراها صديقة عمري تشوفني وقعدنا سوالف وضحك

وكل ما دخلوا علي الممرضات يبون ياخذوني للعمليات اقولهم نطروا مو الحين ابي دكتوري يوصل
وبعد ماوصل الدكتور سلطان كانت الساعة 8.45 تقريبا والمفروض هالوقت اني اكون داخلة غرفة العمليات

واهني الممرضات شربوني مهدي طعمه مر بس اخذته غصبن علي واهني بديت احس اني مخدرة وما احس بشي

وقمت اسولف عالدكتور واخربط عليه واطالع اختي وبنفسج ورفيجتي يضحكون اقولهم شفيكم ليش تضحكون مايردون علي
وما دريت اني مسولفه مع الدكتور الا بعد العملية

كنت اقوله تكفى دكتور لا تعوروني شوي شوي وترى امي تنطرني بالبيت خليتها تبجي هههههههههههههههههه زين ماقصيت عليه قصه حياتي

المهم خذوني للمسلخ على قولة عمووووري ودخلنا واهني الدكتور سلطان الله يحفظه دخل اختي وبنفسج ورفيجتي لجناح العمليات وقالهم تعالوا دخلوا عندي واسطة ماعليكم واهم يضحكون علي وانا مادري شكنت اقول

وكانت اختي بتصورني بتلفونها بس الحمدلله انقذني طاقم العملية وجو خذوني انا عاد اهني قمت اخربط تقول اختي كنت اسمعج تسولفين عن البربيش وصوتج عالي هههههههههه

المهم قبل لانوصل اخر غرفة بالعمليات هذي الغرفة ام الليتات الكبار وقفتهم قلت ابي الحمام ( عزكم الله )
جان يقولون مايصير تنزلين قلتلهم مااااابي ابي انزل بروح الحمام ومسكت معاي ابي الحمام لما قالولي الحين بنحطلج البربيش انا هني استحيت وسكت

ودخلوني الغرفة ام الليتات وسبحان الله ماكنت خايفة واسحبوني الله يعينهم على سرير العمليات واهني الكل قام يشتغل اللي ماسك ايدي اليمين واللي اليسار واللي رجولي

واهني شفت د. سلطان الغالي وقعد يتغشمر معاي بس انا ماكان فيني حيل اسولف بس كنت ابتسم له
جان يوقف على راسي دكتور التخدير وحط الكمام على وجهي جان اشيله قلت له شفيك بقرأ آيه الكرسي
جان يضحك ويحط الكمام علي واسمع احد يقولي شمي
اللي اذكره اني قمت اتشهد واستودعت نفسي الله مادري كملتها ولا لآ بعد ؟؟

وما وعيت الا صوت نااااااس وازعاج يقولون لي قومي قومي تونه خلاص انا ماكان بلساني الا كلمة (الحمدلله حييت , الحمدلله حييت) من حلاة الروح والله

المهم مادري شصار بعدها بس اذكر اني طلعت من العمليات وحطوني بالاسنسير وطلعت منه ولا اسمع اخوي يقول لهم غطوا شعرها حرام عليكم

انا اهني سحبت الشرشف علي وكنت اقولهم وين امي ابي امي
ولما دخلت الغرفة سمعت صوت امي حبيبتي وجت عند راسي وباسته واهي تبجي واهني اذكر اني نمت نوووومة للمغرب

والحمدلله عدت ايام المستشفى على خير وكانت بنفسج تزورني بهالايام وانا رحت حق اختها شوق زرتها يعني قمت اتمشى بالمستشفى

والعملية الحمدلله كانت سهالة بسهالة من دعاء امي وحبايبي والاعضاء ومن الاستخارة قبل كل شي وتوكلي على الله وهذا انا تشوفوني بينكم ولله الحمد صاغ سليم

وكل ما اشوف وزني ينزل ادعي للدكتور سلطاااان الله يحفظه ان شاءالله

وتووووته تووووته خلصصصصت الحدووووته