قصة ولادتي مرفقه بالصور الغرفه

صباح الخير كروشات .. مساء الورد يا عسولات

مثل ما وعدتكم اني اكتب قصة ولادتي .. لمن يطلع ولدي بسلامة …

و الحمد الله طلع بسلامة و أحسن من اول .. الله يحفظه من كل شر ….

ادري اني طولت وياكم لكن يت و يبت لكم الزين … يعني القصة مرفقه بالصور

بسم الله الرحمن الرحيم ..
19-5-2009

كان يا مكان في أيام زمان .. كان عندي موعد عند دكتوري كالمعتاد .. سالني الدكتور عن الحمل و عن البيبي .. قلت له الحمد الله كل شيء تمام .. و سالني عن حركه البيبي قلت له الحمد الله قالي اشكثر بتحسين فيها قلت قبل لا ادخل تحرك وامس لمن اكلت بريد تحرك يعني وايد خفت حركته عن الاشهر السابقة ..

اهني بدى المشهد الاول مرعب .. الدكتور قال المفروض يتحرك اقل شيء 3 الى 4 مرات خصوصا بشهر التاسع .. فحصني ولا مفتوحه 1 سم .. قالي اسوي تخطيط نص ساعه و ارد له .. رحت سويت تخطيط والسستر قالت لي بس تحسين بحركه البيبي اضغط على زر ..الي جنه زر قنابل

و مرت نص ساعه ما في ولا حركه و غيرت وضعيتي ولا اكو فايدة .. خلص التخطيط

رحت للدكتور وشاف التخطيط .. قال ما حسيتس بولا حركة قلت له كلش ولا حركة .. اهني قلب ويه الدكتور و قال علشان مصلحة البيبي لازم اولدج .. اهني طراق ياني عدل .. اتصدقون قبل لا ندش على دكتور اول مرة ريلي يقولي تخيلي يقول الدكتور دخول يالله ولادة .. جنه يدري ..

المهم قالي راح اعيد لج التخطيط لكن هالمرة ساعه و انشوف اذا نفس الشيء راح اولدج ما راح اجازف بالولد .. قلت توكل على الله .. توه يا بنادي السستر ولا يقول او تخلينه باجر .. انا اهني ياني فرج جان اقوله أي خلاص باجر ما صدقت خبر .. بس طلعت منه وانا بسيارة تحرك البيبي ..رحت البحر ومشيت على الرمل يم شليز مكان روعه …

20 -5-2009

صار اليوم الموعود الي كلش ما نمت فيه عدل طبعا اغراضي بسيارة من حفله خالتي يعني قبل اسبوع جاهزين .. و قلت خلي اتسبح بماء حار و اكلم البنات المنتدي يمكن اهدئ اشوي و كلمتهم الين صار موعدي عند الدكتور.. واحنا بالطريج خذيت وياي ككاو وعصير منجا يقلت يمكن يتحرك البيبي و انا اكلها .. ووصلنا العياده ولا على طول على التخطيط .. كليت كاكاو وشربت العصير و تقلبت يمين و شمال ما في فايدة .. رحت عند الدكتور ولا يكون ها جاهزة قلت أي و وكلت امري لله .. قالي روحي المستشفى و انا راح الحقج ..
وانا بالطريج دقيت على امي و اختي علشان يلحقونا على المسشتفى .. و كنت احاتي الغرفة لا تكون محجوزه
اتصلت عليهم وقالولي فاضيه و سالت على اللون طلعت الي ابيها .. الحمد الله قلت هذه بشرى خير الله يسهل ..
رحت طواري و سويت اجراءات و فحصتني دكتورة ما ادري شنو اصلها لكن بحوبه وايدها صغيرة ما حسيت فيها اسمها نجوت ما ادري طلعت .. ولا 1 سم ورحت مكتب الدخول وخلص الاجراءات ريلي ..

11:45 الصبح
واحنا صاعدين الغرفه امي تذكرت الدارسين ما يابته معاها شريته من كافيه الي تحت .. رحت الغرفه ولا ووااوو روعه .. نفس الالوان الي ابيها بالضبط وتمشيت فيها انا اشرب الدارسين و احوس بالغرفة ولا اتي السستر معاه لبس خضري تبع العمليات .. ولبسته و انا اشرب الدارسين واحوس بالغرفة .. و يابو الغدا للمرافقين بوفيه عربانه مقسم 6 انواع وسلطه و حلو .. انا اكلي كان خفيف ريوق خبز وجبن و جلي .. الخ ..
طبعا لازم اجراءات سحب الدم و الضغط ..

.. يتبع ..