|
|
السلام عليكم و رحمة الله و بركاته
اول شي ابيكم تدعونلي ربي يباركلي فبناتي و يحفظهم و يرزقني برهم و يرزقهم الازواج الصالحين و الذريه الصالحه و يخليني اشوفهم حافظات للقرآن كامل عالمات و عاملات به اللهم آمين
قصة ولادتي
اول شي انا ولدت قبل لا اكمل الشهر التاسع ب7 ايام في رويال حياة و كنت من اول الحمل اراجع عند الدكتوره سلوى الرفاعي
بعاشر يوم بالتاسع الدكتوره سوتلي فحص و قالتلي ترا راس البيبي حييييييل نازل و الرحم فاتح سانتي و بس ناقصج طلق
انا استبشرت لان ولادتي الاولى كانت ميسره و السبب الرحم فاتح من اول و الراس نازل و قلت الحمدلله
مر اسبوع و سوتلي الدكتوره فحص مره ثانيه و شافت الرحم فتح زياده و صار تقريبا 3 سانتي و انا فرحت وايد بس توقع اني اولد قبل
المهم اني اداوم كل يوم و ما اخذت ولا مرضيه و كنت مصره اداوم لاخر يوم لين اولد بس اللي صار ان موعد الدكتوره كان الظهر و خفت اتاخر فا قررت اغيب بهاليوم و كان ضايق خلقي لاني بغيب حاسه بتأنيب الضمير
ليلتها رحت 360 مول و تسوقت بجيان و شريت وايد اغراض و اكل و رديت البيت عال9 و نص و رتبت الثلاجة و كلشي حطيته بمكانه و كنت شاريه وايد اكل هههههه جني حاسه اني بولد
المهم نمت …..
قمت الساعه 1 بنص الليل على عواااااااااار في بطني و كان يااااااااااااااااابس و شكله غريب مكعب صاير مو مدور
و رحت الحمام عبالي فيني اسهال بس ماكو شي
رديت ابي انام جان يتكرر العوار بعد 10 دقايق قويييييييي
حسيت انها صارت الصجية…..لازم اقعد زوجي من النوم
قعدته و كان العوار مو طبيعي قوي حيل و يتكرر بسرعه مادري شلون بدلت ثيابي و لبس الجوتي
مامداني البس و اركب السياره الا العوار كل 3 دقايق و شديد
و كنت طول الوقت بس استغفر و استغفر و استغفر
دقيت عالدكتوره قالت روحي المستشفى
و طيران عالمستشفى و الحمدلله ان بنص الليل و الشوارع فاضيه
وصلت المستشفى و لا تفحصني الدكتوره ………. الصدمه اني مفتوحه 8 سانتي !!!!
تقولي دكتورة الطوارئ يمكن انا اولدج لان مافي وقت توصل دكتوره سلوى الرفاعي
و فعلا
علطول نقلوني غرفة الولاده و و حطولي درب قلتلهم مابي مسكنات ابي اكون واعيه وقت الولاده و احس و اشوف كلشي
و علطول بديت اسوي بوش الين ولدت بالسلامه بدون لا مسكنات الم ولا ابرة ظهر و لا كمام و لا بطيخ و كانت ولادتي حلوه حلوه ميسره مع كل الالم اللي حسيت فيه بس كانت حلوه و شفت اثر الدعاء و الاستغفار سبحان الله استجاب دعائي
بدا الطلق الساعه 1 بالليل و ولدت الساعه 2و 40 دقيقه بالليل
يعني ساعه و 40 دقيقه طلق و ولاده و كلشي اللهم لك الحمد
بعد الولاده بعشر دقايق وصلت دكتورتي و خيطتني خياط تجميلي
و كان وزن بنتي كيلوين و 930 نفس وزن بنتي الاولي نتفه حيل و كل هدومها وسيعه عليها لووول يحليلهم
المهم شنو صار بعدها
انا كنت حاجزة جناح الياسمين
بس يوم ولادتي ماكان في كلهم ماخوذين و حتى جناح اللوتس اللي اكبر ماخوذين كلهم
فا خذيت جناح الاوركيد اللي اهو افخم جناج برويال حياة و كان شي خيالي معاه خدمات خاصه في اي بي و خدمة بتلر و جلستين مساج خلال وقت اقامتي بالمستشفى و جلسات سبا مجانيه حق بعدين وجبات الطعام حق شخصين و يابولي كيكه تهنئه لاني والده مرتين برويال حياة و ماخذه لوتس و اوركيد غير العنايه الطبيه الروعه علموني كلشي عن الرضاعه الطبيعيه
و خذيت منهم خدمة الضيافه و الموالح و الاستكانات و القلاصات و ماقصرو معاي
و بس اتمنى تدعونلي بالبركه و ان الله يحرسنا و يحمينا
و قبل لا اطلع من المستشفى مريت الصيديله و قظيت اذون بنتي ياحلو اذونها بالتراجي الله يحفظها
و بعد هالولاده و هالاستقبال قررت ان يكون اخر مره اسوي استقبال ولاده كبير
و اهم شي السلامه بس كنت وايد فرحانه و حبيت كل الناس يشاركوني فرحتي
و سلامتكم
ماشاءالله الله يرزقني بالولادة السهله
بس ابي اسألج كم قعدتي من قالوا لج الرحم مفتوح 3 سم وبعدها ولدتي؟
تتربى بعزكم ان شاءاالله
وربي يسهل علي وعلى كل حامل امين يارب
جم خذت منج دامها ما ولدتج ؟ خذت سعر الولاده ولا بس التجميلي ؟؟
قعدت اقل من اسبوع مفتوحه ٣ سم
في ولادتي الاولى بعد نفس الشي اقل من اسبوع بس بدوم ما احس بطلق
و الدكتوره سلوى خذت 80 دينار
و الطوارئ خذت 200
الحمدلله على السلامة مرة ثانية والله يصلحها ويخليها
ولادتج كانت وايد سريعة ما شاء الله أشوا أنج رحتي المستشفى بسرعة
ومأجورة إن شاء الله آنا مثلج ما خذيت ولا شي وقت الولادة إلا اللهم كمام خفيف حده وخذيته آخر شي وكنت واعية وحسيت بكل شي
الحمدلله على كل حال وعسى الله ياجرنا
ومبروك البنوته ,, الله يحفظها يارب
بس شنو سميتها قاعدين ندور اسامي بنات حق بنت خالتي ؟