&& قصة زواج رفيجتي تعالوااااااا ابي رايكم وبصراحه &&

صباح الخير كويتيات شلونكم حبيباتي

بدش بالموضوع على طول

رفيجتي خطبها واحد أرمل عمره 33 وعنده ولد عمره خمس سنوات وزوجته توفت بالمرض الخبيث ابعده الله عنا وعنكم يآرب المهم خطب رفيجتي بعد وفاة زوجته بشهر !!

ورفيجتي ماشاءالله تينن وماعليها قاصر موظفه وحلوه واخلاق ماشاءالله ووايد ناس يخطبونها ومناصب بس سبحان الله وافقت على هذا اول ماخطبها .. عمرها 27

بنات شرايكم بزوجها على اللي سواه تزوج بعد وفاة زوجته بشهر شرايكم وبصراحه ؟؟

هالله هالله بالردود حبايبي

هو أكيد من هالشي موحلو منه أنه بخطب بعد وفاة زوجته الله يرحمها بشهر،لكن ياجماعه ترى هالنوع من الأمراض الله يكفينه شرها تفقدنا بالمرضى قبل لايتوفون يمكن اهو تعذب معاها وشعور الوحده ذابحه ويبي احد يهتم فولده ، اذا كان خوش ولد الله يتمم هالزواج واذا خذته وصيها تهتم بالطفل وخل تتذكر دايما قول الله تعالى ( وأما اليتيم فلاتقهر) صدق الله العظيم.

اشدعووه عليـــه !!

الله يرحم مرته بس احس غلط يعني شدعوه شهر بس ! شنو قطوه الي ميته ؟؟ عورني قلبي عليها الله يرحمها

وبس بعد ماتدرين شنهي ضروفه يمكن متخسبق بلولد ولا عارف وين يروح فيه ماندري عن ضروف الناس ..

ان شاءلله ماتغرب اليااهل قوليلها تاخذ اجر فيه وماتهاوشه حرام صغير

احمل اخاك المؤمن على سبعين محمل
حبيبتي انا اعرف واحد صار له متزوج تقريبا 20 سنه وعنده 5 اولاد وتوفت زوجته فجأه .. وكانت صدمه للكل وخاصه هو لانهم يحبون بعض حييييل
بعد 3 من وفاتها سمعت انه خطب .. طبعا انا بكيت وقعدت اقول الرجال مالهم امان ومسكينه ما تستاهل ووين الحب والهدره اللي ما تخلص
بس بعدين سمعت اسبابه ..
قال انه بعد وفاه زوجته كل الاهل تجمعوا حوالين اولاده بس لازم مع مرور الوقت كلن بيرجع لوضعه الطبيعي واولادي بعيشون وجع الفقد مره ثانيه ..غير كذا اولادي مراهقين ومحتاجين مراقبه على طول (خاصه انه ولده 15 سنه صاده ابوه يدخن بعد وفاه امه ) فالشخص هذا قرر يتزوج وحده ما شالله عليها الكل يمده فيها والحين مبسوطين الاولاد معاها وهي بعد مبسوطه ..
يمكن يكون خطيب رفيجتج عنده نفس المنطق او شي مشابه له .. ومثل ما قالت الاخت اللي قبلي ان الناس اللي ينصابون بهالمرض ينفقدون قبل وفاتهم .. الله يرحم الجميع

خل تصلي استخارة
هذا يخوف ، مسرع ما نسى زوجته استغفر الله ، الله لا يبلانا
الله يرحمها
اذا لها خلق تربي ولده كيفها خل توافق
بس اهي بدام كانوا يخطبونها ناس زينين و مناصب ليش ما تزوجت ليما الحين و هي بهالعمر؟؟ نصيب !!!

ماشاء الله عليه عفيه قلب
شهر بس !!
انا اقول خل تستخير احسن لها

ياحلو ردج صاجه انا اقولها الولد خليه بعيونج ترى يمكن يصير احسن من الابو

ومشكوره ياقلبي

هذا النصيب انكتب .. وان شاءالله بوصيها على الولد مشكوره ياقلبي

صاجه والله .. امه لما جت تخطب رفيجتي تقول والله ولدي كان يائس من زوجته لانها كانت تعبانه الله يرحمها ويبي يتزوج ومايبي الولد يضيع .. وجزاج الله خير على النصيحه تسلمين

سبحان الله قلتيها نصيب .. وكلنا مسيرين مو مخيرين والحمدلله على كل حال والله يوفقها

مشكوره

استخارت ياقلبي ووافقت.. جزاج الله خير على كلامج

خل توكل على الله وتتزوج مسكين خل يفرح يكفي انه ما تزوج عليها واهيه حيه ومحترمها يكفي اللي شافه والله يوفقهم

خل تستخيييير والله يكتب الي فيه الخير

مو معنى انه تزوج بعد شهر انه مو فاقد زوجته ومو متأثر على وفاتها .. بس هو شاب صغير والله يكفينا واياكم الشر المرض الخبيث رحلته طويلة فمعناها انه كان يعاني معاها طول هالمدة .. ويمكن هالتجربة اللي مر فيها هي اللي خلته انه يعجل بالزواج علشان نفسيته ونفسية ولده

جارتي كانت مطلقة وتزوجت واحد من قرايبنا زوجته توفت بالخبيث وكانت قريبته ويحبها ويموت فيها وقال هالشي للزوجة الجديدة بس كثير من الرجال يشوفوا ان لوضع الطبيعي لهم انهم يكونوا متزوجين

ادعوا لها بالتوفيق ولزوجته الاولى بالرحمة وخلها تحتسب الاجر في تربية هاليتيم