|
|
السلام عليكم….
أول شي أنا صارلي متزوجه 4 سنين والحمدالله عندي بنتين و ولد بس حبيت أقولكم قصتي مع زواجي ..
أهو كان غريب من عايلة أمي بس ما أعرفه ولا يعرفني يدته تصير بنت عم يدي و يدته بعد تصير حمات خالتي (من كل صوب) 
المهم صارت السالفه أنهم يبون يخطبون من صوب عايلة خالتي إلي إهي أخت أمي وقالتلهم عني وحددنا يوم عشان يشوفني واشوفه
وشفته والصراحه ينيييييييت
عليه وحبيته من أول نظره
وهو بعد ين علي طبعا…….وبعدها قالتلي خالتي إلي أم ريلي ألحين….
عقب ما طلع (موافقه )انا ستحيت و أبتسمت وطبعا كان هذا 6_12_2003 وبعدين دقوا علينا وحددو الملجه بسرعه وكانت 18_12_2003 شفتو شلون بسرعه
ورحت انا واختي المسكينه كانت حامل بشهرها الثامن تدور معاي على مجمعات الكويت كلها ولا عاجبني شي لانه بقيت بدله بسيطه حق ملجه وعقب هالتعب يومين جان تدق أمي علينا وحنا تونا رادين من الصالحيه و قالت ان خالتي تبي تسويها في قاعة ساس وانا اشوي وابجي من التعب طبعا هذا كان الصبح والعصر قلت حق اختي خلنا نروح ليلى جلري
ولقيت بدله تهبل سكريه وناعمه موديل فرنسي وما يتغير وخذيتها ب600دينار ومسكتي وايد حلوه مصممها خالد الدريعي ومكياجي في حنان دشتي (بس وايد اذوني )تمنيت اني رايحه صالون ثاني بس الحمدالله مكياجي وتسريحتي وايد حلوين
والحمدالله تمت الملجه وانا في الصالون وستانست وقمت ابجي وبالحفله شوفوا الضحك
طبعا انا مو متعوده على ريلي توني اول مره اقعد يمه في الكوشه ولا نسولف ولاشي بس قاعدين والكل مستغرب من اهلي يحسبون انه مالجين من قبل وهذا العرس ما يدرون ان كل شي صار بسرعه والصراحه حفلتنا كانت احلى حفله في حمانيكلهم على قولت خالتي اسرع حفله واحلى حفله
وكنت احاتي لحظت زفتنا وصار هالشي والحمدالله ارتحتله واااااااااايد بس كنت وايد مستحيه
والله يتمم على كل وخده تبي تزوج
عاد انا اخاف من الزواجات الي بسررررعه لوووووووووول
ويتمم عليـج السعاااده ان شااء الله .
وماشالله كل شي تم بسرعه وخير البر عاجله
موفقه
وادعى لى اتزوج هالسنه