قصة حملي خارج الرحم،،الله يجنبكم هذا الحمل

السلام عليكم ورحمة الله
حبيت اذكر لكم قصتي ابيكم تستفيد وكل وحده تحمل تسوي سونار وتتأكد
ان حملها سليم
في البدايه تأخرت علي الدوره وفرحت وبعدها بأسبوع رحت حللت والنتيجه
حامل
بس قبل التحليل بيومين وانا تنزل علي افرازات مره بني مره اسود مره دم
قلت عادي ولااهتميت اختي قالت لي روحي سوي سونار شوفي شنو هذا اللي
ينزل طنشت ولاسمعت الكلام ،،،،لاتطيحون بغلطتي وكل حامل تهتم بالسونار ببداية حملها
بعدها بأسبوع ويجيني مغص قوي صوب المبيض ولوعه وبنفس الوقت يجيني اسهال وبعده
امساك
قلت اكيد مغص الحمال وتحمل العوار
من باجر مغص اقوى من امس واحس بطني متفوخه كأني بالشهر الخامس ومعاي امساك
والله مادري شلون تحملت العوار
وماقدرت انام وجنبي كان وارم ولااقدر انسدح
الصبح رحت للدكتوره سكينه سوت لي سونار قالت رحمج قاضي مافيه حمل ،،هني الصدمة
وتسوي لي سونار داخلي ويطلع كيس الحمل بقناة فالوب ومسبب لي نزيف داخلي ،،الحمدلله
على كل حال
قالت لي روحي بسرعه المستشفى لازم الحين تدخلين العمليات
وفعلا رحت وسويت العمليه وأسأل الله ان يعوضني خير مما فقدت
كتبت قصتي للإفاده ولاتنسوني من دعواتكم

حمدالله على سلامتج وعسى ربي يعوضج خير يارب

امين
الله يجزاك خير عالدعوه الطيبه

الله يعوضج يارب عاجل غير اجل

الحمدالله على السلامه

واجر وعافيه ان شاءالله
وربي يعووووضك

معوووضه خير حبيبتي

لاَ يُكَلِّفُ اللّهُ نَفْسًا إِلاَّ وُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا رَبَّنَا وَلاَ تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَآ أَنتَ مَوْلاَنَا فَانصُرْنَا عَلَى الْقَوْمِ الْكَافِرِينَ

الحمدلله على سلامتج اجر وعافية
و الله جنج تقولين سالفتي
انا أضم صوتي لصوتج … سوو سونار أول
ماتحملون لاتغلطون غلطتي
آنا وصلت المستشفى بوقت حرج الله ستر على الدكتور قالي
حمدي ربج كان راح ينفجر
الحمدلله على كل حال .. الله عوضني الحين بالحمل و الله يسهل الولادة
و يرزقج اختي ( الأميرة ) الحمل السليم بالطفل السليم

حمد الله على سلامتك
وربنا يعوض عليكي بالحمل القريب

حمدالله على سلامتج والله يعوضج خير

مشكورة على طرح تجربتج

مشكورين عالدعوه الطيبه
وشكرا لمروركم

الحمدلله على السلامه
والله يعوضج بالحمل السليم الثابت
سبحان الله. عليج اختي بالرضى. والاستغفار.
وجزاج الله خيير على النصايح
وان شاء الله نسمع بحملج قريب.

حمدالله على سلامتج والله يعوضج خير

مشكورة على طرح تجربتج

عليكم السلام الف سلامه عليج وطلعتي من الشر والله يعوضك الخير

مشكورين يابنات
الله يعطيكم العافيه