|
|
الكل يعرف ان الحب موجود بس بالقلوب الطيبه وهذى قصة حب مكتوب له النهايه التعيسه …… شافته وحبته بكل مافيها حست ان هالانسان راح يعوضها الحرمان والالم اللى شافته بحياتها وتزوجته بدون علم اهله وقالها بشرط لا يهال ولا اشهار ولا اى شي وقالت موافقه صارت له خدامه تحت ريوله هجرها واهملها وخلاها تعانى الوحده ساعدته بديونه حاولت تكون له الام ماتنام الا لما ينام تسبحه توكله وتكون بس تحت امره ومع ان الشرط اللى ذابح قلبها ان لازم يتزوج من اهله واهى بس تبى الستر ماتبى ترجع لذل الاهل ولا شماتة الناس فيها وكل شوى يذكرها ان اهله خاطبين له وتقول له راضيه اتزوج على بس اكون ع ذمتك ……. بليز شاركونى الحل لانها انسانه تعز على وايد
ريلها دام خذاها بالسر من ورى اهله مرده بيصفطها وبيهدها هي رضت بهالشي وارخصت برووحها والغلطه غلطتها من الاول
يعني حبها له نوعه السموحه يعني نوعه يذل وهالشي مايسمونه حب يسمونه استغلال الحب
رخصت بروحها وهو الله يسامحه رضى يرخص فيها لو يحبها صج جان والله مااااا فكر لثانيه ياخذ عليها او حتى مايرتبط وياها بطفل بالعكس قمه حب الرجل للمرأه انه يتوج حبه لها بطفل يربطهم هذا طبعا ان كان حب صادق
شروطه لها كانت بمنتهى الانانيه لا اشهار ولا اطفال ولاه فووقها شريجه ايه ليش شالله حادها بتقولين لي تحبه
خل تشبع من الحب الحين الحب معناااه سامي وراقي موو مذله واستغلاال
وعذراا عزيزتي هذي نتيجه معصيه الاهل والوالدين خصووصا ورب العالمين اولا واخيرا نتيجه الزواج المسبوق بعلاقه عاطفيه
فكل مابني على باطل فهو باطل <<قاعده شرعيه لا منااص منها
بس شنو تسوي وشنو نشور عليج فيها انا مالي سلطه اقولها تطلقي او هدييه هي خل تشوف مستقبها وينه وخل تكون قويه شويه وتدوس على قلبها وتقوله ياولد الناس تعترف لاهلك وتقول لهم عني لاني بذمتك
يا ترد لاهلها وتحاول تصلح من نفسها لاجل مستقبلها بالعربي تبني نفسها بنفسها
الله يعيننها باذن الله ويعوضها خير
وكل بنيه بطريقتها تقدر تكسب الريال وتخليه على طوول صوبها
بعدين اهيه من البدايه رضت ان يتزوج وان ماتييب منه عيال ليش اهيه زعلانه ؟؟
واذا قدرت تخليه يحبها ويموت عليها ماراح يفكر يقول كلمه يكدرها فيها …. والله يعينها ويصبرها