قريت الرقيه الشرعيه وحلمت هالحلم له علاقه توقعون

شلونكم

توني قعدت من النوم

>>>>> عاد خل تجمع الحجي خخخخخخخخ

واول ماقعدت قلت ماكو غير كويتيات

>>>>>>>> والله ماصارت كل سالفه سألتي

اقولكم من الاول

قبل فتره خذيت الرقيه الشرعيه من الاخت لولي كيو ايت جزاها الله خير قالت انه عن العين والحسد وللزواج
وانا كنت ابيه لوحده واهيا نصحتني اقريها هم تفيدج

قلت يلا مو خسارنه شي خل اقراها لانه واييد يقولون لي انتي عين ناظلتج ومن هالحجي

امس صليت الفجر وقريتها وطول ما انا اقراها اتثاووب بشكل والله عيوني تعورني بالبدايه كنت واييد اتثاوب بس خف

المهم قبل لا اقعد تخيلو شحلمت

حلمت اني بمحل ملابس داخليه نسائيه وكأني اشووف قمصان بيض وادورهم ولا انزل الدور الى تحت قلت خل اشووف بعد قمصان قصار

وانا امشي ولا بالحلم مثل صندوق صغيير بايدي فتحته بمفتاح ولا كأنه جني يطلع من الصندوق ويلحقني
المهم حلمت بعدها اني بالسياره مع اخوي واقوله شغل القران بدل الاغاني خل هالجني يروح مني لاحقني وين ماروح

توقعون له علاقه بالرقيه الشرعيه يعني مثل الاستخاره يقولج تحلمين باللى يصير

وغير جذي انا قبل سنه تقريبا وانا نايمه كان ييني جاثوم بعدها صار كأنه احد يتحرش فيني بس ماكوو احد بس اللى تحسين احد يلمس جسمج وقلت لرفيجات امي قالوو هذا جن ديري بالج واقري قران وقتها قمت اقره البقره واشغل القران وانا نايمه وراح لاني تأذيت كرهت النوم من السالفه

>>>>>>> تعبت وانا اكتب بس ابي اعرف له علاقه وشكثر اقره الرقيه وانا امس بديت فيها بعد صلاه الفجر