قروب المرضعات تعالو

هلاا حبيبتي انا ارضع ولدي الحين صار لي سنتين
ماشالله ووزنه عادي ياكل ويت فتره عودته حليب صناعي بس ما تأقلم معاي والحين بس لما ينام
اعطيه صدري

انا تقريبا 90% طبيعي
بس لمن اطلع مكان ما اقدر ارضعها
او اكون مخليتها بالبيت ارضعها صناعي

بصراحه انا ما ابيها تمتن متن
ابي تكون طبيعيه
اخاف تمتن بعد ما تضعف
ههههه

انا ماعطيها صناعي الا في فترة حاشتني فطريات وتعبت عطيتها صناعي بس لي بغيت اطلع اعطيها تمر أو أعشاب لين أرد ..
وشكلي لي داومت بعطيها صناعي ..

والله انا ارضع بنتي طبيعي 100% واللحين الله يحفظها عمرها سنه وشهر وضعيفونه بس ماشاءالله نشاطها وحركتها طبيعي والدكتورة تقول صحتها زينه وصراحه من يبتها وانا احول اعطيها صناعي ودي اتصير تبتوبه بس ما تقبلت ولا نوع يننتني لين انا استسلمت والحمدالله اللحين ترضع من 3 الى 2 باليوم وعسى الله ياجرنا

الحمدلله كلكم نفسي

انا بس بره البيت او اذا كنت مخليتها و طالعه اخليهم يعطونها صناعي

انا صناعي لانيي ياست منه مايبي يشرب من صدري احاول احطه على صدريي شوي بعدين يبجي شنو الحل انا ودي اعطي طبيعي

انا ولله الحمد ارضع بنيتي طبيعي 100% وماعطيها صناعي كلش وان شاء الله ما اعتازه

انا طبيعي 100% والحمدلله والحين توني بديت اوكلها اشوة ارتحت شوي لان كان ودي ادخل صناعي بس للأزمات بس اسم الله عليها موراضيه ما بقى نوع ما جربته ماتبيهم اهي قبل حتى المميه نفسها ماتبيها حتى لو ماي ولا شاي اعشاب وتوها قبل شهر قامت ترضى بالممية بس فيها حليبي اللي اشفطه بس المشكله مو كل مرة فيه حليب كافي للشفط والله مشكلة وباقيلها جم يوم وتصير 6 شهور مادري شسوي لي داومت تهقون تصبر على جم لقمه على مارد ؟؟؟ ياربي اصلا انا خذيت شهر زياده من رصيدي اجازة علشان احاول فيها والله كريم .. بس ان شاء الله يارب برضعها ليما تكمل سنتين والله يقدرني

لاتعطينه صناعي كلش ولاحتى رضعه بالاسبوع تخبص بطنه والطبيعي وايد احسن تلاقينه يمشي بسرعه ويكون نشيط صج مايمتن بس احسن

الطبيعي وبسسسسسسسسس ,رفرف والموظفات اذا البيبي اقل من ست شهور طلبو ساعة رضاعه انا سويت جذي والحمد لله وزن ولدي طبيعي لا هو متين ولا مسحوت , يا امهات لا تهدون الرضاعه

ننوسة مايعطونا ساعة رضاعة انا مدرسة …

نصيحة للكل ماكو مثل الرضاعة الطبيعية 100% حق الأم والياهل … نفسيا وصحيا ومن كل ناحية … حاولي تحلين أي مشكلة تواجهج مع الرضاعة الطبيعية ولا تفكرين بالصناعي أبدااااااااا … وأي إستفسار أنا حاضره …

انا عن نفسي حااااولت ويأست وكانت امنيتي اقدر ارضع طبيعي بس ماقدرت معااه ابدااا مايرضى

رضعته بس شهرين وبسس حدي متحسفه

بناات انا مابقى شي اداوم وعمرها 3 شهور تقريبا.. ودب اكمل طبيعي بس الصرااحة ماني قادرة اطلع مع الرضاعه ..وانا من النوع اللي مايطلع حليبي بالشفط الا اذا صارلي 7 ساعات مو شاربه من صدري .. يالله هني يطلع حليب بالشفط..
ولاحظت اني اذا تعبانه ودايخه يادوووب يصير فيني حليب؟ مادري هالشي طبيعي؟؟ فيدوني واكوون شاكرتلكم