|
|
السلام عليكم
شلوووونكم
من فتره فبالي انزل قرقيعان بنتي وفضيت اليوم
وحبيت انكم اشوفونه وابي رايكم والي يعجبها تقدر اطبق مثله وعليها بالف عافيه
وبكتب لكم كل شغله والاسعار التقريبه له ومن وين
الموضوع للاستفاده لانه الفتره اليايه الكل بيجهز للقرقيعان
هذا قرقيعان بنتي الاول لسنه 2024
ويارب يخليها لي
اول شي نبلش بالنفنوف
النفنوف من تصميمي ولمسات اختي الكبيره وتنفيذ مشغلنا
الحين القرقيعان
ابلش بالصغار حق كل واحد علبه
العلب اخذتهم من سرداب الشايع في محل كله ايبيع جياس وشغل الصين لقيت عنده هل علب
وكان سعرهم الدرزن دينار ونص
حطيت الحلاو داخله وشريت ككاو ام علي من الجمعيه وثبت فوقه حبتين وطلع شكلهم وايد حلووو
والحين دور صديقات الدوام والناس لبعاد شوي عطيتهم مثل فازه زجاج طويله
اخذتها من الزهور الشرقيه بحولي على مااذكر ب1.750 بدينار وسبعميه وخمسين فلس
والحين قرقيعان اهلي
كان مثل كوب كبيرررررررررررررررررر
الكوب من رامز اخذته وسعره كان 3.900 ثلاثه وتسعميه
بصراحه وايد حلووو كان ولقيت مثله بالضبط بمجمع بيروت السرداب تحت ب7.900
والشرايط من الزهور الشرقيه وتقريبا احتجت 4الى 5 لفات شكلت الالوان مع ورد جوخ حطيت
وهلال بلاستك
وتقريبا اخذت 40 كوب
هذا كان قرقيعان نور بنتي السنه الي فاتت والكل عجبه والحمد الله
وكنت حاطه جمعيه عشان قرقيعان بنتي الله يحفظها وكلفتني تقريبا بي200 الى 300دينار
وهل سنه بعد بسويلها واحسن منه بعد
وانطر رايكم
اتعدينها هالسنه ان شاء الله
الله يخليها لج يارب
اللــــــــه يخليـهـــــــا لـج يـارب
الله يهنيج فيهاا يارب
|
المشاركة الأصلية كتبت بواسطة tho tho
 ماشاء الله شغل حلوووو
اتعدينها هالسنه ان شاء الله |
عيونج الحلوه حبيبتي
ان شاء الله يارب
شغل متعوب عليه
عليكم بالف عافيه والله يعوده عليكم هالسنه بصحه وعافيه وتسوين الي احلى
انا انشالله هالسنه اول قرقيعان حق ولدي وحدي حااااااايسه ابي ارسيلي على فكره
ابالي وايد اشياء بس ماتضحت الصوره للحين هههههه
الله يخليها لج ويحفظها
بس ليش المبالغة أختي
لاتزعلين مني
كل ماهان تبارك
انه شريت من السوق الصيني اللي بدبي بس انتي عطيتيني افكار
يعطيج العافيه
يارب يحفظ لج بنيتج
والله يزيييدج كل سنه يارب وتفرحين فيها حبيبتي
الله يخليها لج يارب
الله يحفظها لج وتزهبينها لعرسها
ماشالله كل شي حلوووووووو