بسم الله الرحمن الرحيم
مــــــــــــــــــــــرحـــــــــــــــــــــــــ ــــــــــــــــــــــــــــبا
يامراحب شلونكم انشالله بخير ياربي ادوم علينا العافيه والصحه والرضى وحسن الخاتمه يارب امين
بنوتات انا عندي بنوته تهبل مثل العسل الله يخليها لي والله اني اشوفها احلى البنات والله لو تقولون الشاذي بعين امه غزال ماهمني انا بنتي بعيوني تسوى الدنيا ياربي تحفظها لي وتخليها وتصلحها وتسترها امانه قولو امين
ابي اميزها انشالله بالقرقيعان 2024 ابيها ستايلها يكون غير مثل امهــا<<<<<<حلوه الثقه ترى
مابي احتر قصدي تحتر بنتي من بنيات عمها بنات بنتي صغيرووونه عمرها 8 شهور
اذاعندكم افكار غريبه ابيكهم تختارون لي منهم لاني محتاره
بدونكم واللي ترد ترشح لي فكره ابي شوركم يالذويقات بنات منتداي الغالي
1. اني ابي اسوي لعيالي انشالله قرقيعان يعني للكبار مو لليهال لا ابيه يكون غير قرقيعان ابي شكلها مميز وراهي وكبير يلفت النظر زيدوا علي واللي عندها فكره تظيفها فديتكم كويتيات
اقصد الاغراض شلون فكره تقديمه مابي فازه لا ابي شي تراثي قديم قديم مو ستايل فازه اكبر من القرقيعان ماحبه هذا فكرت بالرحى وفكرت ودوه انتو شرايكم واللي عندها فكره البطاقه اللي عليه واللي تعرف احد يطبع على القماش امانه يعلمني عنه
لاني ابي البطاقه القرقيعان بقماش مطبوعه
وشكرا
انا كنت مسويه قرقيعان حق ولدي بصواني فضه من المباركيه بالسرداب ورحت حق ملوت الجام بحولي طبعلي اسمه والسنه والتاريخ العربي ولصقه على الصواني طلع وايد حلو علشان الصينيه تكون ذكرى بالاسم وحطيت في من داخل حلوه ورهش الاصغار من الصيداوي وزلابيا وقمر دين وسمسميه وقريبه ولفيته وعلقت عليها شرايط ونزلت منها الفوانيس وشقلات القرقعان من بياع الورد طلع حلو ومرتب لليوم لي رحت حق احد اشوفه مرتز وعليه المبخر والمرش انشالله يعجبج
حبيبتي أنا أول وحدة أردة عليج .. واللة انا يعجبني شغل جوكودور ألي بابلازا وايد راقي وأذا تبين تراثي عندج سوق الأيرانين فيةصناديق حلوة أكبيرة أتعبينة حلاو وتلفينة بتور وديكور من برة بكون وايد حلو . وأذا تبين بعد عندج المعارض ألي بتنزل في قرطبة والعديلية والخالدية في بنات ينزلون شي حلو واللة انا نفسج انا حايسة علي بنتي كبر بنتج وحايسة أبي شي أكبير وبارز وبيض الوية بعد تدرين جدام الحمولة
منشاللة أذا في شي حلو راح ابلغج حبيتي أدري قاعدة اتحوسين نفسي ……..
sarina وين صاير جوكودور ببلازا حولي؟؟
مشكوورين على الافكار
أنا كنت امسويه حق بنتي . صندوق مبيت كبير حاطه بداخله :
1- قطعة خام
2- ديرم
3- مشط قديم
4- كحل قديم
5- ملفع قديم
6- جيس في حلاو قديم
طبعا الكل انبهر فيه والصراحة ما ينقط الكل يحتفظ فيه
محامية الغد . جوكودور بلازا السالمية عند الأشارة مالت السالمية بس بصراحة روعة شغلهم حتي بولادتي أنا خذيت منهم علبة بس فخمة نص نقيتة فية مصحف من برا سيراميك ومدخلين المصحف من داخل و معاة كاكاو وبيض الصعو مربوط مع بعض وبنص حاطين ورة صغير . والنص الثاني منضرة . وكانت العلبة ملفوف بتور طبعن نص العلبة ملفوفة ( فنتك يديد) ومزيننه بسولف البيبي حاطة قطعة سيراميك كاتبة أسم البيبي والعايلة ومن ورا قطعة كرستالة طايحة علي ظهر العلبة . بس كانت روعة . واذا تبين اي أستفسار أنا حاضر ……
ماشاءالله افكاركم حلوه
اذا تبون حياكم انا عندي الافكار اللي تبونها اسوي قرقيعان كبار …والله العظيم انا من اكثر من 10 سنين وانا هذا شغلي قبل لاتبديالمعارص وهالسوالف… ,,,وكل من خذا مني ماينساني وماينسى شغلي والله مومدحا في روحي بس الحق حق والواحد يقول الحق…لاني انا اساساً مهندسة ومصممة يعني موشغل بياع الورد ولوية ..لا بصراحة غير….واللي تبي تراسلني ع الخاص ….
مشتطه ياعمري ممكن صور من شغلج لاني تعبت ادور اغلبهم شغلهم مكرر
متابعه
مرحبا اشلونكم معاكم flower. nani انا اول مره اشارك معاكم
وأنا بعد وياكم
بليز مشتطة وبس وفلور ورونا شغلكم
اي والله بليييييييز نبي نشوف شغلكم
مشكورييين
حبيباتي انا اعرف وحدة تسوي بالدكوباج صور عيالكم بس شغل فنتك وحلو ومميز راح تشارك بمعرض بواسم بتاريخ
27/8 الى 31/8 بالرميثية ق 6 ش حراء جادة 65 م 205
وبعد في ملابس مميزة للقرقيعان شيء من البحرين وشيء من الكويت وعمان شيء مميز وما كو منه بالكويت
للاستفسار : 7573356