قررت احول من الاداب حق الحقوق ممكن بنات الحقوق يفيدوني بليز

السلام عليكم بنات شلونكم؟؟

طبعا انا حايسه حووس بالجامعه وموعارفه شنو اتخصص ووين اروح..

بالبدايه كنت بحول علوم اداريه وخذيت هالكورس تمهيدي رياضيات مال العلوم بس من درجاتي مالي امل اييب نسبه فيه واحول..

قلت بقعد بمكاني واشوف لي تخصص مناسب ماحسيت ان في تخصص يناسبني..

استخرت وقررت اني احول حقوق..

طبعا انا ادري ان ماراح ينحسب لي شي وراح ارجع من اول ويديد بس انا ماعندي مشكله اني اتاخر لان انا اساسا متأخره..

ممكن بنات الحقوق يساعدوني ويقولولي شنو المواد اللي اخذها ؟؟ والكورس الياي اوقف قيدي عشان ماينزل معدلي والا اخذ مواد؟؟ شنو شروط التحويل؟؟

انا سنه ثانيه وخلصت 15 وحده بس وهالكورس ماخذه 3 مواد يعني اجمالي وحداتي مع هالكورس 24 وحده..

معدلي 2.73 واتوقع هالكورس قريداتي زينه ..

المواد اللي خذيتهم:

تمهيدي انجليزي , مهارات اتصال لغويه , جماليات الادب العربي, مدخل علم نفس , ثقافه اسلاميه, انجليزي 141 وهالكورس 142 , جغرافيا انسان وبيئه , اسس نظريه لتربيه رياضيه.

اتمنى انكم تفيدوني

هلç يèيèêي ….çَêîيٌي çكëٌ وçكëٌ…çنç َنه çولى ي‏و‏ و يمكن مçْنïي îèٌه وçيï ..èَ çْê‏ï لçٍم êçîًين موçï ي‏و‏ مëل ْلم çىٌçم çو ي‏و‏ çنَçن موçï لûيٌ çلي‏و‏ين وçهي êèèي 2.67 وكل مç كçن çكëٌ çيَن وôو‎ي ôٌوّ çلêيويل èين çلكليçê èَçيê çلىçمْه ومو‎‏ه

؟؟؟؟؟

شلون طبيعه دراسه الحقوق وااايد صعبه؟؟

أهلين مريومه شلونج يا قلبي لج وحشه
واي قطعتي قلبي للحين ما استقريتي على شي عن جد ضاق خلقي عليج
شوفي الحقوق ترا يبيلها مجابل و خوفج تتأخرين وايد و اذا بخاطرج حقوق ترا نزلو مساتد حقوق تصدقين سألي عنه
و عالمواد عذريني ما اقدر افيدج وايد بس اللي عرفه انه اهما ياخذون عربي و انجيليزي فان شاء الله يعادلونهم لج و تقدرين تاخذين حقوق انسان او ثقافه قانونيه عشان التحويل و جيكي عالرابط لقيتلج موقع الحقوق
https://law.hardtask.com/
و عسى الله يوفقج و يسهل عليج يارب

واااااااااااااي بعد قلبي انتي محد حاس فيني كثرج

من صجج في مساند حقوق؟؟

ياليت البنات يفيدوني اكثر وينكم يابنات الحقوق

اي و الله مريومه سامعه انه توهم فاتحينه و ترا بنات الحقوق عندهم تجمع سأليهم و ان شاء الله مايقصرون معاج و اذا تقدرين روحي عماده شويخ و سأليهم بعد و تأكدي و المساند كلها 8 مواد فان شاء الله ما يكون ثقيل عليج بس شوفي اذا حولتي اداريه او اجتماعيه موادج ان شاء الله ما تضيع عليج اما اذا حولتي حقوق خوفج تتوهقين و يضيعون عليج
عالعموم عسى الله يوفقج و يسهل عليج الله يعلم شكثر اعزج و الله انتي بحسبة اختي و اكثر

خارج نطاق التغطيه << مجله ابواب ناصحين مرتادين كليه الآداب بلبس النظارات المعتمه تماما لأن الرابطه صبغت اللوكرات أحمر فسفوري عشان اللي مايدري بفوزهم ينعمي من اللون و ننصحكم ايضا بحجز مسبق لدكاتره العيون
انتهى الاقتباس
عاشت رابطتنا الانجازيه

بعد قلبي والله حتى انا اعزج وااايد

اهم شي اللوكرات اي والله صاجه اشدعوه عليكم p;

حياااتي انا 3 سنه حقوق شنوو تبين تعرفين عن الكليه ساااليني ومالج الا طيبت الخاااطر شلي تبين تعرفينه عنهااااا …؟

ابي اسال عن التحويل وشنو المواد اللي اخذها؟؟

التحويل حبيبتي انج ماتجاوزين 30 وحده على ما اعتقد واخذي هالكورس ماده عندنااا وان كان معاملت الطلبه غير الحقوقين تختلف عن الحقوقين واذ تبيني اتاكدلج من التوجيه والارشاد عن شرووط التحوويل انا حاضر بالخدمه نعين ونعاون

بعد قلبي والله ماقصرتي اذا سالتي

افا عليج اسالج يووم الاحد واردلج خبر بس حطي بالج ان كل موادج مررراح تنحسب ماعدا الانجلش او اذ ماخذه فرنسي ومهارات اما بااجي المواد مراح يحسبونهاااا لج
وجربي هالكورس اخذي ماده عندناا وشوفي نفسج يعجبج الوضع عندناا والدكاتره والمواد ولااا

وموفقه يارب

ادري ماراح تنحسب لي مو مشكله شسوي بعد..