قرار الوزيرة صج ولا إشاعة

السلام عليكم عفية إللي تقدر تفيدني بهالموضوع صج في قرار من الوزيرة بخصوص غياب الطلبة بالإبتدائي إذا تجاوز ال15 يوم يعيد الطالب السنة بالكامل آنا ولدي غايب يومين بدون عذر قبل العيد و3 بعذر طبي ينحسب ضمن المدة ولا أساسا القرار إشاعة واللي يعافيكم ردوا على سؤالي المحير ومشكورين .

لا القرار مو اشاعة وانا مدرسه وقريتها عدل بس الموضوع راد للمديره اذا اطبق او لاء بعضهم يمشي وبعض يطبق وانتي وحظج

اي انا سمعت بعد الله يستر خايفه والله بس ليش يعيد السنه والله حرام وفي قرارات بعد غيرها بس موعارفتها

والله مدرستنا عطتنا اوراق بخصوص القرار اليديد ومافهمت منه شي!!!!!!!!!!!!!!

اي عدل القرار ..

بس الوثيقة طويلة ماقدر الخصها لج ..
احاول باجر لي رحت الدوام انقلها لكم ..

اي صح مو بس كلام ومثل ما قالتلج الاخت انتي وحظج على حسب الادارة

اى صحيح

امبيه صج انا سامعة لغاية 3 ابتدائي ما يعيد السنة يعنى ما فيه نجاح و سقوط

قرار غريب يعني يقيمون الطلبه عالحظور مو المستوى

اي حبيبتي مدارس ج.السره امطبقينه
الله يستر على عيالنا

اتوقع هالقرار اذا كان غيابه بدون عذر طبي

هذا القرار اذا بدون عذر طبي وبعدين ياعمري ما يعيد السنه يصير للمدرسه الحق في نقله الى مدرسه ثانيه وهذا حجي المديره في اللقاء التنويري مال مدرسة ولدي

ليش تغيبون عيالكم؟؟؟؟؟؟؟؟؟
يبه اذا غاب اخذي طبيه مو خسرانه شي ……لان في اليوم الي يغيب فيه ياخذ مهارات وراح اطوفه الدرجه (بما ان المرحله الابتدائية انجازي للصف الثالث)
واذا غاب بدون عذر في مهاره ياخذ صفر ويأثر على باجي المهارات

القرار العجيب انه اذا غاب 15 يوم بدون عذر مقبول ينتقل تلقائيا الى مدرسه ثانيه هذا بالنسبة للكويتي
اما غير الكويتي فيشطب من المدرسه
اتمنى كل اولياء الامور يفهمون هالشغله ويحرصون على اخذ طبيات لعيالهم
ودمتم سالمين

القرار صحيح و قعنا عليه كأولياء أمور في المدرسة

انا بنتي توها اولى روضه وما لحقت حق القرارات اليديده بس احس انها مالها داعي
اقول يازين ايام قبل لا قرارات ولا بطيخ