|
|
قوة بنات شلونكم
عندي يوم السبت مقابلة في مكان انا ودي اتوظف فيه؟
شنو تنصحوني ؟ شلون اتصرف ؟ 
و يعطيكم العافية
هذي ترى مقابلة الحكومة لا تخافين
خاص , ترى ما ادري شلون مقابلتهم
الله يوفقش
خذيها نصيحة , عشر سنين موظفة احترمتهم قاموا وداسوا على راسي ولما تمردت كل اموري مشت
واحب اضيف عليها انج لازم تكونين موجودة بالموعد بالضبط يعني حاولي توصلين
قبل ربع ساعه المبنى
ولازم تكونين واثقة من نفسج واجاباتج تكون مقنعه ومو فيها آآآآآآآ
ولا تبينين انج مرتبكة من خلال حركات تبين ارتباكج مثلا تهزين ريلج او تعضيين شفاتج او غيرها
اي سؤال ما عرفتي تجاوبينه حاولي تجاوبين عليه بدبلوماسيه ذا ما عرفتي
كلش ملش قولي لهم ما اعرف الاجابه
ولان اهما هدفهم يتعرفون على شخصيتج فساعات
يسالون اسئلة يدرون انج ما تعرفين جوابها بس بيشوفون ردة وفعلج
وبالتوفيق حبوبة
ولا تنسين تبشريننا بقبولج
الي سوا معاي مقابله قالي ترى احنا نبي الشخص الاجتماعي
واعتقد البنات ماقصرو وفو وكفو
اتصدقين انا دارسه ماده جذي اشلون اتسوين مقابله شخصيه
بس موذاكره عدل اشلون
لازم اللبس الي تلبسينه مووووو واااايد مبهرج وملفت للنظر لبسي شي بسيط وحلو
والميك اب لا يكوووووووووون اووووفر خليه مايل حق الطبيعي اكثر
كوني موجوده بالوقت المحدد
واثقه من نفسج
اي سوال يسألج جاوبي ابكل ثقه
اي شي يقولج وافقيه الراي
اعرف وحده قدمت حق بنك قالولها ترى بنوديج الفرع الي بالجهراء .. قالت وااي شوديني الجهره ارفضوها
وبس ما اذكر بعد
اي بعد خلي اجاباتج سريعه مو اتقولين امممممم ولا جنه ولا اعتقد
خلي اجاباتج اتقولينها واتقي واثقه منها
وخلي عندج قوه بديهه
والله يوفقج يارب :d
ليش بتشتغلين بهالمكان بالذات ؟
تحبين الشغل الجماعي ولا بروحج؟
شنو اخر كتاب قريتيه؟
شنو نقطة ضعفج؟
شنو طموحج؟
هذا اللي كله يسالونني عنه ):
تعالي قبل الوقت بشوي ونصيحه لاتتشرطين الا لما تضمنين الوظيفه
بالتوفيق انشالله
هل تتوقعون يسألوني في مواد التخصص بتفاصيل ؟
صارلي 7 شهور من تخرجت تنسيت تفاصيل مواد التخصص؟
و ادعولي بالتوفيق
والله يسهل اموورج
الله يوفقنا اجمعين
و حبيت اشكر كل البنات اللي ردوا كفيتوا وفيتوا