|
|
مساااااء الخير بنات شلونكم شخباركم اشتقتلكم حيل صار لي فترة
مادخلت وحتي اذا دخلت شوي واطلع المهم بقولكم سالفه صاراتلي بالعيد وحيرتني وحطت شغله في بالي ماكنت افكر فيه تعرفون بنات انا بنت وابي الزواج والاستقرار انسان يحس بعواطفي لانه الحبيبه رومانسيه حييل ههههه المهم في العيد جتنا خالتي من الكويت طبعا مع عياله وكذا طبعا عندة بنت اكبر مني بسنتين نفسي ماتزوجت احنا الباقي ماتزوجنا بالعايله وعندها ولد اصغر مني بسنه عاد كانت تجينا كل صيف وتجلس شهر ونلعب مع بعض صغار وكله اتهاوش مع ولدة عوبه ههه وكنت اعتبرة اخوي عمرة قلبي ما مال له لانه اصغر مني والعيد هذا رحت الصلاه طبعا بركب مع ابوي وامي واخواني صغار بس ابوي خذا سيارته صغيرة وماخذ كل اخواني صغار قالت امي روحي مع خالتج قلته لا لا معاكم فشله معاه عياله قالت عادي روحي طبعا لازم امي هواش كذا هه
.gif "Eh S(2)")
وانا جايه بركب الا ولدة جلس يخز فيني خز موطبيعي حتي استغربت نزلت عيوني وكان شكلي عادي عبايه كتف وسيعه ونيقابكم البس حاطة شوي كحل ومسكرا بس مظبطه حواجبي شكلي بسيط بس قعد يخز خز بس اهله مانتبهو هو له خمس سنين ماشفني كان يدرس بمصر ادارة ثاني يوم اخوي الصغير يسولف يقول انه اهو لما شاف ابوي الصبح يتقهوي قام من نومه مع انه جاي الفجر وجلس يقهويه ويسولف معاه وهو مايسوي كذا بالعادة وعاد مرة العصر جالسين نتقهوى قالت خالتي ياحليل يعني انا نامت عندنا بالغرفه تونسنا قالت امي ايه بنتي تحبكم ودايم معاكم قالت عاد هي لو انه مو اكبر من ولدي كان اخذته وانا موجودة انا ستحيت واستغربت لانه اول مرة تقول كذا بس اخته دايم تقول بنزوج اخواني من بعيد احسن طبعا انا اسوي كذا مو لاني ابي اخذ ولدة من يوم انا صغيرة احبهم واحب بنت خالتي هاذي هي الي حيل معاهم بس عقب ماشفت نظراته وكلام خالتي ولاني تاخرت بزواج صرت افكر فيه بس مرات اقول لاا مابيه انا الي طول عمري ماحب اخذ واحد اصغر مني واحسه كانه اخوي وحتي ظروفه موذاك الزود يشتغل بشركه خاصه يعطونها 150 بس خالتي تقول بعد العيد بروح ياخذ شهادته ويقدم علي وزراه حكوميه واهله مسويله شقه كبيرة وحلوة بس مادري ومرات اقول عادي كل شباب يطالعون موشرط يبيني وهو علي اختيار اهله شنو تفسرون نظراته الي كانت موطبيعيه وتصرفه مع ابوي بس ابدا تكلم خالتي ولاقالو شي حدي محتارة اقول اذا خطب بوافق ومرات اقول لا مرات اقول بس يطالع مافكر فيني سبحان الله مومدح بنفسي بس حلوة ومالي حظ حظ بس الشيون قربت اخلص 27 والي الان ماتزوجت والله مليت من الروتين دوام بيت ابي اشوف وجه جديد اسكن بيت جديد مادري لكن الحمد الله علي كل حال ومالي الا الصبر بس امانه الي عندها كلمه زينه تقول ماعندها تسكت اسفه علي اطاله احب التفاصيل شوي ههه ومشكورين لاتكثرين اللتفكييير بهالموضوع
اذا لج نصيب فيه بتاخذينه
حاليا ادعي ربج يرزقج الزوج الصالح
عيالنا يموتون بالخز
مو معناتة خزج معجب او شيء
انا ما ابي احطم نفسيتج بس الله يرزقج واحد احسن منة
و اقري سورة البقرة لمدة ٤٠ يوم وصدقيني اللي ببالج راح يصير وقومي الليل وادعي ان الله يسترج بالزواج والحلال
ويبعدج عن الحرام
والله يوفقج ان شاء الله ..
الزواج قسمة ونصيب يا قلبي
آهوة مآ خطبج رسمي صح ؟
ليش مكبره الموضوع ترا مجرد نظره و بس !!
و انتي قلتيها كل الشباب يخزون
لو كل وآحديتزوج الي يخزها جان احلت مشكله العنوسه 
لا تحطين في بالج شي
بس انصحج سالفه ولد خالتج تشيلينها من بالج عشان ماتتعلقين وترسمين احلام ورديه وتنصدمين ان كل الي فكرتي فيه اوهام..حزتها راح تتعبين حييييل وتتحطم نفسيتج..
لان مافي ولاتصرف من تصرفاته تدل ان في مشروع خطبه ..
وصدقيني احسن لج لان انا ما ايد زواج الاقارب وربي يرزقج بالي احسن منه انشششالله..
ادعي ربي دايم بالستر
( اللهم اني اسالك الهدى والتقى والعفاف والغنى )
والله يرزقك بالزوج الصالح اللي يحبك ويصونك
بس الحمدلله عديت هالمرحله
ولان اصلا مايستحقون انا نتهبل عليهم .. يقصروووون العمر ويا محلا العزوووبيه اخر راااحه
لاحقه عالغثا
ما فيها شي اذا اخذتي رجال اصغر منج ترا كلها سنه ابد ما تفرق حبيبتي اهم شي عقل الرجال
اعرف كثير بنات متزوجات رياجيل اصغر منهم بأكثر من سنه
و ع العموم حاليا انتي عليج الدعاء و الاذكار و الاستغفار و التسبيح و تصدقي وتفائلي حبيبتي
و بالنسبه لولد خالتج لا تفكرين بموضوعه و تعطين اهتمام اريح لج لان ماكو شي رسمي مجرد كلام حريم و النظرات ما لها معنى مهم او مفيد اعتبري هالشي عادي و عفوي
الله يوفقج و اتمنى من ربي انه تجين و تبشرينا بارتباطج عاااجل 
*
يارب في هالساعة المباركة
انه يرزقج بالزوج اللي يسر قلبج
انتي وكل مشتهي يا رب