|
|
هلاااااو عزيزاتي
آخر موضوع لليوم هو عن الروضة
في اي روضة كنتي ووشنو احلى ذكرياتج فيها ؟
انا كنت في روضة البشاير اللي في بيان
كنت خوش طفلة اداوم بانتظام
جذي كتبولي بالشهادة
وهم اختي كتبولها جذي بشهادتها مع العلم ان الحلوة ما داومت ولا يوم لووول
كنت احب واحد معاي اسمه هشوم —- شكو شكو وينج وين الحب يا الزبوطة؟
عاد هشوم شنو مادري ما كان يهمني اهم شي الأخلاق
وكان معاي واحد اسمه علي الصفار !!
يا ربي هالولد ماحبه مليق وأقرع راسه جنه منجا
ومادري ليش متخيل اني صبي كلا يبي يتعافر وياي
يمكن لأن شعري كان دايما بوي وعمري ما طولته
المهم كان دايما الشيطان اللي يقول كلام عيب وكل مايقول شي
نشهق كلنا وحدنا مخترعين … الحين وين ما تمشين بالشارع ناس اتسابب وكلام عيب هههههههه راح زمن البراءة وولى
بليز اتحفوني بذكرياتكم السعيدة
.gif "Eh S(15)")
انا كنت بروضة البلابل بصباح السالم
وكنت هاديه وايد وكله مع بنت عمتي
مره غابت بنت عمتي جان يقولي صبي مليق معاي بالصف قال انتي ما عندج رفيجات كله مع بنت عمتج واقوم اطقه كف شكو لووول
ومره سويت عيد ميلادي بالصف ولبست نفنوف حفله وشفت نفسي عالبنات وما عطيتهم ويه لووول يعني كاشخه
وكنت شيطااااااانه حدي 24 ساعه هواش بوتحرش بالشباب وانحاش مرات
احوس بالروضه اخليهم يدوروني .gif "Eh S(3)")
وكنت اطق اليهال مساكيييين
وكانت الابله من كثر ما ايون الاهالي يشتكون علي اطق عيالهم تاخذني انا والشياطين ونروح نلعب الديارف بروووحنا طول الوقت .gif "Eh S(9)")
انا كنت في روضة حنين واسمالله علي كل يوم اداوام واذكر اخوي كان بأولى روضه يي يقعد بصفي ويبجي ما يبي يخليني كان شكله يكسر الخاطريا حرام
والله وناسه كل يوم قبل لاارد البيت امر الجمعيه واشتريلي حلاو وكاكاو وعلج
ولالا كان عندي ارفيج رايحين مع بعض ورادين مع بعض
وكنت هاديه واااايد
كانو معاي بنت عمي و ولد عمي و اخوي و كله مع بعض ..
و كان معاها ككاو فليك ليلحين أذكر .. كنت أروح لها ما أحفظ ولا شي بس أقعد جدامهم و آكل الككاو
..
عاد يو اليهال يتمصلحون نحبج و مادري شنو ..
آخر شي ما بقت الا حلاوة وحدة .. كليتها ولا ايي واحد و يسحبها من حلجي
.gif "Eh S(14)")
..
كان معاي ولد خالي كبري بس أنا بصف و اهو بصف ..
كنت أداوم يوم و أغيب 10
..
..
و بحفلة التخرج تعرجبت بالمسرح هههههه فشلة عاد أنا أول وحدة أطلع ..
و كنت قاعدة أدور امي مالي شغل بالبنات ههه ..
بس أشوه ما طحت و ما يبين بالشريط ..
احلى شي وقت الفرصة كنت استانس عالدوارف
واذكر لما كانو يودونه المطعم حق الريوق كانو يوزعون علينه كيك سويسرول
الشي الوحيد اللي كنت آكله هناك .. كانو يوزعون بعد حليب أو شوربة و بيض مسلوق و توست و جبن سلايس و تفاحة بس ما كنت اجيسهم كلش
كانت ايام حلوه ^_^
انا كنت بروضة المنصور اللي بالسويخ عشتو وكنت خوووش بنيه والشي الوحيد اللي ما اواطنه بالروضة اهوا اكل الروضه الله يزيد النعمه والله تلووع جبدي منه وكله كاتبين لي بالشهاده شهيتها غير مفتوحه للأكل اه وين هالشهية الحين بس مفتوحه ما تتسكر
واذكر عاد ان رفيجي ولد الشيخ الغالي جابر الاحمد الله يرحمه وعندي اصور معاه شغل عدل وما صادفتنا الا يوم احنا بالجامعه وريته الصور مات من الضحك وهم بعد في واحد اسمه خالد يموت فيني ومره طقاني بوكس ابطني علشان ماشية مع ولد الشيخ ياربي الغيره سبايب ههههههه
بس والله ايام حلوه واحلى شي حفلة التخرج والماكياج اللي حاطينه لاانكل لانشرب عشان ماتروح الحمره لووووووول
اذكر مرة صار عندنا حفلة يت امي خذتني بدلت بالسيارة ونزلت معاها مرة ثانية وصورتني بالحفلة
للحين عندي الصور
تذكرون بنص الدوام كانوا اييبون مثل تروللي متروس بفك وساعات موز او تفاح ويوزعون علينا ؟
ترا وناسة
اتصدقون ان ايام الروضة متعة بس اتوقع معظمكم ما يهون عليكم تقعدون عيالكم من الصبح او اذا كان الجو بارد حيل .. اشوه ان في هالمرحلة متساهلين وايد
عاد اونس شي لما اهلكم يغيبونكم حد الهيصة
اذكر امي كانت تاخذنا من الروضة انا وولد جيراننا بدور بو اذون مشتحة
نروح ناكل آيس كريم بباسكن روبنز اللي بالسالمية يم وليد حاليا كان اول حده قز
ريكاردي انا بعد كنت في جميلة بنت عباد ايام البراءة
مرة نازلة الابتدائي وكنت زعلانة من ابوي زافني، وكنت متعودة كل يوم ابوسه وادش المدرسة، ما بسته يومها قال ماكو بوسة ؟ (حبة على قولته) قلت له لأ، وطحتله بجي طول الدوام لأنه حده كسر خاطري لما خذتني امي آخر شي تقول شنو ابوج بيهاجر ؟؟ حدي عبيييييطة لوووول بس كسر خاطري ابوي حده خوش مان هالريال والله حده كووووول
الحب الخالد حدج واصلة لووول بس انا ليلحين مادري حبي الأول هشوم ولد ام هشوم من ولده ؟؟
.gif "Eh S(22)")
عاد ذكريات الطفولة خبال حدها خصوصا لما كنت مصممة ان انا اقدر اطير Loooooooooooooooool
ما اذكر يوم كنت صغيرة شنو صار !!!