فيني كحه ذابحتني وضيق نفس وانا الحين بالتاسع ساعدوني

بنات يايتني كحه فضييييييعه مو قادرة استحملها مع ضيق نفس اخاف ايني الطلق والولاده ويزيد علي الضيقه ومحد يعرفلي ابي الحكه اتروح عشاااان الضيقه اتخف علي وغير جذي كله اكح وضغط من تحت موطبيعي واصدع من الكحه. من صادهتها الكحه فحمالها وتعالجت الان الحين قاعده ابخ الفلترين بس احس ماكو فايده

حببيتي انا من الثامن والكحه معاي ماخليت دوا – اعشاب
لانه فيني حساسيه والحين بعد غبار والله مو قاعده اشم هوا

شربي حليب ع الريج مع قفشه عسل هذا الشي اللي ينفع معاي
والله يشافيج يارب ويهون عليج

\

امين حبيبتي
عندي وعندج خير انا بعد حساسيه مادري جنه صار الحين ربوووو مادري ياليت افيدونا خواتنا بالمنتدى

ان شاء الله انا كارهه الحليب الحين

انا صار فيني كحه و عطوني شراب
لأني استخدم بخاخ اسمه سيمبي كورت
و في نسبة كورتيزون مايصير و انا حامل
و الحمدالله خفت مع الشراب

روحي حق طبيبج و قوليله

حبيبتي عن تجربه دهني قاعة ريولج بفكس ولبسي دلاق ودهني صدرج ومسحي مسحه خفيفه على جبهتج بفكس ونامي والكحه باذن الله بتخف

انا ماكنت مصدقه هالطريقه بس يوم جربتها على زوجي وعلي وايد ارتحنا من الكحه
واغلي ماي حار وذوبي معاه عسل وشربي وسمي بالرحمن ومافيج الا العافيه انشالله

حتى انا مثلج بالتاسع والكحه والنشله ذابحتني

لا تستخدمين اي شي رحت اخذلي دوا للنشله من الصيدليه لان احس اني بختنق تخيلي عطاني قطره للحوامل مارضى يعطيني عاديه مع انها ماي وملح
يعني ادوية الحوامل تختلف عن الناس العاديين ديري بالج

هم انا مثلج
ومرات احس اني مااتنفس
والله يسهل عليج وعلينا يارب

الفكس مو زين للحامل لانه حار

الله يفرجها

انا رايحه حق استشاري امراض صدريه عطاني بخاخ بس

اخذي حبوب مضاد اسمه زينات العلبة لونها ابيض واحمر
وشراب الكحه sea cucumber syrup plus
قولي حق دكتورتج تكتبهم لج
لاني جربتهم وانا حامل بالتاسع والله يشافيج
ولا تنسين الكمام الجهاز إلي تحطين فيهم 1 فنتولين و 2 محلول

بنات انا بقول شي مجربته كل اللي قلتوه مانفع معاي شي لما كنت بالسادس بحمالي بولدي بس غامرت وخذيت لبره الحساسيه واوصفتها لي دكتوره لان ماتضر بالسابع واو الثامن او التاسع والله جذب تقوليين فيني كحه وحساسيه بس اهي مدتها 6 شهوور فضيعه ارسلو لي خاص اللي بتعرف التفاصيل الله يشافيكم

الله يشافيج حبيبتي فى بصيدليه اكياس علي ليمون تحطينهم فى ماي حار وتشربينه بدون اى اضافات وممتاز للكحه

الله يشافيج يارب