|
|
و الله ما ادري من اشكيله
قبل اسبوعين كنت بقمة وناستي و فرحتي لانه ريلي يالي عقب 3 شهور
و الحين سافر
قمت من النوم و غصب و انا كارهه اليوم و الله
ريلي يقولي قومي علشان ما اتأخر على المطار .. و انا اسكر عيني و اقول يارب يارب يكون اللي جدامي حلم
ما ابي اصدق انه يبي يسافر
طلعنا من البيت و الهوا بارد و يطق ثلج .. العاده امسك ايده و اطالعه و ابتسم
حزتها ما كنت قادره و الله بس ماسكه ايده و اخاف اطل بعينه
ركبنا السياره .. اثنينا ساكتين محد يتكلم .. ماسكه ايده و احاول احتفظ بهاللحظه براسي و اسجلها بذاكرتي علشان ما انسى
يطالعني و يبتسم و يرد يلف ويهه .. و انا ساكته
وصلنا المطار .. حط الجناط
صار وقت الوداع
شسوي ؟ ما ادري ماني قادره استوعب انه راح يسافر مره ثانيه ويخليني بهالغربه و يروح اهو لغربته
اسلم عليه بالايد ؟ المه ؟ ابوسه ؟ شسوي ؟
مسكني و لمني على صدره
و انا لامته و ماني قادره اتكلم و الله و خانقتني العبره
قالي حطي بالج على نفسج و شدي حيلج بدراستج .. بالغصب طلعت مني الكلمه و قلتله انت بعد !
و سكت
باس راسي و قالي مع السلامه و دش
و انا ناطره .. ما ابي اروح الا لما ما اشوفه كلش
دش داخل
اشوفه من بعيد
ما ابي اروح
ابي اكحل عيني بشوفه .. لاني ما ادري متى بشوفه مره ثانيه
شفته من بعيد سوالي مع السلامه و اختفى
انهرررررت تمنيت الموت بهاللحظه
ما قدرت امسك نفسي
وصلت بالغصب للسياره
رديت البيت
دخلت
و زاد الانهيار و البجي
اشوف الغنفه اللي كان يقعد معاي عليها
حاولت انام يمكن انسى
ما اقدر
ما اقدر
آآآآآآآآآآآآآآآآآآآآآآآآآآآآآه يا قلبي
اشوف جهته من السرير …….. وينه ؟؟ اذكر لما اقوله بردانه و يلمني بين احضانه
منو يلمني الحين
مسكت المخده و ابجي و ابجي
ياربي يا حبيبي اجمعني بزوجي و حبيب قلبي مره ثانيه
يارب هون علي الغربه و ابتعادي عن زوجي و اهلي
يارب وفقني بدراستي و انشالله اخلص بسرعه و ارد لزوجي و اهلي
انا ضاق خلقي عليج بس ان شاء الله كل شي يمر بسرعه واتردون حق بعض واترد حياتكم احلى واحلى والله يوفقج يارب
الله لايفرقكم يارب ويخليكم لبعض طول العمر حبايب
ياحبيبتي هذي ظروف وبتمر ان شاء الله
وبيرجع على خيرر ان شاء الله وبتفرحين فيه
بس اهم شي لاتضيقين خلقك
انا الى فهمته من مواضيعك سابقا انو زوجك يدرس phd بامريكا يعنى هانت ان شاء الله كلها فتره بسيطه ويخلص وينقل لعندك……
اما حبيبتى لو انك وزوجك مو متحملين البعد عن بعض انا مانصحك تنقلين على امريكا عشان تدرسين لانو راح تضيعين عمرك خصوصا انو احتمال قبولك الطب فى امريكا صعبه اشويه بس زوجك يقدر يحول على منطقتك لانو راح يلقى قبول بسهوله وانا ماقلت لك كذا حبيبتى الا عن خبره عندى كذا وحده من صحباتى كانو يدرسون طب وحولى لهنا بامريكا عشان يكملون دراستهم مع ازواجهم ومالقو قبول …….
الله يوفقك يادينتست فى دراستك وتتخرجين وتصيرين احس دكتوره يارب……
ماعتقد اكو شي يهون عليج غير انج تركزين بدراستج وتطلبين من الله انكم تتوفقون ولا تنسي
ان مع العسر يسرا
انشالله نشوف موضوع انه ردلج قريب يارب والله يوفقكم
الله يعينج حبيبتي و يصبر قليبج
حاولي تشبكين معها ماسنيجر صوت وصوره
تر وايد يساعدتكج هالشئ
يالله عاد ورينا ضحكتج الحلوة
هااانت انشالله
ادري الموقف صعب بس خلج اقوى من جذيه الله كريم يادنتست