فناتك العرس !! – تم دمج المواضيع المشابهه

انا اذا شفت ناس سوو شغله او هابين فيها هالايام ماحب اقلدهم اطلع بفكرة يديدة سواء حق عرس او اي مناسبة

بالنسبة لمسكات العروس :

ممكن يكونون هابين بنوع معين لكن موشرط يناسب فستاني او كوشتي او ستايل القاعة مثلا ..

ممكن اسوي مسكة قديمة لكن تمشي مع الديكور ..

يعني امس يتني فكرة مسكة احس للحين محد سواها او سووها لكن ماسمعت ولا شفت للحين

وهالفكرة مو شايفتها بس طرت على بالي واليوم بروح حق بنت بنت خالتي عرسها بعد شهر

بقول لها على المسكة واذا اعجبتها الفكرة ماراح اقولها لحد الا بعد مايخلص عرسها << نحيسة ادري

بس يمكن ماتسويها لأنها مختاره مسكتها

وكوشتها فكرتها وااايد حلوة بس هم ماراح اقولكم << وليههه هذي وايد نحيسة خخخخ …

لا بس لأنها ويانا بالمنتدى ورفيجاتها بعد فتبي كل شي مفاجأة المهم ..

انا احب اطلع افكار واللي تبي اطلع لها فكرة حق عرسها تراسلني وتقول لي شنو ميولها او تحب شنو …

وان شاء الله كل وحدة على وش جواز<<(زواج يعني بس بالمصري ) يكون عرسها مميز من كل النواحي