|
|
السلام عليكم
اشلونكم بنوتات شخباركم.gif "Eh S(22)")
الموضوع باين من عنوانه
اكيد رحتوا استقبالات سواء كان بالمستشفى او بالبيت والحين طبعا احنا انتسابق بالاستقبالات وبالفناتق واكيد مر عليكم اشكال وارناق
فقلت اطرح الموضوع ونبي كل وحده تدخل اتقولنا شنو احلى استقبال راحتله شنو الفناتق اللي حاطينها (التقديم بوفيه الاستقبال الحلو الكاكاو اطباق التقديم )
يالله بنات شاركونا بفناتق الاستقبالات علشان البنات يستفيدون بالافكار الغريبه حق استقبالاتهم.gif "Eh S(8)")
يعجبني الشي المرتب مو المبالغ فيه
يالله نبي فناتق الاستقبالات
البوفيه كله معجنات غريبه صغيره و الوان سالت قالت لي من الصافي
و سلطات شغل بيت و ورق عنب بعد شغل بيت
و السويت حلو بعد بس نسيت من وين ,,
لي الحين ماكو شي غريب صح ؟؟
الشي الحلو و اللي اول مره اشوووفه
الوالده مسويه شيره ( شجره ) باللغه العربيه متوسطه يعني مو واصله السقف حاطتها يم المدخل ..
كلها كريستالات و معلق فيها الكاكاو مال المولود شكلها عجييييييييب
كانت ذهبيه و الكاكاو داخل جياس مثل تريكوو اوف وايد معلق بالاغصان
و الشيره بعد فيها كروت فاضيه اوف وايد و حاطه طاوله يمها تكتبين شي حق صاحبة الاستقبال او المولود
و اتعلقينها
اتوووونس شكلها غريب و مترووسه كاكاو اصلا يوم دشينا
ماندري انها تقديم كاكاو
لان فيها كرستال و اوراق و الجياس التيريكو و فيها ورد على الاغصان بس مو وايد
الشيره ذهبيه و الورد اوف وايت
شكلها حيل حيل ذرب مع ان بالوصف جنها وايد خبه و لويه ..
ابي اشياء حق ولادتي ساعدونا بنات
يومين بعد الولاده الكل اييج و بس
و تقديم مرتب و حلو
و اتسوين كاكاو تقديم شكله غريب و بس
بنات نبي تفاعلكم عفيه
وين شايفين كاكاو تقديم مواليد حلو ترا انا ماعندي خبره
اول مره لاني
و اذا مع الصور ياريت يكون افضل
يزاكم الله خيييير
بالله بنات افكـــــــــــــــــــــــــــــــــــــــــــــــ ـــــاركم
الوحدة لازم تعرف شلون تدير بالها على البيبي شلون ترضعه رضاعة طبيعية…والله بالعالم كله محد يسوي استقبال بالمستشفى الا بالكويت
الكوكاو مره شفت وحده مسويه مثل السفينه كبيره لونها ازرق بفضي وحاطه الكوكاو على اشكال سمج وشبك وسكان مال السفينه واي شي يتخصص بالسفينه حاطه على شكل كوكاو ومعلقه سنارات صغار وعلى كل سناره فيها شبك وداخل اشبك كوكاو والغريب صج ان السفينه داخل حوض سمج صجي وحاطه صوت خفيف لموج البحر والغرفه كلها مزينتها باشكال البحر والفطاير كلها فطاير القارب صغار صغار ومحشيتهم كل شي بس حلو استقبالها ماشاء الله والمشكله مقدر اسالها لان امها واختها من النوع الي هم يشتقلون بالسوالف هذي يعني اعتقد اهما الي مسوينهم
يالله عطيتكم فكره ان شاء الله تعجبكم
انا بعد افضل الاستقبال رغم معارضتي له قبل بس افضله بالبيت مو بالمستشفى
والسبب ان الوالده مالها خلق تستقبل احد خصوصا اذا عيالها مدارس غير حنة الياهل طول الليل
وعسى الله يسهل على كل وحده شايله يارب وترزق كل محرومه
صج افكاركم حلوه
يالله وين باجي الافكار نبي تفاعلكم علشان البنات يستفيدون
انا مره سمعت بالمنتدى عندنا ان في وحده كانت حاطه تقديمها الكاكاو في صحن كبير داخله ماي وسمج (اعجبتني الفكره )والبساطه مطلوبه والشي الراقي بعد بعد السلامه طبعا
وانا مره رحت حق ناس كان استقبالهم بدار الشفا كانوا حاطين ناس اتقدم لابسين اثواب اكويتيه قديمه بس شكلهم عجيييييييييييييييييب
شنو يمدحون الناس و اذا تعرفون اماكن عندهم اشكال للولاده ؟؟
