|
|
بنات اشلونكم اليوم ودى اسال على سالفه تاجير ملابس العروس انا شايفه ان لبس العروس لابد يكون يديد يعنى مو ملبوس من قبل انا الصراحه ابد مافكرت بسالفه تاجير بدله العرس او راى الشخصى فى هذا انى بكون مميزه اولا وليليه العمر مو معقول البس شى ملبوس او انا ما اظن ان فكره ملبوس اول مرا يعنى مازالت بالنسبه لى مرفوضه لان ماعتقد ان الماده تمثل عائق خاصه لليله العمر اللى كل وحده تبى اتصير اهى نجمه الحفل اذا مو بالجمال على الاقل بلالافستان الابيض او انا بالنسبه لى اخيط او اشترى بسيط ولا ملبوسه مرا او مرتين او ماسوى عرس كبير واااايد عشان لايصبير سالفه العرس مقارنه بين فلانه اللى كانت لابسته او بينى او يتركون الاهم فا اشرايكم يا حلوين بالموضوع ؟
يعني بالنسبه لي ماعندي مانع ااجر نفنوف عرسي ( انشاءالله )
اذا شفته وعجبني ودش مزاجي والله اخذه وجنه العيد
بس طبعا مايكون فيه شي…. قصدي مايكون قديم او ملبوس اكثر من مره ويفضل ان انا اكون اول وحده لابسته
يعني اهم شي الذوق ويكون النفنوف عاجب العروس والا مو مهم اذا كان مشترى او تاجير
انا احس السالفه سالفه تفلسف الصراحه…. وسوري على كلامي
لان في بنات وايد يقولون انا شفت نفنوف تاجير اييييييييينن وعاجبني بس وييع اي شي ااجر نفنوف عرسي!!!!!
وحتى او كانت اهي اول وحده تلبسه!! تقول اي شي
والله في بعض البنات يفكرون بهالطريقه.. يعني عرسي والبس تاجير!!!
يعني الحين انا اذا شفت نفنوف عجبني ويديد وانا اكون اول وحده اججره ليش ما اخذه!!!!! والله اخذه وانا مستانسه بعد
اول شي حلو والناس مراح تعرف اذا هذا تاجير والا شاريته
واصلن الناس مالهم شغل فيني!!!
هالشي خاص فيني بروحي
واعتقد حتى ريلي ماله شغل بهالموضوع…. يعني اهم شي اييلي يوم العرس وشايفني لابسه نفنوف ابيض.. بس يسكر حلجه مايقدر يقولي شي
وهذي وجهه نظري وسوري اني طولت
اوكي واذا شافوه؟؟ شستفيد!!
عندي صور عرسي يشوفون النفنوف فيه…… واذا بوريهم جسمي على قوله البنات اخشلي بدله الملجه خخخخ
سوري بس هذي وجهة نظري
بعدين احنا الحمدلله عايشين ابخير ونعمه ومو معقوله عروس ما عندها افلوس علشان اتخيط والا تشتري بدله! عيل اشمهنة المعرس!!!!
نفنوف العرس شي خاص فيج وذكرى حلوه لج …. عن نفسي نفنوف عرسي خاشته بالكبت وفي ناس سئلوني عنه يبون يأجرونه والله ما رضيت قلت حق امي اشيبون هذيله ليش يقلدون.
والله شكثر نروح عروس ولاننتبه لملابس العروس ولو انتبهنا بعد أسبوع ننسى…….
والحمدلله إحنا بخير ونعمة بس شدعوه أفصل لبسه أولى أو أفصله لي ب 2000 أو 1500 وأخر شئ يروح لغيري أو يطيح بجبدي……..
المسألة مو مسألة فلوس لأ مسألة ذوق شكثر بنات فصلوا والله يلوع الجبد وشكثر بنات أجروا ناعم وشحلوه وكل اللي بالعرس ماتوا عليه………
طبعا مو أجر اللي ملبوس عشرين ألف مرة لأ ……….أدور الفستان اللي لبوس مرتين ثلاث أربع وأجره شدعـــــوه كل الكويت بتحضر عرسي……
وذكرى حلووه على قلبج لي شفتي بدلة عرسج
بس لما شفت بنات خالتي يشترون بدلات بالألاف و بسيطة جدا ماتسوى بس علشان ماركات و بعدين يقطونها بالبت مايستفيدون شي
و بعدين اللي ماتحب أحد يلبس عقبها ممكن تسوي لبسة أولى و تسوي الموديل اللي يعجبها و خلاص
بعدين شنو الهدف اللي وريه حق عيالي ؟؟ راح يتوصخ و يصير قديم و حتى اللي يقولون بخشه حق بنتي ؟؟ شدعوا بنتج بترضى تلبس بدلتج ؟
بصراحة مادري أس ماله داعي
خصوصا لما يكون فيها كريستال و شغل مع الوقت يقلب أسود و يصير قديم
حراح أدفع 2000 أو 3000 و يمكن أكثر على ساعتين بقعد فيها مع زوجي و أطلع
و الناس المهم بدلة بيضة و موديلها لو و فيها شك و خلاص و مع الوقت بينسون
و الله انا رحت أكثرمن محل و شفت بدل بالألالاف و ماتسوى و الشك اللي أبيه لقيته فوق ال3000 ألالاف ؟ ليش ؟؟رحت حق مشغل سوت لي لبسة أولى يهبل و ضعفني حييييييييييل و مع الكريستال ماركة سوارفسكي بعد أحسن ماركة و شك و ترتر مايبين من اللمعة و الحلات كأنج ألماسة كبيرة و لونه ثلجي ب600 دينار بس أنا شريت كريستال ب 120 500 حبة و بعدها برجعه لها شدراهم الناس
نبي نسمع أراء جديدة
الفستاان بيتغير على حسب إللي تلبسه من جانب الميك آب و شكل التسريحه والطرحه وين تحطها ؟ فهنيه راح يتغير شكل الفستان عليـها >دوسلامتكم 00
عساني ماسويت عرس ههههههههههه
انا نفنوف عرسي امي شاريته لي من فرنسا ماوصل سعره 400 واينن حده نااااااااااعم وكل من سألني عنه
ومن عقب مافصخته عقب العرس لي اليوم مادري عنه ولا سألت وينه حتى بعد شبي فيه والا شكو بخشه حق عيالي ؟
يعني مثلا الحين امي تقولي لبسي بدلتي اقولهااااااااااااا نعممممممممممممممممممممم ؟؟؟؟؟؟؟؟؟ ليييييييششششششششش البس بدلتج لييييييييش يعني شسويتلج انا عشان البس بدلتج ههههههههههههههه
يابنات تخيلوا ان البدله مو بدلة عرس بدله عاديه مالت طلعه السؤال اهني : هل تقدرين تلبسينها عقب احد …. ( مستحيل ) وبدلة العرس نفس الشي.
وبعدين شنو يعني قصة سندريلا النفنوف بس يطلع ابليلة الحفله وبعدين يختفي ….. والله لو آنا يضيق خلقي نفنوف آنا البسه وعقب ما اشوفه ابعيني …. وبعدين هذا مو حق اي مناسبه هذا حق مناسبه لها ذكرى عزيزه على قلوبنا …… عن نفسي نفنوف عرسي لبسته ابعيد زواجي وحطيت زفه وسويت حق زوجي مفاجأه وكل عقب مده ابطل الكبت وأقعد أطالعه واتذكر يوم العرس واستانس لأنه واايد عاجبني وهم نفنوف الملجه ونفنوف الاستقبال عقب العرس كلهم لهم ذكرى حلوه لي.
وبعدبن اللي ما يقدر يشتري نفنوف ابألف وألفين لا يشتري خل يخيط ترى في خيايطه اخياطهم ارخيص وامرتب مثل الجاهز بالضبط …. بس يبيله كاتالوجات فيها موديلات حلوه والا طلعوا موديل من الانترنت وروحي اشتري خام نفسه ووالله ماراح يكلفج اكثر من ميتين دينار الخياط….. لأن صديقتي خيطت بدلة عرسها بهالسعر لكن شنو اهي لأنها ذوقها حلو طلعت البدله احلى من الجاهز…