فكرة مجسم للاطفال من الفلين المضغوط

كنت محتاره مادري شسوي

وهذا اللي طلع معاي

دشيت قوقل ودورت على الاغراض اللي احتاجها للمجسم

فلين مضغوط .. المفروض اييب الامتن من اللي بالصوره

تعبت وانا ادور ماخليت مكتبه مارحتلها حولي والسره والجابريه

اخر شي قالولي في بشرق وماقدرت اروح لانه طلعت دوامات وتعبت من الفراره

والوقت كان حده حده

جان اخذ الظعيف

استخدمت بعد الوان اكرلك

وموس على شان اقص الفلين مع انها طريقه فاشله لو شاريه المقص الحراري احسن

وانا اقص الفلين بالموس انكسر الموس وطاااار بالهوى زين ماحاش ويهي

ديروا بالكم

اول شي سويت تجربه على ورقه

طبعا لاتشوفون اللويا بالصج شلون الالوان كلها تارسه الارض زين خدامتي ماحاشتها جلطه لمن قعدت وشافت المنظر ههههه
هذا جزء من اللويه

تعبت واااايد على ماسويتله قاعده على شان يثبت
كل شوي اجرب شغله شوفوا شلون مخترب من تحت كثر مارحطيتله قواعد واشيل احط واشيل

لمن لقيت كرتونه عند ريلي كان طالب شغله من النت بطلتها وفضيتها ولونتها وركبتها عالمجسم

لا تضحكون عالرسمه هذا رسم كاركتيري لول
وحدي توهقت بالالوان ماكان عندي الوان وايد واللون الالبيض خلص لا تسالوني شلون خلطت الالوان ابعض وطلعوا معاي جذي لول
الوان الوزار كلها خالطتهم لي من طلعولي هالالوان ولون البشره بعد
تخيلو خلطتها من غير اللون الابيض لووووووول