|
|
[COLOR="Blue"]
موضوع مهم جداً ومطروح للنقاش الجاد 
طبعاً اي علاقه في الدنيا اساسها الاحترام المتبادل بين الطرفين
سواء كانت علاقه صداقه او زماله او نسب او قرابه او او او ……..
اذا فقدتي الاحترام لأي سبب كان هل تستمر هذي العلاقه ؟
اكيد تتغير ويمكن تنقطع وهذا حال البشر
موضوعي عن الاحترام المتبادل بين اسمي العلاقات واعظمها وهي العلاقه الزوجيه 
اذا فقد الزوج احترام زوجته له سواء بالكلام او التصرف سواء بالقصد او بدون قصد شنو تتوقعون ردت فعله ؟
برأيكم وهل يغفر لها ويسامحها ؟
واذا فقدت الزوجه احترام زوجها لها اشلون تقدر تسترد كرامتها بدون مشاكل وبدون تدخل احد من الاهل
ولو كان فقدانها للأحترام مؤقت ولكن يبقي اثره جارح في النفس يعني كشتيمه او مسبه في لحظات الغضب
او تقليل من شأنها امام الاخرين او تحقير كلامها ووصفها بالتفاهه او او او
بهذه الحاله شلون تتصرفين واذا واجهتيه قالج انا ما اقصد انتي وايد حساسه 
شنو ردت فعلج ؟؟؟
مهم جداً تفاعلكم بهذا الموضوع لاني قاعده اسمع عن حالات طلاق وااااايد الله يكافينا الشر
بسبب فقدان الاحترام بين الزوجين نبي الحل اشلون تقدر بذكائها تفرض احترامها عليه ؟
والعكس اهو اشلون يستغل ذكائه وحسن تصرفه وشخصيته كرجل ويفرض احترامه علي زوجته …..؟
[/COLOR]
وبالنسبه لسؤالج اذا انفقد الاحترام ممكن يرجع …ايه ممكن ,وكل شي ممكن اذا الانسان ماحط عقبات لنفسة ,ممكن يتغير الاسلوب والكلام بالتدريج وبالتالي تكسب المراة احترامها لنفسها اولا وثانيا احترام زوجها لها
وبالنسبه لتقليل احترام الزوجة جدام الناس ..لا عاد هذا عيب !لكن الزوجة بذكائها تقدر تتفادى هالشي بانها تقلل او تمنع ان يدور نقاش بينها وبين زوجها جدام احد احسن
|
المشاركة الأصلية كتبت بواسطة ملح بدويه
 بدووووون تعليق
|
كفايه مرورج يا الغاليه
|
المشاركة الأصلية كتبت بواسطة حبيبة فهودي
من الراي انة الوحدة تتفادي هذا الشي قدر المستطاع وان حصل وطول ايدة او اللسانة لازم تاخذ مو قف حازم منة لانة الريال اذا مدتة ايدة مرة او اللسانة خلاص راح يتمادى اذا ماشاف من يردة
|
كلامج عين العقل بس في بعض الريايل ما ينطرها ترد او حتي تتنفس يستغل طيبه زوجته وعلو اخلاقها لانها تسكت وما ترد عليه و يتمادي بالسب والاهانات
بهذي الحاله شلون توقفه عند حده نبي خطط وتكتيك من بنات حواء لاني والله العظيم في بنات وايد اعرفهم يعانون من هذي المشكله
|
المشاركة الأصلية كتبت بواسطة فرنسا
مثل ماقلتي ……….الاحترام اساس العلاقة الناجحة لان بدون احترام يقل النقاش الناجح بينهم وبالتالي تكثر المشاكل اللي ممكن تودي الى الطلاق
وبالنسبه لسؤالج اذا انفقد الاحترام ممكن يرجع …ايه ممكن ,وكل شي ممكن اذا الانسان ماحط عقبات لنفسة ,ممكن يتغير الاسلوب والكلام بالتدريج وبالتالي تكسب المراة احترامها لنفسها اولا وثانيا احترام زوجها لها وبالنسبه لتقليل احترام الزوجة جدام الناس ..لا عاد هذا عيب !لكن الزوجة بذكائها تقدر تتفادى هالشي بانها تقلل او تمنع ان يدور نقاش بينها وبين زوجها جدام احد احسن |
تبارك الرحمن كفيتي ووفيتي بس يالغاليه ابي اعرف شنو هذي العقابات اللي ممكن تسويها المرأه لزوجها عشان يوقف عند حده
جد مصييييبه