فرق العمر

بنات اللي اكبر من ريلها بسنتين
وصارلها فتره طويله متزوجه
شنو رايكم بالزواج من زوج اصغر منج بسنتين وجم شهر؟
وشلون الحياة بينكم مع مرور الايام والسنين؟
يعني تنصحينا ولا لا وشكرا

94 مشاهده !!

الله يوفقج للخير يآربْ

عني أنا ما احبذ هالشي لكن هذا ماينفي وجود تجارب ناجحة

ونصيحتي لج لاتعتمدين كثير ع تجارب الغير لان كل حالة تختلف عن الثانية ،، انتي شوفي وضعج والايجابيات والسلبيات واخلاق الريال واتوكلي على الله

وان شاء الله اللي مرت بهالتجربة تفيدج

مشكوره عالرد حبيبتي

انا حابه اشوف التجارب والنصايح من اصحاب الخبره واحساسهم وشلون حياتهم وهل اثرت ولالا

يمكن في شغلات غايبه عني او مو حاطتها بالحسبان ف مايمنع اسمع تجارب الناس ونفيد ونستفيد

وشكراا

يعتمد على تفكير الريال والمرا ماله علاقه بالتجارب

لان تجارب غيرج تفيد غيرج ماتفيدج انتي

اذا انتي حاسه ان هالشريك الي بترتبطين فيه ان فكره متفتح ومايهمه فارق السن توكلي على الله

وانا عن نفسي بيئتي ومجتمعي المحيط عندنا وايد نماذج رياييل زوجاتهم اكبر منهم باكثر من 3 سنوات و زواجهم ناجح ومتفقين بينهم بين بعض وماشفت من علاقتهم الا كل خير

انا اكبر من ريلي بسنه وشهر و صارلنا جريب السنتين متزوجين ..

ماشوف اثر العمر بينا كلش .. يعني عادي الوضع حالنا حال اي اثنين متزوجين ..

الزواج يعتمد على شخصية المرا و الريال شنو و شلون يتعاملون مع بعض …

اهـــــم شــــئ فـي الــــزواج الحــب والتـــفاهم

فالعــــــــمر مــــو شـــرط ولا عــيب
لا يــــحدد الشخـــــصية

الــزواج قســـمة ونـــصيب مــن الله ســبحانه وتــــعالى

كله قسمه ونصيب من رب العالمين

هاذي ابدا مو مشكله اذا كانو الاثنين متفاهمين واهم شيء يحبو بعض

اشكركم حبايبي

بس يعني الخوف ان كلام الريال مرات ماينوثق فيه تلقينه ايي يقول انا عادي ماتفرق وبعد الزواج يمكن يقط قطات او شي مني مناك يجرح حتى لو على غشمره

اختي سمحيلي بس هو مو مجبور يتزوج اكبر منه مهما كان هو رجال وما بعيبه اذا كان عنده عقده من هالشيء ما اعتقد انه يطلب ايدك اصلا حتى لو جابها على طاري مزحه عادي. ترى هو مو احسن من رسول عليه صلاة والسلام

اذا توني صغيره والعمر قدامي لأ ما اوافق ..

بس لو كبيره ممكن اوافق

انا اكبر من زوجي بسنة وكذا شهر

واحنا من ملجنا لحد يومج صار لنا ثلاث سنين وزود … ما في فرق و ما تحسين بشي

اول ما تقدم انا قلت لا مستحيل انا اكبر ..بس بعدين فكرت وقلت ليش لا!! ولقيت ما عندي ولا سبب حق الرفض

انا شباب أكثر منه!! وحيوية اكثر منه واكو شعره بدا يطلع فيه شيب من احين واللي يجوفنا يصغرني بسنتين ويكبره بخمس واحنا حاطين في بالنا احنا قاعدين نكبر مع بعض وبس

توكلي على الله فرق السنة مو شي ينذكر وحطي في بالج انتوا قد بعض يعني الشي الزود اللي عندج انج متخرجة قبله لا اكثر ولا اقل

واذا صار بعدين وعايرج باختصار قولي له انت الريال وانت اللي خطبت

سالفة العمر انتي احين شيليها من بالج وعليكم تسألون عنه حاله حال اي واحد يخطب ان كان ريال كفو وما يتفوت توكلي على الله

يعتمد على شخصية الرجل نفسه

فيه رجال أكبر من حريمهم بخمس سنوات ومع هذا مافي توافق بينهم

اذا الرجال طيب وينشرا ليش لا

وربي يوفقك

شوفي ياقلبي اذا مافي سبب يخليك تترددين بالزواج غير العمر فتوكلي على الله ووافقي لأنه لو كان العمر يفرق معاه ماكان تقدم لك
وعن نفسي انا اكبر من زوجي بثلاث سنين وحتى شكلي اكبر منه وصار لنا الحين سنتين وعندي بنت وحامل والحمد لله عايشين بسعاده وما اثر العمر علينا

مانصح الزواج من اصغر منج لان لاصار شي بيقول لج ياالعجوز او يجرحج نصيحه لا ياختي بتتعبين والله يوفقج سواء معه او مع غير موفقه