فاكهة السفرجل شنو هي؟؟

السلام عليكم جميعا يا حلوين

سمعتوا عن فاكهة السفرجل اللي تاكلها الحامل في بداية الحمل لغاية الشهر الثالث و تحلي الياهل باذن الله؟؟

و هذا حديث وارد عن الرسول عليه الصلاة و السلام..

بس السفرجل باللغة الفصحى، لكن بلهجتنا الكويتية شتطلع؟؟

و اذا ما كان موسمها تتووقعون تنباع وين ؟؟

أفيدونا أفادكم الله و يزاكم الله خير جميعا

بالكويتي هم اسمه سفرجل وزوجي يشتريه من الشبره

شوفي قلبي انا لما حامل في ولدي حست حست حست عشان احصله نفس العرموط
بس اسمه سفرجل تلقينه في مراكز سلطان بمواسم معينه
وبعد في عندج جمعيه الاندلس
بس ترى للعلم عزيزتي الحديث للرسول صلى الله عليه وسلم ضعيف

عاد السفرجل مر وتغصين فيه….. هذا اهو:
https://images.google.com/images?sour…N&hl=en&tab=wi

حبيبتي السفجل فاكهه لونها أصفر تشبه العرموط على التفاح .. إتحصلينها في مركز سلطان أو كارفوور ..
وايـــــــــــــــــد مفيده بس ‘ذا مو موسمها يكوون طعمها إشوي ماصخ .. أفضل شي إتحطين عليها إشوي عسل عقب ما إتقطعينها عشان
تقدرين تاكلين منها يوميا .. أفضل وقت حقها على الريق وقت الصبح ..
وبالتوفيق ..

تسلمون يالشيخات ما قصرتوا

طيب اذا رحت مركز سلطان اسمها بيكون سفرجل؟؟!!

لان في ناس قالوا لي هي نفسها العرموط !! بس ماظن !!

انا لقيتها بالمباركيه واختي لقتها بمركز سلطان عادي تاكلها الحامل عقب ال3 اشهر ولا ماتنفع

حبيبتي احس ماله شغل يعني مشاالله عيال الاجانب يهبلون ماكلو اهلهم السفرجل والحديث عن النبي عليه افضل الصلاه والسلام ضعيف وبعدين خلقه الله للانسان حلوه توكلي على الله ان شاالله

يقولون شكثرها بسوق المباركيه

ما عرف شنو هاي

وانا فالشهر السابع احين ما جربتها صراحه

ويارب بنتي حلوووووه

موفقه