|
|
السلام عليكم
عضوه يديده ابي افيدكم
شخباركم عرااايس ….
كتبت موضوع شطووله وانمسسح حسافه
المهم
مابي منكم الا الدعاء الله يرزقني بالذريه الصالحه عاجلا وغير اجل ويجملني بعين زوجي ويخليه لي ويخليني له امين
المهم
أولاااااا
الاستغفااار والدعااااء اهم شي والرقيه العين حق والنفسيه لانج داخله حياه يديده والدعاء راح يسهل اموور انتي مصعبتهاا
وقراءة سوره البقره
ثانيا
الملابس الداخليه كثروو من الالواان المغريه الي ماتسمرج وخصوصا الستيانات الحلوه والالوان والاشكال لاني غلطت ماكثرت كلا ابيض واسود في بكذا مكان لحقوو على الخصومات والسليبات الملونه لاتنسونهم في بسنتر بوينت حلوين وقت السيل على نص
والملابس الدالخليه اليوميه كثروو هذيلاا اهم شي
ثالثااا
العطور لاتكثرون لان كل شوي ينزل عطر يديد وغير جذي حرام السوق ماراح تخلص عطوووره
لاتشتروون العطوور مره وحده لاني شريت عطور مره وحده وتخربطت بالريحه وطلع جم عطر ماادري شلوون خذيتهم وريحتهم تلووع الجبد وبنصحكم بجم عطرر لاطوفونهم
كوكو شانيل الوردي روووعه له تاثير بالرججل
وفلور بووم روووووووووووووعه
وبرشلوونه حلوو حق الصبح هادي وله تاثير
وجوسي كتيور بوربطه ورديه ونينا ريتشي الدوائر الاصغرهذا غرامي قديم بس روووعه وعطر جفنشي مودموزيل كل مارشه حمواتي
يسؤلوني عنه والعطووور واايد خصوصا اني مدمنه عطووور
ولاتنسوون مسك العروس من القرشي وارزه لبنان حلو بعد ومسك الختام وسفاري كلهم حلوين مايقعدوون عندي
طريقتهم اعط وراا اذوني وعلى رقبتي جدام وره وعلى الصدر واماكن النبض ولاتحطوون على المنطقه الحساسه بس بين الفخووذ ترا تجيب الالتهابات
انتبهوو كافي الغسول ودكتورتي نصحتني بغسول بستال حلوو وريحته حلو وخصوصا انه طبي من الصيدليه
ولا تكثرون استخدام الغسول تقتل البكتيريه النافعه كافي 3 مرات بالاسبوع وهم الماي والملح حلوو
ريحت الجسم والحلج مهمه طبعا ماعليها كلام ولاتتكاسلووون قبل كل قميص تاخذين شور والبدي لوشن والعطر واذا لج خلق تبخري ترا موحلوو تلبسن قميص ولابجامه بليل وانتي سبووحج من الصبح ترا الجسم يعرق حتى لوريحتج حلوه من الصبح راحت ريحة البدي لوشن حتى لووعطر موحلوووو وانتي مومتسبحه من الصبح اخذي شور سريع بس حق الجسمم
والحلج ريحته اهم شي ترا اهي الي تبعد الريال انتبهي كثري حلااااو وعلووج وحلوه طريقه الزيت زيتون تمضمضين منه قبل لاتنامين اخذذت الطريقه من وحده وفعلااا حلوه جربوهاا
رابعااا
القمصاان النوم لاتكثروون 10 اتوقع كافي 4 طوال 6 قصار لين تعرفين ذوق الريال والالوان
والسووق ماراح يطير
ولاتكثروون من القمصاان الشك كافي 3 علشان عرووس لان يأذون السي سيد احلاا
شي الستاان ناعم وحلو على الجسم ومغري ولاتشتروون كلا من الغالي روحوو الجميع عنده شغلاات
حلوه موالهلااااقه ولاشنزا غالي بس قمصااانه شي حلوين وفيهم ستياااان لوووووووووووووول
لي تكمله ان شاء الله اذا شفت تفاااعل مع شغلاااااات بتفيدكم بس ابي تفاااعل
والله يوفقكم ان شاء الله
الله يرزقج الذرية الصالحة
اعط >احط
لاشنزا >لاسنزاا
واذا في طوفووا فديتكم
ويوفقج يا عسسسسل
الله يوفقج ويسخر زوجج لج ان شاءالله
كملي اذا عندج نصآآيح ومنكم نستفيد ^_^
موضوعج حلوووو 
انا كثرت القمصان صاحه
والامدر ويرات كثرتهم :$
وسمعت نصيحة اغلب العرايس وشريت 7 عطور بس
شكرا يالغاليه وناطره الاخطاء الثانيه
ويجملج بعيون زوجج دايماً حبيبتي
مشكوره نصايحج وايد مفيده
كملي ننتظر باقي نصايحج
ناطرين باجي النصايح لا اطولين علينا
نكمل
خامساا
البدلات الفخمه لاتكثرون كافي 2 لان بطيح بجبدج
بعد شهر وراح تستحين تلبسينهم مثل حالتي عاد غالين شسوي بعد ونفس الشي العبي اخذي النقشات الناعمه لان يصلحوون لاي وقت
الخلاصه لاتكثرون العبي الخبه كل شي ناعم حلوو
سادساا
البجامات الستان احلا وشكلوو بالالوان و القطن لاتكثرون منهم واخذو القطن الي يجي صااك للجسم نفس السورياات لوووول اهم شي و الدوره احسبو حسابها البجامات الطويله لان هالفترة يطلع الشعر
موحلو يشوف الشعر انا صارلي سنه وللحين مااحب يشوف الشعر احس موانوثه ان يشوف فيج شعر وخلج دايما ناعمه (لاتنسين السنفره تنعم الجسم وملح الحليب)
وهم لاتكثرون بجامات ماتدرين يمكن تحملين ان شاء الله واخذو البجامات العلاق والكت والجابنييز
احلاا يعطي انوثه والشورت بس مواول اياام
سابعاا ..
ملابس الشقه اخذو جنزات وتنانير جنز قصير وشورت وبديااات ترا الريال يحب هالشغلااات اترسي عينه من هالبنات لي بالاسواق الله يستر عليهم والهالهوووب اللون واشكال اخذي المخرم والتايقر ونقش الحنه تراا له تأثير خصوصا العصر تقدرين تقعدين معااه راح يستانس عوديه على اللبس الاكسسوارات التراجي والقلاده والاسوار انا مومتعوده البسهم بس قمت البس تعطي انوثه مراا تراجي على بجامه نعوومه جذي يعني والحجول
لاتنسنهم والكاب (الكبابيس) من كليرز تراا روعه
بيطلع شكلج مع جنز وبدي كت وكاب والكعب وانتو بكرامه ودي انزل لوكات للشقه بس هالموضوع للفايده عدم الخرووج عن النص
نرجع اخذي النفانيف القطن القصيره حلوين بماكس حق البيت حتى بجامات ماكس الستان حلوين وطريقتهم ذربه يخلصوون بسرعه مايقعدون ماشاء الله ونوعي موكلا بنطرون لايمل الريال
لان بهالفترة لازم تترسين عينه طلعين جمالج وتبهرين الريال باللبس والمكياج والشخصيه راح اتكلم عنها بتاخذين قلبه ان شاء الله وهم انتي موبس الريال حلو االوحده تهتم بنفسها موبس اول ايام خليج دايما عرووس بعين ريلج والكل
ثامنااا
الشخصيه جدام ريلج طبعا كل وحده وشخصيتها بس اهم شي الابتسامه والله انهاا حل حتى لوضايق خلقج بتفرح ريلج صدقني تعودي اهو لو معصب رايح يبتسم انتبهوو ابتساامه موضحك وصدقني ريلج بيرتااح وكوني مرحه طبعا لما طيح الميانه بس نصيحه لاتطيح وااايد اول ايام يعني رفجتي صارت الميانه حدهاا بخبال انه تسمح يقولها حماره على غشمررره طبعااا مو حلووه حتى لو ضحك لازم تحسسينه بانوثتج وتكونين مرحه لدرجه الضحك الزايد لاكل شي بحدود خليج انوثه بضحكتج و الصوت العالي مشكلتي الحمدلله حليتهاا وريلي يقولي صووتج هادي لووووول مايدري عن المااااضي حتى بالضحك
وصدقيني اذا عودتيه على هالشي راح يعرف اذا انتي مضايقه عكس الي نكديه ماتعرف تبتسم بيضيق خلقه
اكمللل بعدين تعبت