|
|
السلام عليكم خواتي
كلنا مرينا بمراحل الخطوبه و الملجه و التجهيز ,,
و اكيد كلنا غلطنا غلطات و قلنا ياليتنا ما سويناها و لو مسوين جذي احسن ,,
بالمنتدى بنات توهم ينخطبون , وودنا نعطيهم اغلاطنا عشان هم ما يكررونها ,,
شرايكم ؟؟
و انا راح ابتدي ,,
بعض الاخطاء انا سويتها و بعضها سمعتها من ناس نعرفهم
1- عدم السؤال الكافي عن الزوج و الاعتماد على كلام الاهل باعتباره واحد منهم و هذا غلط
حتى لو الزوج طلع حبوب و طيب بعدين , بس اكيد الاهل ما يعلمون كل شي او يمدحون بالولد من باب الحماس و ان بنتنا تظل عندنا و ما تروح للغريب
لذلك من الافضل نسأل عن الولد ( بدقققققققققققققه ) شديده قبل الموافقه .
2- انهاء اجراءات الملجه بسررررررعه ,, و هذا ايضا غلط ,
و السبب هو نفسه , في سلبيات و اشياء بالزوج ما تبين من اول وهله ,,
و ايضا , مسأله التوافق و التفاهم بين المعرس و العروس و اهاليهم على مواضيع مثل عمل الزوجه و قيادتها للسياره و طلعاتها ,,
لازم ياخذون من الريال كلام جااامد و نهائي , و ما يخلون الباب موارب على قولتهم
ياخذون من الريال كلمه الفصل بمثل هذي الشؤون عشان تتحدد الرؤيه جدام العرسان اليدد .
لأن بعض الازواج يقول عقب الملجه : انا ما قلت انج تسوقين دايما , انا قلت احيانا و قت الضروره
انا ما قلت ممنوع جذي على طول , قلت مسموح بس بحدود
و طبعا يكون كلام منافي للي قاله اول ,, او يكون كلامه من البدايه غامض و العروس من حياءها تمشي الامور تالي تتوهق عقب الملجه .
3- عدم تنازل العروس عن اي مكسب في الزواج تم الاتفاق عليه بين اهله و اهلها ,
يعني : قال لها راح نسافر شهر عسل ,, لازم تشوف بعينها انه يحجز تذاكر .
قال لها راح اسوي عرس كبير و نعزم الاهل , لازم تحط خطه لترتيبات الزواج و هو موافق عليها 100 %
اذا صار شي يمنع الزوج من اتمام وعوده وكان شي قاهر , يتم التراضي بين الطرفين بمعلوميه الاهل
بس ما يصير الزوج يقول كلام و عقب الملجه يبتدي يتحجج .
4- اي اتفاق بين الزوج و الزوجه عقب الملجه على امور مصيريه لازم يكون هالشي بمعلوميه الاهل قبل الموافقه عليه من قبل الزوجه
ما فيها شي اذا الزوجه قالت لاهلها انه راح يسكنها مع حمولتها
او انه بيخلي عرسها بسيط عقب ما كان مقرر انه كبير , او اي تعديل موعد الزواج او السفر … الخ
او انه غير رايه بأي شي من الاشياء
لأن بعض هالتغييرات تكون على يد المخربين من اهل الزوج او اصدقائه ,,
لازم الاهل يدرون قبل لا يتم اعتماد الامر , اهل المعرس و اهل العروس , عشان كل شي يكون واضح .
وايد بنات يتفقون مع ازواجهم على شي خلاف المقرر عليه سابقا و تسكت بحكم الحياء و المستحى تالي يدرون الاهل و يطلع هالقرار مو لصالحها تالي يرد الزوج ان زوجته موافقه و ماله داعي نغير شي عقب اتفاقه معاها .
5- أي ملاحظه من الزوجه لأي سلوك غير سوي للزوج لازم يكون هالشي جرس انذااااار لها !!
بوادر فساد اخلاقي – علامات بخل و حرص على الفلوس
عدم احترام لاهلها و تكبر عليهم – كذب و نفاق و لف و دوران
ضعف شخصيه و انقياد لكلام الغير
او حتى صفات بالطبايع مثل : سرعة الغضب على اتفه الامور – كلام بذيء – شك و ظنون
ثقل طينه – …. الخ
لازم اذا كانت الزوجه شايفه من زوجها بوادر لصفه هي مستحييييييييييييل تتقبلها , لازم تطق بريك
لأنها لو حست و كملت ,, يمكن فعلا تطلع هالصفه فيه و تالي القادم راح يكون أسوأ .
و ثقي تماما ان طلاقج من الملجه ابرك ألف مره من طلاقج عقب الزواج .
5- بعض الازواج للأسف يضغط على العروس بوقت الملجه توافق على قرارات هو يتخذها
مثلا يأخر موعد الزفاف او يلغيه
يجبرها تسكن مع اهله عقب ما قال جدام اهلها انه بيخليها بروحها و يتحجج ان هالشي بس جم شهر تالي يطلعها .
و يتخذ أساليب مثل انه يزعل او يعصب عليها او يقنعها انها هي صاحبه القرار
من الخطأ مسايره الزوج بالشكل هذا ,,
بأي لحظه حسيتي نفسج انج مضغوطه من ناحيته , قولي له : القرار مو بيدي حاليا , بيد أهلي لان انا ما دخلت بيتك ليما الحين
ياليت تتواصل مع ابوي او اخوي او او او , و تتفاهمون , و رجااااء لا تحرجني مع اهلي .
لكم المايك .gif "Eh S(17)")
بالنسبه لي اكبر غلطة سويتها اني رضيت اسكن مع اهله بنفس البيت مع انهم واعديني انه الشيء مؤقت وبعد الزواج اكتشفت انه ماله
نية يطلع من البيت ابد
ثاني شيء ايده ماسكه اشوي وكنت متساهله ايام الملجة ليما تعود على هالشيء وانا طبعا اللي ابتليت
ونصايج تينن
بنات شاركوا خلونا نستفيد وندعيلكم
بس الفلوس مو مشكله أهم شيء الصفات
الوحده اشلون تكشفها
و اذا صار شي و تبي تنفصل بتشيل اسم مطلقة
الزواج صار عالحظ والله
اب اب
اب
نبي نستفيد
انا عندي بعض المؤشرات اللي اكتشفت بعدين انها مؤشرات لصفات مو ايجابيه بزوجي الله يهديه
و بكتبهم يمكن البنات يتعظون
و ترا مو شرط تكون كلها صحيحه ,, من ريال لريال يختلف الامر بس الاحتياط واجب
1- كلامه المتواصل عن ظروفه الماديه السيئه من ايام الملجه , اكتشفت تالي انه حريص بس بزياااااده و حاليا تعبانه شوي معاه .
2- مواضيعه اللي يتكلم فيها معاي مكرره ايام الملجه ما عنده شي يديد و اكتشفت بعدين ان ثقافته جدااا محدوده و هذا بعدين خلاه يحس بالنقص معاي و بدا يفرد عضلاته شوي بالهواش و فرض الشخصيه .
3- تعليقاته بعضها كان مو حلوه عن بعض افراد اهلي و ايضا من الملجه , و يفسر تصرفاتهم و يحللها , دريت بعدين ان طبعه انتقادي جدا و يدقق على ابسط شي و عنده هوايه البحث عن السلبيات .
4- واااايد يحن و يتزعل و يبيني 24 ساعه اكلمه بالتلفون و دريت بعدين ان ماعنده اصدقاء و ينعدون على اصابع اليد الوحده و اغلب وقته مع امه .
5- كان يقول كلام حب مثل اللي حافظ نشيد و يسمع , هالشي فيه جانب ايجابي هو انه يدل ان ما عنده علاقات قبل و هذا شي ممتااااز الحمد لله , بس تعبت معاه بعد الزواج ما يعرف يعبر اطلااااقاااااا و لا يعرف يخلي المره تستحي منه و تتدلل عليه
يعني ما عنده هالصفه الرجوليه اللي تخليج تستحين و تحسين انج انثى معاه , ما يعرف يناغش المره و يضاحكها و يخليها تتشقق من الوناسه و الحياء بكلامه و غزله , كللللللللللش ما يعرف .
6- اغلب وقته ساااااكت و ما يتكلم و اذا تكلم مواضيعه محدده ما يغيرها ,, و دريت بعدين ان اغلب سوالفه بينه و بين مخه و انه طلع من النوع اللي محقق كونان يحلل الشخصيات و يدرسها و يسولف مع نفسه و ما يفتح لج قلبه .
زوجي للامانه فيه وااااااااااايد صفات حلوه و لله الحمد و صارت نادررررررررره بهالزمن
بس ايضا فيه سلبيات شوي قويه , و الاشارات اللي فوق تدل على هالصفات
و عسى الله يهدي رياييلنا
موضوع جميل و آوافقج بلي قلتيه آستمتعت بالقراءه:*
عن نفسي مآ كأن في آخطاء ،
زواجي كان وآيد مميز مو بس بالنسبه لي مميز بالنسبه لكل العايله
و الكل كان مستانس و الحمدلله جميع الآمور عدت على خير ..
الله يهني الكل*؛
اب
يلا بنـْْ♡ـْْات نبي نستفيد
فيوم توظفنا انا كنت مستعيله عالزواج ماكنت ابي انطر فما خذيت وقتي بان اثنينا نحاول نكون نفسنا و خصوصا اهوه
و ثاني شي انا امي كانت تبي تسزي عمليه فاضطريت ان استعيل بالملجه و بعدها باسبوع العرس بالبيت وانا اخترت ان بالبيت و طبعا تحسفت ان هالاسبوع اللي ملجت فيه كان كله تجهيز الشقه ماكان وناسه و طلعات اغلبه طلعات مشاوير فاحس ان كلش ماكان الوضع حلز تحسفت بس ان كنت مضطره اتزوج قبل عملية امي و طبعا شاءء القدر ان امي تطلع موافقه ان تسافر امريكا علاج و رحت معاها انا و زوجي و كملنا شهر العسل بروحنا و ظلت اهي مع اخوي