غشيمــــــــة وسؤالـــي يفشـــــــــــل .

قوة بنات كويتيات شخباركم وشلونكم ..,,,

احم احم

انا عندي سؤال شوي غبااء بس لا تحرجوني

شسوي غشيمه ولا عمري جهزت ولا سبق وتزوجت

ولا اعرف احد جهز من قبلي

سؤالي يقول ؟

متى تبدى العروس تجهيزها قبل عرسها بجم شهر ؟؟

تكفون لحد يضحك علي

والسموووووووووحه

من يعطونج المهر تبدين وعلى حسب اذا كان عرسج شتا ولا صيف اذا صيف وعطوج المهر بالشتا اصبري لما ينزل الصيفي واذا العكس صبري على حسب الوقت

وانا معها بنفس الشي….

شي اكيد انه من اول مايعطونج المهر تبدين بالتجهيز

بعد عمري ريما حيااااتي على هالمعلومـــه

عالمه & كات يسلموووووووو حياتي على مروركم الحلووووووووو

ماقصرتواا

عادي بكيفج بس الافضل لمن يعطونج المهر عشان يمديج على راحتج ولازم تحطين لج ورقه وتكتبين فيها كل اللي تحتاجين وجم راح يكلفج تقريبا بحدود ميزانيتج ومهرج وبالتوفيج

حبيبتي نصيحتي لج ابتدي جهزي الملابس الداخليه وقمصان النوم وملابس البيت والجناط والساعات والذهب وقبل عرسج بشهر ابتدي جهزي ملابس الطلعه والدراريع لان موديلاتهم كل شهر تتغير بالسوق وآخر شي العطور والمكياج

والله يوقج انشاءالله وتصيرين احلي واسعد عروس

انا بصرااحة موظفة وجهزت قبل المهر بشهر بس اول ماتبدين بالذهب بعدين بالقمصان والملابس الداخلية والبجااايم واحسن شي خلصي شغلج اول باول الله يعينج انا عرسي كان شهر 10 ومن شهر 3 وانا اجهز

حبيبتي اول شوفي متى بيكون عرسج او يعني انتو متفقين على متى وبعد ما يعطونج المهر روحي شوفي غرام ال>هب جم صاير؟؟ واول شي ابدي فيه الشبكة وال>هب
وسوي اظرف وشوفي ميزانيتج حق كل شي مثل الملابس الداخلية والقمصان النوم والبجايم البيت مثل 400 دينار مكتوب على الظرف
وظرف ثاني حق العطور الفرنسية والدهن العود والبخور والخمرية للشعر ولوشنات بحدود 700 دينار انا قاعده اخمن تقريبا بس انتي على حسب مهرج
وبعدين ابظرف ميزانية الجواتي والجناط وملافع وظرف حق الاكسسورات والمكياج واخيرا ظرف حق ملابس الطلعة والدراريع
واللــه يوفقج

من يعطونج المهر
والاحلى يكون جدامج وقت
وتستغلين فترات التنزيلات

جهزي بالشغلات الخفيفه مثل القمصان ولعطور والمكياج واذا تبين ذهب

اما سوالف البدل والدراريع خليه على موسمهااا

كل ماكان بسرعه كان احسن
لان بأخر لحظة راح تتوهقين

لما تاخذين المهر ابدي جهزي
ابدي اول شي بالقمصان والبجايم وملابس البيت والملابس الداخليه لان هذول اكثر شي راح تستهلكينهم
واخر شي خلي المكياج وملابس الطلعه والدراريع

شووووفي ياقلبي …
عندج الدراريع والعبي والملافع .. قبل العرس بشهرين
والذهب قبل العرس بشهر وكل ما شفتيه نزل روووحي اشتريه يمكن ما ينزل بعد
واما العطور والبخور والكريمات ولوشنات وغيرها من اغراض قبل العرس بثلاث تشهر تقريبا
اما ملابس الشقه من بجايم وقمصان ودراريع قصيره والاكسسورات وغيرهااا قبل العرس باربع او خمس ..
وموفقه وإن شاءالله اكون فدتج ..

رفع