عيني اليسار بس ترف

السلام بنات اشلونكم

انا حامل بالخامس وعيني اليسار صارلها 3 ايام بس ترف وامس زادت حيل ليما الحين ترف حيل احس شكلي يفشل وهم انزعج

انا اصلا ما صارت فيني هالرفه الا بنفاسي اللي طاف وطولت اقعدت يمكن 3 شهور وراحت من كيفها وطبعا ماكانت متواصله

الحين ردتلي مره ثانيه؟؟

اشسالفتها؟؟ والحمل له دخل

؟!!

ياليت اتساعدوني وشسوي؟

ما اعتقد الحمل له دخل
بس بالنهايه عضلات الجفن
ريحي نفسج وسوي كمادات بارده لعيونج

لا حبيبتي ماافتكر ان الحمل له دخل
بس مادري شنو السبب يمكن البنات يفيدونج

مشكووره ساره

في شي يقولونه يمكن صح ويمكن خرافه بس انا مشى معاي
ما أدري اذا رفت اي عين بالضبط معناته راح تشوفين ناس من زماان مو شايفتهم
واذا رفت ما ادري اي عين بالضبط يعني بسم الله عليج راح تبجين وايد

حجي عيايز بس ضبط معاي

اختي دكتورة تقول حركة زايدة بالعين مالها سبب

ماعندي فكره ان شاءالله خير

ماله دخل كلللللللللش لا تحاتين

انا دااااااااايما ترف وفشله تخيلي اكون اسولف مع وحده وهي تركز على عيني واقعد اتصدد لووووووووول يفشل صراحه.

كلامج صح وانا عن تجررررربة والعلم عند الله

يعطيكم العافيه بنات

انزين يعني تتوقعون الجيوب الانفيه لها دخل؟؟

هذا ممكن يكون نقص فيتامينات بالذات فيتامينات ب
او ممكن يكون من التوتر والارهاق

شفت مره مفابلة مع دكتور عيون يقول النقص حاد بالبوتاسيوم

يسوي هالرفة اللي بالعين…..

توني مفتكة من هالسالفة قبل إسبوعين …

أمي تقول هذا إرهاق … والعين عضلة و لازم ترتاح … و انتي ذبحتي روحج بالسهر

و يمكن نقص بالحديد أو فقر دم … ما يندرى… فحصي روحج و حللي

و إهتمي بأكلج ….و نامي وااااااااااااااايد>>>>أمنية حياتي النوم

راجعي دكتوور عيون يمكن يفيدج